2 Ịsamụwẹrị 7:9 - IWE ỌNỊNỊ

⁹ Avaba ịzị ọ nọ vị ọnị mị jẹẹ ịrẹma anị, dị mị wụ ọnịvị anị hụrẹ oze yọ. Kà a ka mị vaa mẹ ka ịrẹha anị ọ̀ ngụ ịrẹyị anka ịrẹha aza ọkọọka ene hi ẹhẹ mẹ̀ ngụ ịrẹyị.

2 Ịsamụwẹrị 7:9 ပူးပေါင်းရင်းမြစ်များ

Oyinyima 12:2

Ohomorihi ka ọnị vaa mẹ ka ọ̀ vara anẹkụra ọbanyị, dị ọnị mẹ ka ò zee yọ, dị mị mẹ ka ịrẹha anị ọ̀ yārā. Ohomorihi ka agụvị anị ọnị vaa mẹ ka ò zee yị avaba anẹhẹ nị.

2 Ịsamụwẹrị 22:1

Ẹnẹyịmavara mẹ̀ maanị sị Idevidi dọ tụ́ hụụnị ụvọ avaba ọnịvị anị ọnịrị hụụnị ụvọ Ịsọọrụ, di Idevidi maanị ahẹ ọnọnị nị

2 Ịsamụwẹrị 22:30

Ẹwa sị ụkata yị ẹmị ka ma zụ dụ ọnịvị amị. Ịnị ụkata Ohomorihi eme zụ hira na jịnẹ ọvọ.

2 Ịsamụwẹrị 22:43

Ẹma pá ịva yị wa, ẹnịnị ẹ sị vara eteesu. Dị maa kụ́ ahụụ hi wa eteesu avọọ nị.

2 Ịsamụwẹrị 23:1

Ịrẹyị ẹnẹnị Idevidi ka ọdịrẹma nị. Idevidi ozi Ijeese ọ kà ịrẹyị ẹnẹnị nị. Idevidi vị ọza ọnị Ohomorihi sị tụ́ ẹba. Ọnị ọ maanị kà ịrẹyị ọnọnị nị. Ohomorihi oni Ijekọvụ hẹkẹ ọ nyị Idevidi vị ohinọyị nị. Ọnị ọ vị ahẹ ohine ọnị Anisirẹrị nịnị jị nị.

2 Ịsamụwẹrị 5:10

Idevidi vị ana a yịị nyị ụkataa hu avọọ agụvị ka Ẹnẹyịmavara ana vị Ohomorihi Ochẹtẹẹngụ vị ana jẹẹ ịrẹma anị.

2 Ịsamụwẹrị 8:13

Idevidi mẹ̀ na wụ Anarami ẹnị akawụ-akawụ oze ịhịịna ini ozi anọ-anọ, dị ọ vavẹ, dị ọ kụkụ ta ngụ ịrẹyị nị.

2 Ịsamụwẹrị 8:14

Idevidi ộ kụ́ isoja anị hi ịnị avaba ẹtẹ Anedomi, dị avaba Anedomi kụkụ vị ọrịhị anị nị. Avaba ịzị Idevidi ọ̀ọ nọ, di Ẹnẹyịmavara aa mẹ ka òo huna ọnịvị anị.

2 Ịsamụwẹrị 8:6

Dị ọ kụ́ isoja anị hi ịzị Anarami nịnị vịdị vị ohinọyị anị ịnị ẹtẹ Ịdamasịkọsị nị. Di Anarami kụkụ vị ọrịhị Idevidi dị ẹ yaa tụ́ ịsa ẹtẹẹ yọ nị. Aha tụra aha oni Idevidi ọ̀ọ nọ, avọọ ọ màa nyị ehuna ọnịvị anị nị.

1 Ịtọpa 17:8

Ẹnẹyịmavara kà aha tụra aha ọnị ụ nọ, vị ọnị ọnị yàa wụ ịrẹma. Dị ọnị dọ ọvịdị anị, dị ọnị hu ọnịvị awụ nịnị ẹtẹ yị wụ. Ọ kà ọnị vaa mẹ ka wa ngụrẹyị anka ohinọyị ene hu keekere ịnị ẹhẹ.

Ahẹ Ụgama 21:6

Wa raà mẹ ka ò zee yọ pooro zịna-zịna Ohinọyị ộ yẹ ka ịda awụ ọnị yà nị agụvị avọọ dị ịnẹ anị ee hine kẹnẹ nị.

Ahẹ Ụgama 89:23

Avaba ọnịvị anị ana ka sị ẹnị ee re e a mẹ vị ọnị ụ ka ụ vaa gara a ha éyi anị.

Iruuku 1:52

Ọ sị aza ana nyị ọda jị hụrẹ udi ẹnịnị. Dị ọ kụkụ sị aza ẹnẹ ẹ̀ yị nyị ịsị ẹ vị, dị ọ kà wa hịrẹ nị.

Ijosuwa 6:27

Avọọ Ẹnẹyịmavara mẹ ya pe Ijosuwa dị ọ ngụrẹyị tụ avaba ẹkụra nị.

1 Ịsamụwẹrị 18:14

Avaba ịsa ọnị Idevidi ọ̀ọ mẹ vi ene eē zoza ẹtẹẹtẹrẹ agụvị ka Ẹnẹyịmavara vị ana jẹẹ ịrẹma.

1 Ịsamụwẹrị 18:30

Ọga isoja Anihwirisiti nịnị vị ana aa jịnẹẹ tụ́ ẹhẹ pooro ka ẹnị ẹ̀ na kụ̀ ịrẹkụ, ama dị ahịka Idevidi aa kụ̀ ịrẹkụ ẹtẹẹrẹ huna isoja Ịsọọrụ ana vọ nị. Dị ịrẹha Idevidi aa ngụ ịrẹyị nị.

1 Ịsamụwẹrị 2:8

Ọ nyẹngụ sị oniruwa kwẹẹtẹ hụụnị eteesu, dị ọ vara a ọza obooro. Dị ọ mẹ ka ẹnịrị aza ẹbanyị è dudu yaayịtẹ, dị ẹnị rẹ nyị udi ọbanyị. Ẹnẹyịmavara ọ ká ẹhẹ ọnọnị ẹtẹ, dị ọ sị ẹhẹ jẹẹ ịrẹsụ anị nị.

1 Ịsamụwẹrị 31:6

Avọọ Ịsọọrụ ọnịrị ezi anị ne beri ọza anaā za ẹnya ịrẹkụụ gụ ọ ọnịrị avaba aza anị mè su ịnị ẹkụhị ọnya nị.

1 Ịsamụwẹrị 5:10

Dị Anigati ẹnị rẹ sị apoti oto Ohomorihi ọnọọ, dị ẹ ka à sị ọ na tụ́ ịzị aā hị́ Ekironi nị. Anekironi mè re ka aā sị apoti ọnọọ aa ngụ ịnị ẹkụra ẹnịnị, di e nowu za ẹtẹ dị ẹ ka, “A raà sị apoti oto Ohomorihi Anisirẹrị vẹ ka à sị va wụ ẹyịrị aza ayị và ha ộ!”