2 Ịsamụwẹrị 8:1 - IWE ỌNỊNỊ

¹ Â nyị ụmẹ ọnya oni Idevidi ọnịrị Anihwirisiti sị na kụ̀ ịrẹkụ dị ahịka Idevidi o hu wa ẹtẹ nị. Di Idevidi dọ ẹkụra ana aā hị́ Imetegama hụụnị ụvọ Anihwirisiti nịnị nị.

2 Ịsamụwẹrị 8:1 ပူးပေါင်းရင်းမြစ်များ

2 Ịsamụwẹrị 19:9

Dị ẹ ka, “Ohinọyị ọ raà dọ yị hụụnị ụvọ ọnịvị ayị. Ọnị ọ dọ yị tụ́ hụụnị ụvọ Anihwirisiti nịnị nị. Ama ohinọyị o si zwe hụụnị ẹkụra booro aanị agụvị ịrẹyị Abịsarọmị.

2 Ịsamụwẹrị 2:24

Di Ijowabi ọnịrị Abisayi ẹnị aa dịị dụ Abịna nị. Ệ dụ ọ pooro va ngụ ịnị ataba Ama ana gụrị Igiya ózee ini ụnọmị Igibiyọnị. Ịjọnọọ ọyị aa ngụ ẹtẹ.

2 Ịsamụwẹrị 22:44

Ọnịvị amị ệ kwẹẹtẹ tù mị, ama ẹwa sị mị dọ tụ́. Wa raà mẹ ka ma rị ohinọyị tụ́ ịrẹsụ ẹnẹ ẹ̀ yẹ wụ. Aza ẹnị mẹ̀ yị yẹ da, ẹ sị vara ezi ahụ amị.

2 Ịsamụwẹrị 5:17

Anihwirisiti mẹ̀ wụ́ ka a raà si Idevidi rị ohinọyị Anisirẹrị, dị ẹ nyayịnẹ hara ẹnya ịrẹkụ di e si hu ee nee sì ọ nị. Idevidi ộ wụ́ ka ẹ yaa vẹ, dị ọ na tẹ̀ ịzị isoja naa tẹ nị.

2 Ịsamụwẹrị 5:25

Dị ahịka Ẹnẹyịmavara mẹ̀ kà Ídevidi rẹ mẹ nị. Dị ọ vavọọ wụ̀ Anihwirisiti nịnị huu hụrẹ Ịgẹba na ngụ Ịgẹzẹrị nị.

2 Ịsamụwẹrị 7:9

Avaba ịzị ọ nọ vị ọnị mị jẹẹ ịrẹma anị, dị mị wụ ọnịvị anị hụrẹ oze yọ. Kà a ka mị vaa mẹ ka ịrẹha anị ọ̀ ngụ ịrẹyị anka ịrẹha aza ọkọọka ene hi ẹhẹ mẹ̀ ngụ ịrẹyị.

Ahẹ Ụgama 18:43

Ọnịvị amị ệ kwẹẹtẹ tù mị ama wa sị mị dọ tụ́ Wa raà mẹ ka ma rị ohinọyị tụ́ ịrẹsụ aza ẹnẹ ẹ̀ yị yẹ wụ Ma sị vara ohinọyị tụ́ ịrẹsụ aza ọnị mẹ̀ yị vịdị yẹ.

Ahẹ Ụgama 60:2

Wâ za ẹtẹ ọnọnị zizi ẹtẹẹtẹrẹ, wa sị ọ gara ha Ẹnẹyịmavara, navọ wa kụ́ ọ ẹngụ nịya ka wa sị ọ za zizi baaba.

Ahẹ Ụgama 60:8

Ohomorihi rẹ ka Imowabi vị ana yà anka ẹnya ọnị ọnị aa nyịna ụvọọ hi Ọ rẹ ka ọnị o reè ne adava anị na tụ́ Edomi ana sị zụ̀ ka ọnị ọ kụkụ nyị nị Ọ kà ọnị aa jẹ ẹtẹẹtẹrẹ ka ọnị ọ sị ehuna Ihwirisitiya nyị.

Anihiburu 11:33

Ẹnịnị ệ sị ayị tụra Ohomorihi, dị ọ mẹ ka ẹ̀ zụ nyị ehuna ẹkụra irenyi-irenyi nị, ệ mẹ̀ ịsa ana vọrọ, ệ dọ ịsa oni Ohomorihi zẹẹ wa ịzẹzẹ anị. Aza ẹnyị ẹnịnị ệ mẹ ka idu nịnị è kú irenu ẹnịnị kú oku.

Anihiburu 11:34

Aza ẹnyị ẹnịnị ệ mẹ ka ịra ana aa za giri-giri, ò mi. Aza ẹnyị ẹ rẹ há hụrẹ ụvọ aza ana ka ẹnị aa wụ̀ wa. Aza ẹnyị ana vịdị vị ọkụmị, ẹ sị ụkata nyị. Ẹ sị vara ọkụrẹkụ ana nyị ụkata. Ẹnịnị kụkụ aa dụ isoja nịnị anẹkụra ọsa.

1 Ịsamụwẹrị 7:13

Avọọ a mẹ̀ huna Anihwirisiti nịnị, dị ẹ̀ yị kụkụ kụ́ ịrẹkụ nọ ịnị ẹtẹ Anisirẹrị nịnị nị pooro dị Ịsamụwẹrị ve sú nị. Ẹnẹyịmavara vị ana nyayịnẹ tana ụvọ za Anihwirisiti nịnị.