2 Ịsamụwẹrị 7:23 - IWE ỌNỊNỊ

²³ rẹ nyị anẹkụra ọsa ịnị avaba ẹhẹ, à yị vị Anisirẹrị kẹnẹ ọnị ụ vavọọ na dọ tụ́ hụụnị ọrịhị, dị ụ vara wa aza awụ dị waa sị waa rị ịrẹha. Wâ dụ anẹkụra ọnịrị ori ẹnịnị hụrẹ oze yị aza awụ. Ọnọọ vị ịvọpa ọbanyị. Avọọ ụ mẹ̀ dọ wa hụrẹ ụvọ Anijipiti nị.

2 Ịsamụwẹrị 7:23 ပူးပေါင်းရင်းမြစ်များ

2 Ịsamụwẹrị 7:24

Wa raà sị Anisirẹrị jẹẹ ka aza awụ ẹ vị pooro nị. Ẹnẹyịmavara, ẹwa vị Ohomorihi ẹnịnị nị.”

1 Ịtọpa 17:21

Idevidi ka ẹ yị nyị anẹkụra ọsa ịrẹsụ ẹtẹ anka Anisirẹrị nịnị. Ẹnị ịnya kẹnẹ Ohomorihi dọha ka a sị ẹ kụkụ vị ọrịhị, dị ọ́ mẹ wa ka ẹ̀ vị aza anị nị. Ịtọmatapa ọbanyị ọnị ọ mẹ yị wa ộ mẹ̀ ka ịrẹyị Ohomorihi ọ̀ ngụrẹyị ngụ avaba ẹhẹ zịịzị. Ọ kà Ohomorihi ọ̀ dọ wa hụrẹ Anijipiti nịnị ụvọ dị ọ dụ anẹkụra ana vọ kwooze aza anị màa vẹ nị.

Inehemaya 1:10

Dị Inehemaya ka, ẹnị vị ezi ahụ Ẹnẹyịmavara, dị ẹnị rẹ vị aza anị ọnị ọ sị ụkata ọnịrị Igirima anị dọ ha nị.

Ahẹ Ụgama 106:22

ọnịrị ịnị ẹtẹ Ihami, Dị ọ rẹ ma ịtọmatọpa ụtọ okuha ịkịịkẹ.

Ahẹ Ụgama 111:9

Ộ dọ aza anị tụ́, ịrẹyị ọnị ọ ka ọnị vaa mẹ vị ana jị jẹẹ pooro zịna-zịna, nyị ẹngụ Ohomorihi, dị ọ rẹ nyị ụkata nị.

Ahẹ Ụgama 145:6

Ẹ vaa kà a ụ mẹmẹ sị ụkata mẹ̀ ụkọrọ ịvọpa. Ịta mā ta pa ọnị ụ mẹ vị ọnị mị vaa kà a zụ̀ aza.

Ahẹ Ụgama 147:20

Nyị anẹkụra ọsa ọnị ọ maanị mẹ yị; ẹnịnị ẹ yị yẹ ọda ọnị ọ mẹ Waa kụ́ Ẹnẹyịmavara avọ nịnị.

Ahẹ Ụgama 40:5

Ẹnẹyịmavara, ana vị Ohomorihi amị ịsa ẹbanyị-ẹbanyị ọnị ụ mẹ yị ệ dà rụrụ kẹnẹ Ịsa ozoza ọnị ụ ka ụ vaa mẹẹ yị, ọza ọ yị zụ sị irenu kà a Màa daka ka maa kà a, ịzị mị zụ kà tù ini anị?

Ahẹ Ụgama 44:3

Vị agụvị ka ohiku ayị ệ dà yara kụ́ ịrẹkụ ọ mẹ ka ẹ̀ dọ ẹtẹ ọnị ụ sị yị wa vị ụkata ẹnịnị ẹ sị nyị ehuna; ụkata awụ ọ mẹ ka ẹ̀ nyị ehuna nị agụvị ka wê sì ịrẹyị ẹnịnị dị ụ vavọọ nyị wa iyi nị.

Ahẹ Ụgama 65:5

Wâ wụ́ aduwa ayị, dị ụ mẹ ka ye huna ọnịvị ayị nị Ohomorihi anaā dọ yịị ha, ẹwụ avaba anẹhẹ saka-saka avaba aha sị ayị tụra nị.

