2 Ịsamụwẹrị 7:7 - IWE ỌNỊNỊ

⁷ M mẹ̀ vavọọ aa saasa Anisirẹrị nịnị hụrẹ aha ẹnyị na ngụ aha ọsa, áá nyị ụmẹ ọnị mị sị kà a yị ọdọvịdị ẹnịnị ọnị mị ka ọ̀ọ tẹsị ẹnịnị ka sị ẹ vẹ dị ẹ̀ yị sị ọchị ozoza dà irehi mị?

2 Ịsamụwẹrị 7:7 ပူးပေါင်းရင်းမြစ်များ

2 Ịsamụwẹrị 5:2

Ịyẹẹyẹ Ịsọọrụ mẹ̀ vịdị vị ohinọyị ayị, ẹwaā kụ́ Anisirẹrị nọ ịrẹkụ nị. Ẹnẹyịmavara ọ sị ọ kà ka ẹwa vaa tẹsị aza anị ana vị Anisirẹrị nị. Ọ rẹ ka ẹwa vaa vị ohinọyị ẹnịnị nị.”

1 Ịtọpa 11:2

Ẹ ka ịyẹẹyẹ ọnị Ịsọọrụ hyakụ vị ohinọyị ẹnịnị, Idevidi ọọ̄ dọ ọvịdị ẹnị Anisirẹrị nọ ịrẹkụ nị; dị Ẹnẹyịmavara Ohomorihi anị kà a yọ ka ọ vaa dọ ọvịdị aza anị, dị ọ vị ohinọyị ẹnịnị nị.

1 Ịtọpa 17:6

Ọ kà, ọnịrị Anisirẹrị nịnị mẹ̀ hụrẹ aa zịịzị, ọnị ẹ yị họ̀ ọdọvịdị ọnyọọnyị ọnị ọnị nyị ka, sị ẹ vẹ dị ẹ̀ yị sị ọchị isida dà irehi yị ọnị da.

Ayịsaya 40:11

Ọ vaa sị eyi pe atẹmẹ anị anka oseratẹmẹ avọọ. Ọ vaa kụ ezi atẹmẹ anị gụ vabẹ dị ọ kụ wa rị ụvọ; dị ọ tangwa aa zụ ọnyị ẹnịnị oze nị.

Ayịsaya 66:1

Ẹnẹyịmavara kà a, ẹbẹẹba vị aha ọyị yaatụ ohinọyị anị, dị ẹhẹ vị ịrẹhụ ọnị ọnị aa kụ́ ahụ hi nị. Ẹngụ irehi si è ro ka ẹnị ẹ zụ da yị ọnị kẹ? Ịzị ẹ vị aha ẹnẹ zụ da ka ọnị ọ ra kẹ?

Ijeremaya 23:4

Ọnị vaa nyị ohinọyịị yị wa ana vaa tẹsị ẹnịnị. Aza anị ẹ yị kụkụ vee hí angwa, ayị ẹ yị kụkụ vaa hụrẹ wa ịnẹ. Ọ kà ọnị ẹ yị kụkụ vaa sị ụyaa rị wa.

Ijeremaya 3:15

Ọ kà ọnị vaa sị ẹngụ ọza ana vaa wụ́ chire ọnịị yị wụ nịnị ene vee sere wụ nịnị anka oseratẹmẹ avọọ. Ọza ọnọọ vaa sị ịrẹyọyẹẹ pá wụ nịnị.

Ezikẹẹrị 34:15

Ẹnẹyịmavara Ochẹtẹẹngụ ka, ọnị ụvọta o venee sere atẹmẹ anị nị. Ọnị vaa mẹ ka ẹ̀ sụ̀tẹtẹ hi ẹtẹ.

Ezikẹẹrị 34:2

Ozi-ọza, ọnị ọ̀ và eyi ịrazị ka ẹnị ọdọvịdị Anisirẹrị nịnị, dị ọnị ò tụ́ wa ohuvọ. Ọ kà ọnị ọ̀ kà a yị wa ka, ọnị Ẹnẹyịmavara Ochẹtẹẹngụ ka, ẹwụ nịnị oseratẹmẹ Anisirẹrị ẹ́ sị da. Ịrayị ẹngụ awụ nịnị kẹnẹ ọ jị wụ nịnị areyi nị, ama wẹ́ yị tẹsị atẹmẹ anị nịnị.

Ezikẹẹrị 34:23

Ọnị vaa nyị oseratẹmẹ ọnya, ene vee sere wa anka ozi ahụ anị Idevidi, dị aa tẹsị ẹnịnị.

Imika 5:4

Ẹnẹyịmavara vaa sị ụkataa yị aza ọnị ọ vaa sị vẹ. Ụkata ọnọọ o ve sii sere aza anị. Mị ka ụkata Ẹnẹyịmavara Ohomorihi ana nyị ụbanyị o ve sii sere wa nị. Angwa o yi kuku vee hi aza Ohomorihi agụvị ka avaba anẹhẹ vaa yẹ ka Ohomorihi ộ banyị.

Imatiwu 2:6

Ẹwụ ẹkụra Ịbẹtịrẹhẹmị ana ya ịnị ẹtẹ Ijuda, ẹ yị vị ẹwụ o weyi hu keekere ini ohirẹsụ ẹkụra Ijuda nịnị, agụvị ka ịdị awụ óhinọyị ọnya vaa hụrẹẹ vẹ ana vaa sị oze zụ̀ aza amị ana vị Anisirẹrị nịnị nị.

Odeyi 20:28

Sị eyi pe ẹngụ awụ nịnị! Du we re sị eyi pe avaba aza Ohomorihi ọnị Ụhwẹ Ọnịnị si chire wu nịnị ụvọ! Waa tẹsị anịragụ Ohomorihi nịnị! Wâ yẹ nịnị ka anya ẹngụ anị ọ sị mẹ ka ẹ̀ vị áanị nị.

Odeyi 21:28

Di e nowu ka, “Ẹwụ nịnị Anisirẹrị, gụ yị ụvọ! Ọnọrụ ana aa ngụ ọọ zị yị, dị aa kà ịrẹyị odivi Anisirẹrị ọnịrị ọda Imosiisi beri irehi ọnịnị ọnọnịị yị avaba aza nị. Wee re, ọ mẹ̀ hyakụ kụ́ Anigiriki vẹ ịzẹnị ka è ve du irehi Ohomorihi ẹngụ!”

Iwe Ọhụhị Imosiisi ana aa hị́ Ọyịvatụrọda 23:14

Agụvị ka Ẹnẹyịmavara Ohomorihi awụ ya avaba aha udi ọnọnị, di e sere wu, dị ọ dọ ha hụụnị ụvọ ọnịvị awụ. Navọ ịzị ụ kụ́ udi aanị ọ vị aha ọnịnị, agụvị dị asị o re ebira odivi ịnị akakana awụ nịnị dị ọ va varẹma wụ nịnị.

1Ipita 5:1

Máa nyị ịrẹyị ọyịkà yi azọkụ ịragụ Ohomorihi ene hi ịnị akakana awụ nịnị. Ẹmị rẹ vị ọzọkụ ịragụ anka ẹwụ nịnị. Mâ sị eyi amị re ụya ọnị Ikirisiti rị. Ẹmịrị ẹwụ nịnị vaa nyịị tụ́ ịnị ụbanyị Ijeesu Ikirisiti oni Ohomorihi vaa sịị zụ̀ aza.