2 Ịsamụwẹrị 8:14 - IWE ỌNỊNỊ

¹⁴ Idevidi ộ kụ́ isoja anị hi ịnị avaba ẹtẹ Anedomi, dị avaba Anedomi kụkụ vị ọrịhị anị nị. Avaba ịzị Idevidi ọ̀ọ nọ, di Ẹnẹyịmavara aa mẹ ka òo huna ọnịvị anị.

2 Ịsamụwẹrị 8:14 ပူးပေါင်းရင်းမြစ်များ

Oyinyima 25:23

Ọ mẹ na họ̀ ọ, Di Ẹnẹyịmavara tụ́ o ohi dị ọ ka: Anẹkụra ẹẹva e hi ịnị ịrẹka anị nị. Anẹkụra ẹẹva ọ vaa ma nị, ama vị ẹ vaa gàa hi nị. Ọnya ọ vaa nyị ụkata hu ọsa nị. Ana vị ọzọkụ ọ vaa hẹkẹ ana vi ozweyi nị.

Oyinyima 27:29

Anẹkụra nịnị vị ana vaa hẹkẹ ẹwụ, di e yee kú ẹtẹẹ yị wụ. Ẹwụ waa vị ọga tụra avaba ẹyịnyara awụ ịrẹsụ nị. Ẹnịnị vi ene vee kú ẹtẹẹ yị wụ. Aza ene èe chì hi wụ, vị ọnị ọnị vee chìi hí. Aza ana àa ka o zee yị wụ, vị ọnị o vee zee yị.”

2 Ịsamụwẹrị 5:10

Idevidi vị ana a yịị nyị ụkataa hu avọọ agụvị ka Ẹnẹyịmavara ana vị Ohomorihi Ochẹtẹẹngụ vị ana jẹẹ ịrẹma anị.

2 Ịsamụwẹrị 7:9

Avaba ịzị ọ nọ vị ọnị mị jẹẹ ịrẹma anị, dị mị wụ ọnịvị anị hụrẹ oze yọ. Kà a ka mị vaa mẹ ka ịrẹha anị ọ̀ ngụ ịrẹyị anka ịrẹha aza ọkọọka ene hi ẹhẹ mẹ̀ ngụ ịrẹyị.

2 Ịsamụwẹrị 8:15

Idevidi ộ vị ohinọyị avaba Anisirẹrị dị ọ mẹ ịzẹyịza ọnịrị ịsa ana vọrọ ka aā mẹẹ yị avaba aza anị nị.

2 Ịsamụwẹrị 8:6

Dị ọ kụ́ isoja anị hi ịzị Anarami nịnị vịdị vị ohinọyị anị ịnị ẹtẹ Ịdamasịkọsị nị. Di Anarami kụkụ vị ọrịhị Idevidi dị ẹ yaa tụ́ ịsa ẹtẹẹ yọ nị. Aha tụra aha oni Idevidi ọ̀ọ nọ, avọọ ọ màa nyị ehuna ọnịvị anị nị.

1 Ohinọyị 11:15

 nyị ụmẹ ọnya oni Idevidi sị na yà Edomi. Ịnị ụmẹ ọnọọ Ijowabi ana vị ọga isoja ộ nọ Edomi ka ọnị ò ne ne aza ana a wụ̀. Di Ijowabi za avaba anọrụ Anedomi dị ọ wụ̀ wa nị.

1 Ohinọyị 22:47

Avaba ọsẹrẹka ọnọrụ ene hi ini irehi Ohomorihi ịnị ụmẹ ana Asa ada Ijehosahwati sị yà ẹhẹ vị oni Ijehosahwati kụ́ hụụnị ẹtẹ ọnọọ.

1 Ohinọyị 22:48

Ịnị ụmẹ ọnọọ, ẹ yị nyị ohinọyị tụ́ Edomi. Ọgụ ọhụva ohinọyị kẹnẹ aa mẹ ohinọyị nị.

2 Ohinọyị 14:7

Amaziya ộ wụ̀ isoja Anedomi akawụ-akawụ oze ẹẹhị ịzị aā hị́ Inozi Anọ. Ộ dọ wa ẹkụra ana aā hị́ Isera ọ́ mẹ̀ pe wa kụ ịrẹkụ, dị ọ sị ịrẹha yọ ka ọnị ọ rị Ijokiteeri nị. Ịrẹha ọnọọ ọ rị pooro tu ajịnị nị.

2 Ohinọyị 18:7

Avọọ, Ẹnẹyịmavara ộ ya pe e aha tụra aha ọnị ọ nọ; di o zee yọ ịnị avaba ịsa ọnị ọ mẹ nị. Ộ dọ ẹngụ anị hụrẹ ụvọ ohinọyị Ásiriya; ẹ yị vana dọ ka ọnị ọ̀ sị ịrẹsụ yọ.

1 Ịtọpa 18:13

Ộ jị udi irenyi-irenyi ịzị ọ kụ́ isoja hi avaba ẹtẹ Edomi, dị Idevidi kụkụ aa mẹ ohinọyị tụra avaba aza ene hi ịzọọ ịrẹsụ nị. Avaba aha ọnị Idevidi ọ̀ọ nọ, vị ọnị Ẹnẹyịmavara sị ọ nyị ẹbẹẹba.

Ahẹ Ụgama 60:1

Ohomorihi, wa sị yị hụrẹ ụvọ, ộ! Wa raà mẹ ka ịrẹyị odivi ò tù yị Yâ yẹ ka waa kụ́ ayịị hi yi, navọ kwogwo wa varẹma za yị gụrị ẹngụ.