2 Ịsamụwẹrị 7:12 - IWE ỌNỊNỊ

¹² Kà a ka ịhị ẹkụhị amị ọ̀ọ sị gụ dị ọ sị hụrẹ ẹhẹ nị, mị vaa si ozi anịị dọ ọ ịrẹsụ. Kà a ka ozi anị ụvọta ozi ọnọọ vaa vị nị, dị mị mẹ ka ohinọyị ọnị ọ rị ọ̀ nyị ahụ jẹẹ.

2 Ịsamụwẹrị 7:12 ပူးပေါင်းရင်းမြစ်များ

Oyinyima 15:4

Di Ẹnẹyịmavara va kà a yị Abụramị dị ọ ka, “Ọnọrụ ọnọọ ọ yị vaa kụ́ ogu awụ; ozi ewu obooro ọ vaa kụ́ ogu awụ nị.”

2 Ịsamụwẹrị 22:51

Ọza ọnị ọ sị rị ohinọyị, ọnị ọ vị ẹnẹdọha amị nị. Mị ka ọza ọnị sị nyị, vi o nị o sì ịrẹyị anị pooro. Mị ka Idevidi ọnịrị ezi anị ịrẹma-ịrẹma vị ọnị ọnị sì pooro.

1 Ohinọyị 1:21

Taarụ, wàa raà sị ẹhẹ tịtẹ dị wụ zị ká ohiku awụ nịnị na nị, ẹmịrị Isoromọnị ozi ewu vi ene e vee re anka ọza odivi.”

1 Ohinọyị 1:48

Di ohinọyị rẹ kà a bẹẹ ka, ‘Mâ kụ́ Ẹnẹyịmavara Ohomorihi Anisirẹrị avọ. Ọnị ọ sị ọza yị mị ajịnị nị ka ọ̀ rị ohinọyị dọ mị ịrẹsụ. Ma raà si eyi amị re e.’ ”

1 Ohinọyị 2:1

Ụmẹ oni Idevidi ve sii sú ee vee tù. Di ọ mẹ ọda yị Isoromọnị ozi anị. Ọ kà

1 Ohinọyị 2:10

Ịjị Idevidi maanị sị ịrẹyị kà, di o sú nị, di e ne e ịnị ẹkụra Idevidi nị.

1 Ohinọyị 2:4

Ộ kà a mị ka, ‘Ezi ewu ẹ̀ẹ zẹẹ di e si eyi pè oze amị nị, dị ẹ yaa sị avaba ayị ẹnịnị ọnịrị ivehu ẹnịnị mẹ̀ ebira ịzẹyịza ini eyi amị nị, ọ ka ọza ana vaa vị ohinọyị Anisirẹrị vị ana vaa yà ini ovwoovu amị pooro.’ ”

1 Ohinọyị 5:5

Avọọ mê ro o ka maa dà irehi yị Ẹnẹyịmavara Ohomorihi amị. Ohomorihi ộ vịdị vavọọ kà a yi Idevidi ada amị ka ọ̀ yà ịrẹsụ ode ohinọyị anị ọ vaa dà irehi yị ọnị nị.

1 Ohinọyị 8:15

Dị ọ ka, “Ẹnẹyịmavara Ohomorihi Anisirẹrị avọ. Ịsa ọnị ụ kà yi Idevidi ada amị ka wụ vaa mẹ, wa va sị ọ mẹ. Ụ ka

1 Ohinọyị 8:19

Ụ ka ẹ yị vị ọnị ọ vaa dà irehi wụ, ama ozi ọnị ọnị ụvọta ma ọ vaa dà irehi wụ nị.

1 Ohinọyị 8:20

“Ẹnẹyịmavara, dị ụ va sị ịrẹyị awụ ọnị ụ kà gẹ ẹ nị. Ma va sị kwẹẹtẹ jẹẹ udi Idevidi ada amị, dị ahịka ẹma vi ohinọyị Anisirẹrị nị, anka ẹwụ Ẹnẹyịmavara mẹ̀ kà a. Ma va raà dà irehi yị ẹwụ Ẹnẹyịmavara ana vị Ohomorihi Anisirẹrị.

1 Ohinọyị 9:5

ẹwa vaa vi ohinọyị Anisirẹrị pooro zịna-zịna nị. Avọọ m mẹ̀ vịdị kà yị Idevidi ada awụ nị ka wẹ yị vaa zẹẹ ka asị a nyị ọza ana vaa dọ ọ ịrẹsụ ana vaa rị ohinọyị Anisirẹrị.

2 Ohinọyị 8:19

Ama Ẹnẹyịmavara e yi sì ka ọnị ò vu Ijuda ẹtẹ, agụvị ka ộ vịdị si oto wo yị ozi ahụ anị Idevidi ka ịpa ezi anị ẹ vaa rị ohinọyị Ijuda pooro nị.

1 Ịtọpa 17:11

Ịjị wèe wusu, dị ụ zị và ka ohiku awụ nịnị na nị, ọnị vaa sị ozi ewu ọnya rị ohinọyị, dị ohinọyị anị nyị ụkata.

2 Ịtọpa 1:9

Ọ kà a Ẹnẹyịmavara Ohomorihi ọ navọ kwoogwo ọ mẹ̀ ịsa ọnị ọ ka yị ada anị booro aanị agụvị ka ộ raà sị ọnị mẹ̀ ohinọyị tụra aza otomiroku ọnị ọza ẹ yị yẹ za ịrịka.

2 Ịtọpa 13:5

Ọ̀ kà ẹnịnị éé vana yẹ ka Ẹnẹyịmavara Ohomorihi Anisirẹrị ô hị́ eku ẹnị ẹ yị ma vara yị Idevidi ka ọnị aa sị udi ohinọyị Anisirẹrị yị ọnịrị ụnaka anị pooro zịna-zịna?