Ahẹ Ụgama 66:3

Waā kà a yị Ohomorihi nịnị ka ụkọrọ amị vi ene eē hí ọza angwa. Kà a ka ụkata anị ọ banyị pooro ana ahịka ọnịvị anị mè re e, vị angwa ee hi wa dị ẹ yaa vaa kú ẹtẹ nị.

Ọyịkụra 12:12

Ọ kà ịrahụ ịhị ọnọọ gẹdẹ-gẹdẹ, ọnị vaa parahu ịnị ẹtẹ Ijipiti. Avaba ozi ọzọkụ ẹnịnị, ọ́ọza ọnịrị ịsụpa vị ọnị ọnị aa wụ. Dị ọnị mẹ̀ ọkarẹyị yị avaba ori Anijipiti. Dị ọ ka ọnị Ẹnẹyịmavara ọ ka avọọ nị.

Ọyịkụra 33:16

Wẹ̀ yị saasa ayị na, aza ana vọ ẹ yị vaa yẹ ka we sì ịrẹyị amị ọnịrị aza awụ ana vọ. Sị ẹ kụkụ vaa sị yị vị irenyii yị ẹyịrị aza ana vọ ene hi ịnị ẹhẹ?”

Ọyịkụra 6:7

Ọ kà ọnị aa sị wa mẹ aza anị, dị ọnị vị Ohomorihi ẹnịnị. Ọ kà ọnị ọ̀ọ vavọọ sị ọ mẹ, ẹ vaa yẹ ka ọnị Ẹnẹyịmavara vị Ohomorihi ẹnịnị nị, ka ọnị ọ kụ̀ wa hụrẹ Ijipiti ka asị ẹ kụkụ vị ọrịhị ẹnịnị nị.

Ọyịkụra 9:15

Ẹnẹyịmavara kà Imosiisi ọ̀ rẹ kà a yọ ka ọnị yaanị nyẹngụ sị ụkụ za ọnịrị aza anị dị ọnị wụ̀ avaba ẹnịnị hụrẹ ẹhẹ.

Ọyịkụra 9:16

Ama ọnị ộ navọ wa ka ẹ̀ yị yà ẹhẹ agụvị dị ẹ̀ yẹ ka ọnị ọ nyị ụkata. Ọ kà ọnọọ ọ̀ vaa mẹ ka aa kà ịrẹkụkụ anị ịnị avaba ẹhẹ nị.

Ijeremaya 32:20

Wâ mẹ apọtẹrẹwa ọnịrị ịvọpa ọrụrụ-ọrụrụ ẹtẹ Ijipiti, yị va ngụ ajịnị dị waa yịị mẹ ẹngụ ụkọrọ ẹnẹẹ ịnị ẹtẹ Isirẹrị ọnịrị aha ana vọ nị. Wa sị ịrẹha mẹ yị ẹngụ awụ avaba aha ịnị ajịnị.

Ijeremaya 32:21

Wâ mẹ apọtẹrẹwa ọnịrị ịvọpa, ene chire ọnịvị ayị nịnị angwa, dị ụ sị ụkata awụ kụ aza awụ Anisirẹrị hụrị ẹtẹ Ijipiti nị.

Ezikẹẹrị 20:9

Ama ọnị ẹ yị rẹ va vavọọ mẹ, ọnị yaanị raa sị ẹngụ anị sìsi ẹtẹ ọnị ọọ vavọọ mẹ, agụvị ka eyi avaba aza ẹnẹ ẹnịrị Anisirẹrị nịnị rá vabẹ ọnị kà a yị wa ka ọnị vaa kụ waa hụrị ẹtẹ Ijipiti nị.

Ịrịka 6:27

Dị Ẹnẹyịmavara kà Eerọnị ọnịrị ezi anị ẹ̀ẹ ka ọnị ọ mẹ ka o zee yị Anisirẹrị, ọnị vaa mẹ̀ ka o zee yị wa.

