2 Ịsamụwẹrị 7:8 - IWE ỌNỊNỊ

⁸ “Na wa na kà a yi Idevidi ozi ahụ amị ka ẹmị Ẹnẹyịmavara Ochẹtẹẹngụ ka ẹma sị ọ hụrẹ ịrẹma atẹmẹ ka ọ̀ vị ohinọyị tụ́ ịrẹsụ Anisirẹrị aza amị nị.

2 Ịsamụwẹrị 7:8 ပူးပေါင်းရင်းမြစ်များ

2 Ịsamụwẹrị 12:7

Di Inatanị va kà a yi Idevidi dị ọ ka, “Ẹwụ gẹdẹ-gẹdẹ ọ vị opisa ọnọọ nọ! Wụ́ ịrẹyị ẹnẹ Ẹnẹyịmavara ana vị Ohomorihi ana Anisirẹrị aa hẹkẹ kà oo! Ọ kà ọnị ộ nyị wụ ka wa rị ohinọyị Anisirẹrị. Dị ọnị dọ wụ tụ́ hụụnị ụvọ Ịsọọrụ nị.

2 Ịsamụwẹrị 14:13

Dị ọnẹẹ ọnọọ ka, “Taarụ, sị ẹ vẹ dị ụ maanị mẹ̀ evita hi aza Ohomorihi? Ozi ewu ô zwe, wẹ yị zẹẹ ka ọ̀ vavẹ eehi. Taarụ, wéē re ka wa sị ịvị jị yị ẹngụ awụ ịnị ịrẹyị ọnị ụ kà ịsọọnị? Wâ yẹ ka avaba ayị vi ene vee sú.

2 Ịsamụwẹrị 23:1

Ịrẹyị ẹnẹnị Idevidi ka ọdịrẹma nị. Idevidi ozi Ijeese ọ kà ịrẹyị ẹnẹnị nị. Idevidi vị ọza ọnị Ohomorihi sị tụ́ ẹba. Ọnị ọ maanị kà ịrẹyị ọnọnị nị. Ohomorihi oni Ijekọvụ hẹkẹ ọ nyị Idevidi vị ohinọyị nị. Ọnị ọ vị ahẹ ohine ọnị Anisirẹrị nịnị jị nị.

2 Ịsamụwẹrị 24:17

Idevidi mè re anggẹẹrị anaā wụ̀ ọza, dị ọ kà a yị Ẹnẹyịmavara dị ọ ka, “Te, ịzẹyịza ẹma mẹ̀ akụvị, ẹma mẹ̀ ebira odivi nị. Ama ịrẹyị ọọhẹ aa rị aza ẹnẹnị ana aa rị ụya aanị nị. Navọ wa va eyi ka ẹmị ịnya kẹnẹ ne beri ovwoovu amị.”

2 Ịsamụwẹrị 5:2

Ịyẹẹyẹ Ịsọọrụ mẹ̀ vịdị vị ohinọyị ayị, ẹwaā kụ́ Anisirẹrị nọ ịrẹkụ nị. Ẹnẹyịmavara ọ sị ọ kà ka ẹwa vaa tẹsị aza anị ana vị Anisirẹrị nị. Ọ rẹ ka ẹwa vaa vị ohinọyị ẹnịnị nị.”

2 Ịsamụwẹrị 6:21

Di Idevidi tụ́ o ohi dị ọ ka, “Ẹnẹyịmavara ộ jị ada awụ tịtẹ dị ọ sị mị rị ohinọyị nị. Ẹ yị nyị ọza ọnị ọ sị ịnị aneehi awụ nịnị, dị ahịka ẹmị ọ si ka ma vị ohinọyị Anisirẹrị ana vị aza anị nị. Ẹnẹyịmavara ọnọọ m maa si ụbanyịị yị nị. Ẹzẹ vị ọnị maa nyị dị maa sịị sị ụbanyịị yọ.

1 Ohinọyị 3:6

Di Isoromọnị ka, “Wa raà vayị Idevidi ada amị ana vị ozi ahụ awụ ẹtẹẹtẹrẹ anka ọnị ịnyẹmba mẹ̀ mẹ̀ ebira ini eyi awụ. Wâ yẹ ka ộ mẹ̀ ịzẹyịza ọnịrị ịsa ana vọrọ, dị ọ rẹ nyị ayị ana vọrọ ini eyi awụ nị. Avọọ ẹwụ mẹ̀ rẹ nyayịnẹ vayị anị dị u si ozi yọ ka ọ̀ rị ohinọyị tụ́ udi anị ajịnị nị.