2 Ịtọpa 21:7

Ama Ẹnẹyịmavara ẹ yị sị ka ọnị o vu ovwoovu Idevidi ẹtẹ agụvị oto ọnị ọvịdị wo yọ. Ẹnẹyịmavara ộ kà a ka ụnaka Idevidi ẹ vaa rị ohinọyị vọ yị ẹngụ pooro nị.

2 Ịtọpa 23:3

Avaba ẹnẹnị ệ wara gụ ịnị Irehi Ohomorihi, dị ẹnịrị Ijowasi hị́ eku yị ẹngụ nị. Ijowasi vị ozi Ohinọyị. Ijehoyada ộ kà a yị wa ka: Ozi ohinọyị ene sú yi o! Ọnị ọ kụkụ vaa rị ohinọyị ọyaanị nị anka Ẹnẹyịmavara mẹ̀ vịdị kà a tịtẹ ka, evere ezi ohinọyị Idevidi ẹ vaa rị ohinọyị nị.

2 Ịtọpa 6:15

Ộ raà mẹ̀ ịsa ọnị o wo oto anị yị ada anị Idevidi. Avaba ịrẹyị ọnị ọ kà ộ sẹ ajịnị.

2 Ịtọpa 6:9

Ama ọ yị vaa dà a. Ozi anị ụvọta ọ vaa dà irehi anị nị.

Ahẹ Ụgama 89:29

Wa rẹ kà a ka ovwoovu anị vị ọnị ụ vaa sị jẹẹ pooro, dị ahịka ọnị ọ vị ohinọyị pooro zịna-zịna nị.

Ayịsaya 11:10

Ụmẹ ọnyara aa vẹ, ịhị ọnọọ anovwoovu Ijeese ana vaa vi ohinọyị vị ana vaa jẹẹ dị avaba aza che ayị za a. Ịzị ọ vaa yà vaa nyị ụbanyị ẹnẹmẹhị.

Ayịsaya 9:7

Ụkata Ịjọva anị vị ana vaa hịrẹ ūna hu avọọ, Ẹngwọọrọ ọnị ọ vaa sị vẹ ọ ma vana ta pàá zịna-zịna. Ọnị ọ vaa vị ohinọyị dọ Idevidi ịrẹsụ nị. Ịzẹyịza ọnịrị ebira ana vọrọ ọ vaa sị sị ịjọva anịị jẹẹ pooro nị. Ẹnẹyịmavara Ochẹtẹẹngụ ọ sị ẹngụ tenyi ka avọọ ọnị maa mẹ̀ ẹ nị.

Ijeremaya 33:17

Ẹnẹyịmavara kà, ezi Idevidi ẹ vaa rị ohinọyị Isirẹrị pooro nị.

Ịdanịyẹrị 12:2

Aza ọrụrụ-ọrụrụ ana raà sị eteesu vị ịta kụ ẹngụ vaa ha kwẹẹtẹ. Aza ẹnyị ẹnịnị vaa ha dị ẹ yara ịdị Ohomorihi pooro zịna-zịna, dị aza ẹnyị naa rị ụya dị ụhị aa nyị wa pooro zịna-zịna.

Imatiwu 1:1

Ịrẹha ohiku-ohiku ịzị Ijeesu chị hụrẹ vẹ yị: Ijeesu vị ozi Idevidi, ana vị ozi Abụrahamị

Iruuku 1:32

Ọzọbanyị ọ vaa vị nị, Ozi Ohomorihi ene hu keekere a vaa hị́ ọ nị. Ohomorihi Ananyị yị vaa mẹ̀ ẹ ohinọyị tụ́ udi Idevidi ohiku anị.

Iruuku 24:27

Dị Ijeesu ve nyima aa kà a yị wa ịrẹyị ana a kà ini oze anị tụ́ Iwe Ohomorihi nị. Ô nyima hụụnị ịsa oni Imosiisi kà huuu va ngụ ịsa ọnị ọnịsẹ nịnị kà.

Odeyi 13:36

“Idevidi ộ mẹ̀ ịsa oni Ohomorihi mẹ̀ eto anịị yọ ta ịnị ụmẹ anị, di o sú, di e ne e anka ohiku anị nịnị, dị ọ vụ̀ nị.

Odeyi 2:30

Idevidi vị ọnịsẹ, ộ yẹ ka Ohomorihi ô hyeku ka ọnya ini ezi anị ọ vaa vị ohinọyị ana vaa dọ Idevidi ịrẹsụ nị.

1 Anịkọrịntị 15:51

Sị ụtọ pe ẹtẹ, dị ma kà ịsa ọnya ana nyịnẹ wụ nịnị! Avaba ayị o yi vee sú; ama a vaa vara avaba ayị ẹngụ

Iwe Ọhụhị Imosiisi ana aa hị́ Ọyịvatụrọda 31:16

Dị ọ kà yị Imosiisi ka ẹ yị jẹẹ di ohiku ẹnịnị ẹ dọ ọzọga. Ịrẹma ọnị o wusu, Anisirẹrị nịnị vaa va ịrẹma anị na hẹkẹ ori anẹkụra ịnị ẹ yaa va ngụ. Dị ẹnịnị ẹ yị mẹ ịzẹyịza hi ọnị, dị ẹ sị ahụ jịnẹ oto ọnịrị wa mẹ yị ẹngụ nị.

1 Anịtẹsaronika 4:14

Yáa dọ wụ́ ka Ijeesu ô sú, dị ọ rẹ varẹma ha hụụnị isu nị. Ya rẹ dọ wụ ka aza ana sị ayị tụra Ijeesu dị e vee sú, Ohomorihi vaa kụ́ ẹnịrị Ijeesuu vaa vẹ.