2 Ịsamụwẹrị 7:18 - IWE ỌNỊNỊ

¹⁸ Di Idevidi ngụ ajẹngụ na, dị ọ na yaayịtẹ pè Ẹnẹyịmavara dị ọ ka Ẹnẹyịmavara Ochẹtẹẹngụ, sị mị vị ana vị da? Sị aneehi amị vị ọnị ụ maanị nyayịnẹ mẹ ọyịza yị?

2 Ịsamụwẹrị 7:18 ပူးပေါင်းရင်းမြစ်များ

Oyinyima 32:10

Dị ọ rẹ ka avaba ịrẹyị anị oni ọ maanị sì, dị ọ̀ yị mẹ̀ ọnị apẹ aanị, ẹ yị vị ka ọnị vavọọ yà nị. Ọ kà Okutẹ anị kẹnẹ ọnịrị jịnẹ Okuha Ịjọdanị ọnọnị nị. Dị ọ ka ọnị ọnọọ ọrụrụ pooro di ọnị sị vara udi ẹẹva aanị nị.

Oyinyima 32:11

Dị ọ ka aarịhịnị kwogwo, ọ̀ dọ ọnị hụụnị ụvọ Iisọ ẹnẹbẹnị anị. Ọ kà angwa anị vi ene ee hí ọnị. Ọ nyayịnẹ va wụ ẹnị và ha. Ọ kà ọ zụ wụ ọnyị ezi ẹnẹnị beri ezi ẹnịnị.

2 Ịsamụwẹrị 23:5

Ịnị eyi Ohomorihi, avọọ irehi amị mẹ̀ yà. Ịsị ọ ka ọnị vaa mẹẹ mị ọnị ọ mā vara pooro zịna. Avaba

2 Ịsamụwẹrị 7:17

Ịzẹyịza dị Inatanị maanị na kà avaba ịrẹyị oni o re aanị yị Idevidi nị.

1 Ịtọpa 17:16

Idevidi ộ ngụ ịnị ajẹngụ ọnị Ẹnẹyịmavara yà, dị ọ yaatụ dị ọ mẹ̀ aduwa ka, Ẹnẹyịmavara Ohomorihi, ọnịrị ovwoovu anị ẹ yị hwọọ ọnị ọọ mẹ avaba ịsa ọnị ọ mẹ aanịị yị.

1 Ịtọpa 29:14

Idevidi ka, ama ẹnẹ ẹ vị ẹmịrị aza amị, dị ị maanị zụ sị ịsa va wụ, ka ẹwaā sị avaba ịsaa yị ọza nị; ịsa ọnị ụ nyị ị́ sị hụụnị anị varẹma va wụ nị.

Ahẹ Ụgama 8:4

Sị ọza vị ana vị ọnị waa sị ayịị nọ ịnị ịrẹyị anị. Sị aa hị́ ọzarẹyịrẹsụ ọnị waa hị́ ịrẹyị anị ịrẹyị.

Ọyịkụra 3:11

Di Imosiisi ka: Ọnị, ẹnẹ rị ọnị. Ọ kà ẹnẹ vị ọnị ana aa naa jẹẹ ọvịdị Ihwarawo ka vị ọnị aa naa kụ́ Anisirẹrị jịnẹ hụrẹ Ijipiti nị?

Ayịsaya 37:14

Ihezekaya ộ dọ iwe ọnọọ hụụnị ụvọ ọnụtụ ẹnẹẹ, dị ọ kà a nị. Ọ sị ọ ka, dị ọ nọ ini Irehi Ẹnẹyịmavara, dị ọ sị tụ ọvịdị Ẹnẹyịmavara nị.

Anẹhwẹsọsị 3:8

Àa ka à na kà ịrẹyị aza Ohomorihi, ẹmị vị awụhwẹ ị́rẹsụ ẹnya. Ama Ohomorihi ọ sị sị ụbanyị yị ẹngụ anị, dị ọ sị oze yị mị ka ma kà enube ọyịza yị anẹhẹ nị. Ẹ yị nyị ọza ene zụ sì iruvo, dị ọ̀ yẹ ụbanyị ịsa oni Ikirisitiī sịị yị ọza.

Ọdọvịdị 6:15

Igidiyọnị tụ ọ ohi, dị ọ kà, “Ọga, Mmẹ mẹ zụ dọ Anisirẹrị nịnị ha? Ịrẹsụ amị ọ vị ọkụmị hu ịnị ẹtẹ Ịmanasẹ, ẹma rẹ va nẹtẹ hu kere-kere ịnị ovwoovu amị nị.”

Iruutu 2:10

Di Iruutu và kú ẹtẹ, dị ọ sị ịrẹsụ kà ẹtẹ, dị ọ ka, “Nda, ẹnị ẹ vị ẹmị ọnị wụ maanị nyị iyi, dị ụ sị ayị nọ ịnị ịrẹyị amị. Ẹmị ana ahịka anikinami mị vị nị.”

1 Ịsamụwẹrị 15:17

Dị Ịsamụwẹrị ka, “Wáā yẹ ka wê yi vịdị ro o ka waa bẹrị ọza, dị Ẹnẹyịmavara sị wụ vị ọdọvịdị Anisirẹrị nị. Dị ọ nyị wụ ka wa vị ohinọyị Anisirẹrị.

1 Ịsamụwẹrị 18:18

Di Idevidi ka, “Ẹ̀nẹ rị mị, ịzị ẹmịrị aneehi amị ọnịrị obooro ada amị gụ tụ́ ịnị Anisirẹrị di ahịka ẹmaa vaa vị ọyẹ ohinọyị nị?”

1 Ịsamụwẹrị 9:21

Di Ịsọọrụ tụ́ ohi ka, “Ho! wáá yẹ ka Anịbẹnjamịnị mị vị nị. Ịrẹsụ ayị o weyi hu keekere ịnị avaba Anisirẹrị nọ! Ovwoovu amị o re ve weyi hu ini avaba ovwoovu Ịbẹnjamịnị nị. Ụ mẹmẹ zụ ka ẹngụ ịrẹyị ẹnẹnịị mị?”