1 Ohinọyị 8:16

Ụ mẹ̀ hụrẹ kụ́ aza awụ jịnẹ hụrẹ Ijipiti, ẹ yị nyị ẹkụra ọnị ụ nyị ịnị avaba ẹkụra ịrẹsụ Anisirẹrị ka wa dà irehi tụ́ ịzọọ dị wa yà ịnị anị. Ụ ka ama wâ nyị Idevidi ka ọ̀ vị ohirẹsụ Anisirẹrị aza awụ.

1 Ịtọpa 17:7

Avọọ ọ ka ọnị ọ̀ kà a yị Idevidi ozi ahụ anị ka ọnị, Ẹnẹyịmavara Ochẹtẹẹngụ ka, vi u wee sere atẹmẹ dị ọnị va sị wụ ka wa va vị ohinọyị aza anị Anisirẹrị nịnị nị.

1 Ịtọpa 21:17

Idevidi ộ mẹ̀ aduwa, dị ọ ka Tee Ohomorihi! Ọnị ọ̀ mẹ ịrẹyị ẹnẹ ẹ̀ yị vọrọ nị. Ọnị ọ kà a ka ana za aza ịrịka nị. Sị aza ana vọ anaa rị ụya aanị mẹ? Ọ kà, Ẹnẹyịmavara, Ohomorihi anị ọ̀ navọ aza ana vọ, dị ọ̀ sị ụya rị ọnịrị ovwoovu anị.

Emọsị 7:15

Ẹnẹyịmavara ộ sị ọnị hụrẹ ịrẹma atẹmẹ ọnịrị ẹvụ anị, dị ọ tụ́ ọnị hi Anisirẹrị nịnị nị.

Odeyi 7:46

Ịrẹyị Idevidi ô zé Ohomorihi eyi, di Idevidi ka ọnị aa dà irehii yị Ohomorihi Ijekọvụ nị.

1 Ịsamụwẹrị 10:1

Ịsọọrụ mẹ̀ jẹẹ ee zi Ịsamụwẹrị, dị Ịsamụwẹrị na sị angwẹ tụ́ ịnị ịsa vẹ nị. Ọ mẹ̀ vẹ, dị ọ và angwẹ ọnọọ hi Ịsọọrụ ịrẹsụ nị. Ịjị ọ vavọọ sị angwẹ và hị́ ọ ịrẹsụ, dị Ịsamụwẹrị kụ́ ọ anka a mẹ̀ẹ kụ́ ohinọyị nị, dị ọ ka Ẹnẹyịmavara ọ sị ọ nyị ka ọ̀ vị ohinọyị Anisirẹrị ana vị aza ọnị Ohomorihi.

1 Ịsamụwẹrị 2:8

Ọ nyẹngụ sị oniruwa kwẹẹtẹ hụụnị eteesu, dị ọ vara a ọza obooro. Dị ọ mẹ ka ẹnịrị aza ẹbanyị è dudu yaayịtẹ, dị ẹnị rẹ nyị udi ọbanyị. Ẹnẹyịmavara ọ ká ẹhẹ ọnọnị ẹtẹ, dị ọ sị ẹhẹ jẹẹ ịrẹsụ anị nị.

1 Ịsamụwẹrị 9:16

Ẹnẹyịmavara ộ vịdị sị ọ kà yị Ịsamụwẹrị ka ụmẹ aanị ụhwọ, ọnị vaa tụ́ ọmụha ọnya aanị hị́ ọ. Ọ kà Ịbẹnjamịnị ọ vaa hụrẹẹ vẹ nị. Ọ kà ọza ọnọọ ọ̀ọ vẹ, dị Ịsamụwẹrị ọ̀ nyị ọ dị ọ kụkụ vị ọdọvịdị Anisirẹrị ana vị aza Ohomorihi. Ẹnẹyịmavara kà ọza ọnọọ ọ vaa dọ Anisirẹrị aza anịị hụụnị ụvọ Anihwirisiti nịnị nị. Ohomorihi ka oni ô re aza anị maà rị ụya, ọnị ọ rẹ wụ́ e mèe nowu ka ọnị ọ̀ ba ẹnị owu.