2 Ịsamụwẹrị 7:25 - IWE ỌNỊNỊ

²⁵ “Ẹnẹyịmavara ana vị Ohomorihi, navọ kwogwo ịsị ụ ka ụ vaa mẹẹ yị emi ozi ahụ awụ ọnịrị aneehi amị aanị, wa sị tụ́ ịnị ayị pooro. Navọ ịsị ụ ka waa mẹ aanị, wa vavọọ mẹ̀ ẹ.

2 Ịsamụwẹrị 7:25 ပူးပေါင်းရင်းမြစ်များ

Oyinyima 32:12

Dị ọ ka aarịhịnị ọ̀ tamayị ka ọ sị ọ kà ka ọnị vaa mẹ̀ ọnị ọyịza, dị ọ̀ mẹ ka ezi anị ịrẹma-ịrẹma ẹ̀ rụrụ anka ààrẹ ụtọ ókụ̄ ana ahịka ọza ọ yị zụ za ịrịka.”

2 Ịsamụwẹrị 7:24

Wa raà sị Anisirẹrị jẹẹ ka aza awụ ẹ vị pooro nị. Ẹnẹyịmavara, ẹwa vị Ohomorihi ẹnịnị nị.”

2 Ịsamụwẹrị 7:26

Wàa vavọọ mẹ̀ ẹ, vị ụ vaa sị nyị ụbanyị pooro nị. Ịjọnọọ aza vaa kà a ka ẹwụ Ẹnẹyịmavara Ochẹtẹẹngụ ọ vị Ohomorihi Anisirẹrị nị. Dị ụ raà sị irehi emi ozi ahụ jẹẹ.”

1 Ohinọyị 2:4

Ộ kà a mị ka, ‘Ezi ewu ẹ̀ẹ zẹẹ di e si eyi pè oze amị nị, dị ẹ yaa sị avaba ayị ẹnịnị ọnịrị ivehu ẹnịnị mẹ̀ ebira ịzẹyịza ini eyi amị nị, ọ ka ọza ana vaa vị ohinọyị Anisirẹrị vị ana vaa yà ini ovwoovu amị pooro.’ ”

1 Ohinọyị 8:26

Ohomorihi Anisirẹrị, navọ kwogwo ịsa ọnị ụ kà yị Idevidi ada amị ana vị ozi ahụ awụ, ahịka avọọ ụ mẹ̀ vị va mẹ̀ ẹ nị.

2 Ịtọpa 6:17

Isoromọnị ộ dà ịpẹ ka Ẹnẹyịmavara ọ mẹ̀ ịsa ọnị ọ ka yị ozi ahụ anị Idevidi.

Ahẹ Ụgama 119:38

Ịsị ụ ka ụ vaa mẹẹ yị ẹmị ozi ahụ awụ avọọ navọ wa mẹ̀ ẹ mị. Ịsa ọnọọ ụụ̄ mẹẹ yị aza ene hí angwa awụ nị.

Ahẹ Ụgama 119:49

Ẹnẹyịmavara, tamayị ịsị ụ ka ụ vaa mẹẹ yị ẹmị ozi ahụ awụ, agụvị ka m mee zi eyi anị nị.

Ezikẹẹrị 36:37

Ẹnẹyịmavara Ochẹtẹẹngụ ka, ọnị vanaa zẹẹ ka Anisirẹrị nịnị ẹ̀ họ̀ ọnị use ka ọnị ọ̀ gụ ẹnị ụvọ. Ọnị vaa mẹ ka ẹnịnị ẹ̀ rụrụ atẹmẹ ọrụrụ ana aa pa avọọ.

1 Ịsamụwẹrị 1:23

Di Erikana ka ooho, ẹ yị nyị ọ mẹ̀ kà. Ọ kà ọ̀ yà ini eehi pooro di ozi anị ọ̀ jị ịrẹva. Dị ọ rẹ ka Ẹnẹyịmavara ọ̀ navọ ọ̀ mẹ̀ ịsa ọnị ọ ka ọnị vaa mẹ. Ịzẹyịza dị Ịhaana yà ini eehi dị aa pa ozi anị pooro dị ọ jị ịrẹva nị.