2 Ịsamụwẹrị 7:21 - IWE ỌNỊNỊ

²¹ Ụ maanị nyị ẹngụ awụ iyi kẹnẹ di u sì ka wa maanị mẹ̀ ịsa ẹbanyị ẹnẹnị nị. Dị ụ raà kà a zụ emi ozi ahụ awụ bẹẹ nị.

2 Ịsamụwẹrị 7:21 ပူးပေါင်းရင်းမြစ်များ

1 Ịtọpa 17:19

Ọ kà Ohomorihi me sì ọ, ọ́ mẹ hi ọnị aanị nị, dị ọ sị zụ ọnị ka ọnị vaa banyị ụhwọọ nị.

Ahẹ Ụgama 115:1

Ẹnẹyịmavara, ẹwụ ịnyara kẹnẹ a vọrọ ka àa sị ụbanyịị yị nị. A yị nyị aayị ịnị anị vụrụ-vụrụ, agụvị ka uū sì ịrẹyị ọza, dị ahịka ịzẹyịza ụ rẹẹ mẹ nị.

Ahẹ Ụgama 138:2

Wa raà sị ụbanyị yị ẹngụ awụ ọnịrị ịrẹyị awụ huna avaba ịsa ana vọ, avọọ mị vaa vá eyii kà irehi awụ, dị maa kụ́ wụ avọ. Mị vavọọ rẹ vaa kụ́ wụ agụvị ka uū sì ịrẹyị ọza dị ụ rẹẹ̄ mẹ ịzẹyịza nị.

Ịrịka 23:19

Ohomorihi ọ yị vị ọzarẹyịrẹsụ. O yi mē cheeche, a vị dị ọ vara ayị anị. Ịsị ọ ka ọọ̄ mẹ̀ nị.

Imatiwu 11:26

Ọga, avọọ gẹdẹ-gẹdẹ o mè zé wu eyi nị.

Imatiwu 24:35

Ihinẹba ọnịrị ẹhẹ vaa ta, ama àa vị ịrẹyị amịị yọ, o yi vee vú.”

Iruuku 1:72

Ọ kà ọnị vaa vayị ohiku ayị, dị ọnị rẹ tamayị oto ọnịnị ọnị ọnị wo yị wa.

Iruuku 10:21

Ịnị ụmẹ ọnọọ gẹdẹ-gẹdẹ dị Ụhwẹ Ọnịnị mẹ ka ịnẹ Ijeesu ò hine ẹtẹẹtẹrẹ nị. Dị ọ ka, “Nda ana nyị ẹbẹẹba ọnịrị ẹhẹ, mâ kụ́ wụ avọ, agụvị ka ịsa ọnị ụ sị tẹ yị aza ana yẹ ịsa, wa raà sị zụ̀ aza ẹnẹ ẹ̀ yị nyị ịsị ẹ yẹ. Nda, avọọ gẹdẹ-gẹdẹ o mè zé wu eyi nị.

Iruuku 12:32

“Ẹwụ nịnị ịragụ oweyi, asị u hí angwa nịnị, agụvị ka ịnẹ Ada awụ nịnị ô hine ka wa ngụ ịdị anị nịnị dị ọnị ọ̀ọ mẹ ịjọvaa tụra wụ nịnị.

1 Anịkọrịntị 1:1

Ẹma vị Ịpọọrụ nị. Ohomorihi ọ vavọọ sì ọọ, dị ọ hị́ mị ka ma vị odeyi Ijeesu Ikirisiti nị. Ẹmịrị Isositenesi ẹnẹbẹnị ayị aa chẹrẹ iwe ọnọnịị tụ́ụ hi wu nịnị

Anẹhwẹsọsị 1:9

Ọ raà sị zụ̀ yị saka-saka, ịsị ọnị ọ vịdị sị eto anị mẹ ka ọnị vaa zị oze ịnị ụvọ Ikirisitii mẹ; eyi ayị ẹ yị vịdị há tù ịsa ẹnẹẹ.

Anẹhwẹsọsị 3:11

Hụrị ụmọrụmọ Óhomorihi hụrẹ mẹ eto ịsa ẹnẹẹ nị, ana ahịka ọ va mẹ ini oze ụvọ Ijeesu Ikirisiti Ananyị yị.

Anẹhwẹsọsị 4:32

Ama waa ngụ ayị ẹngụ nịnị, dị ụ waa vayị ẹngụ nịnị, dị ụ wa rẹẹ vagu ẹngụ nịnị, anka Ohomorihi mẹ̀ hụ agụvị Ikirisiti dị ọ vagu wu nịnị.

Iwe Ọhụhị Imosiisi ana aa hị́ Ọyịvatụrọda 9:5

Ẹ yị vị agụvị ịnẹ ọyịza ọnịrị ebira ozoza awụ nịnị aa sị navọ ka wa dọ ẹtẹ ẹnịnị. Ama agụvị ebira odivi ẹnịnị Ẹnẹyịmavara Ohomorihi awụ nịnị vaa sị dụ wa jịnẹ eyi awụ nịnị nị. Ộ vavọọ mẹ̀ agụvị dị ọ sị ahụ ku ịrẹyị ọnị ọ ka yị ohiku ẹnịnị, Abụrahamị, Ayiziiki, ọnịrị Ijekọvụ.