Anẹhwẹsọsị 1:6

À vẹ yaa ga Ohomorihi, agụvị ka ayamva anị ọ́ọ nyị ụbanyị ẹtẹẹtẹrẹ, ọnị ọ vị ka ộ vayị ayị ini oze Ozi anị oni o sì ịrẹyị anị ẹtẹẹtẹrẹ.

Iwe Ọhụhị Imosiisi ana aa hị́ Ọyịvatụrọda 10:21

Ga a ọnị ọ vị Ohomorihi awụ nịnị nị. Ọnị ọ mẹ̀ ịsa ọbanyị-ọbanyị ọnịrị ohyozirenu ẹnẹnị yị wụ nịnị ọnị ụ wee re nịnị aanị.

Iwe Ọhụhị Imosiisi ana aa hị́ Ọyịvatụrọda 15:15

Ẹnịnị tamayị ka ọrịhị ẹnị rẹẹ̀ vịdị vị ịnị ẹtẹ Ijipiti, dị Ẹnẹyịmavara va dọ wa ha nị. Agụvị avọọ ọnị mẹ̀ ọda yị wa ajịnị nị.

Iwe Ọhụhị Imosiisi ana aa hị́ Ọyịvatụrọda 33:29

Ẹwụnị Anisirẹrị, Nyarị ịrẹsụ ọyịza nịnị. Ẹnẹ ya anka ẹwụnị aza ọnị Ẹnẹyịmavara sị dọha? Ẹnẹyịmavara aa dọ wụ nịnị tụ anka ogonto avọọ nị. Ọnị aa wụ ọnịvị awụ nịnị anka ụhwọ onyeyẹva avọọ nị. Ọnịvị awụ nịnị vị ana vaa da ịpẹ ka asị ụ wụ ọnị nịnị. Ama wa raa nyị ẹbẹẹba ẹnịnị.

Iwe Ọhụhị Imosiisi ana aa hị́ Ọyịvatụrọda 9:26

dị ọnị da ịpẹ yị Ẹnẹyịmavara kà asị ọ vu aza ẹtẹ. Ọnị ộ sị ụkata anị dọ wa ha hụrẹ ụvọ Anigipiti nịnị, dị ọ wara wa áanị nị.

Ịtayịtọsị 2:14

Ijeesu ọnọọ ọ vịdị sị ẹngụ anịị yị, agụvị dị ọ̀ zụ hị́ yị varẹma nị, agụvị dị ya zụ há hụụnị avaba ịsa edivi. Dị ọ́ mẹ ayị ayị ọnịnị, dị ị kụkụ sị vị aza anị ana aa sịị vụrị ka yaa mẹ̀ ịsa ene zoza nị.

Ijosuwa 7:9

Ịjị Anikenaani nịnị ọnịrị anẹkụra ana vọ ẹẹ wụ́ ịsị e tu ẹnị, dị ẹ vẹ ẹnị ịrẹkụ dị ẹ wụ́ ẹnị va ha. Ẹnẹyịmavara mẹẹ vaa mẹ̀ ụhị ọnọọ?

1Ipita 2:9

Àa vị ẹwụ nịnị yọ, ẹwụ nịnị vị aza oni Ohomorihi sị nyị. Ẹngụ ohirẹsụ irehi Ohomorihi ana aa hẹkẹ Ohomorihi Ohinọyị, ụ vị nịnị nị. Anẹkụra oni Ohomorihi nyị tụ́ irenyi yị ẹngụ anị, ụ vị nịnị nị. Aza Ohomorihi obooro ụ vị nịnị nị. Ộ nyị wụ nịnị ka waa kà a yị aza ịsa ẹbanyị-ẹbanyị oni Ohomorihi mẹ, ọ mẹ̀ hị́ wụ nịnị hụụnị ịrahụ va ngụ ini ẹtohweyi anị ene hí ọza irenu.

Ẹtore 5:9

Dị ẹ jị ahẹ ọwọọwa dị ẹ ka: Ẹwa hụ ọọ sị iwe ọnọọ nị, dị ụ wa hụ̀ ịsa ana sị vá a, agụvị ka â vịdị wụ wụ. A mẹ̀ wụ wụ, wa raà sị anya awụ hị́ aza varẹma va yị Ohomorihi, avaba anẹkụra, aza ana aa kà ẹkụra irenyi-irenyi avaba ẹhẹ.