2 Ịsamụwẹrị 8:12 - IWE ỌNỊNỊ

¹² Anẹkụra oni Idevidi vavọọ hu ẹtẹ éyi ịrẹkụ ẹ vị Anarami ọnịrị Animowabi beri Anamọnị. Ọsa ẹ vị Anihwirisiti ọnịrị Anamarẹkị nị. Ogu ọnị ọ rẹ kụ́ hụụ ịda ohinọyị. Izoba ana aā hí Ihadadeza ozi Ịrẹhọbị vị ọnị ọ rẹ kụ́ na yị Ẹnẹyịmavara.

2 Ịsamụwẹrị 8:12 ပူးပေါင်းရင်းမြစ်များ

2 Ịsamụwẹrị 10:11

Di Ijowabi ka, “Anarami ẹ̀ẹ sị kata huna mị, dị ụ va dọ mị ha. Àa vị Anamọnị sị kata huna wụ nị, dị ẹmị rẹ va dọ wụ̀ ha.”

2 Ịsamụwẹrị 10:14

Anamọnị mè re ka Anarami e zi zwe, dị ẹnị re si zwe hụụ ịda Abisayi na ngụ ịnị ẹkụra nị. Di Ijowabi varẹma hụrẹ ịrẹkụ Anamọnị dị o si hu aa vẹ Ijerusarẹmị nị.

2 Ịsamụwẹrị 8:2

Idevidi ọnịrị Animowabi ẹ rẹ kụ̀ ịrẹkụ, di Idevidi re hu wa ẹtẹ nị. Idevidi ộ za isoja ẹnịnị dị ọ ka ẹ̀ hụtụ hi ini eteesu nị. Ẹ́ mẹ̀ vavọọ hụtụ di Idevidi sị obo mọ̄ wa nị. Ọ̀ọ dà ẹhụ ụgọdọ obo ẹẹva, dị ọ wụ̀ avaba ẹnị ọnị obo za, dị ọ navọ ẹnị ana àa tụ́ ọ ọhụta. Di Animowabi nịnị kụkụ vị ọrịhị Idevidi dị ẹ yaa tụ́ ẹkẹhirehi yị Idevidi yị Idevidi nị.

1 Ịtọpa 18:11

Ohinọyị Idevidi ộ kụ ẹyịza ẹnẹẹ tụ́ irenyi ka à sịị hẹkẹ Ẹnẹyịmavara. Avọọ ọ mẹ̀ rẹ mẹ isiriva ọnịrị igooru ọnị ọ kụ̀ hụrẹ ẹtẹ Edomi, Imowabi, Amọnị, Ihwirisiti ọnịrị ẹtẹ Anamarẹkị ọ̀ mẹ huna wa ịnị ịrẹkụ nị.

1 Ịsamụwẹrị 15:8

Ịsọọrụ ộ za ohinọyị Anamarẹkị ana aā hị́ Agagị, ọ yị wụ ọ. Ama avaba aza ohinọyị ana vọ vị ọnị ọ sị ụ̀hwọ̀ wụ̀ va ha bemi-bemi.

1 Ịsamụwẹrị 27:8

Ẹkụhị ọnya di Idevidi ọnịrị Igirizite ne beri Amarẹkị nị. Dị ẹ kụ́ ogu hụụ ịzọọ nị. Ịnị ịyẹẹyẹ, aza ẹnẹẹ vị ana ra na ngụ ịnị ẹtẹ Isuri ọnịrị Ijipiti.

1 Ịsamụwẹrị 30:17

Di Idevidi ẹnịrị aza ẹnẹẹ gẹ ịrẹkụ hụrẹ ịrahụ na ngụ oruva eyinẹhẹ anị nị. Ẹ yị nyị aza ẹnẹẹ ene re oze zwe à yị vị ẹnị akava kẹnẹ anaā tura ịkẹrịkẹtẹ di e si zwe.

1 Ịsamụwẹrị 30:20

Ịsụpa ana aza ẹnẹẹ kụ́ vi oni Idevidi rẹ dọ vavẹ. Dị aza Idevidi kụ́ ịsụpa ẹnẹẹ hi ọvịdị ịsụpa ana vọ aa vẹ, dị ẹ ka, “Ẹsẹnị vi ogu oni Idevidi dọ.”