2 Ịsamụwẹrị 7:10 - IWE ỌNỊNỊ

¹⁰ Re kà a yọ ka mi vee tenyi aha yị Anisirẹrị aza amị dị mị sị ahụ ẹnịnị jẹẹ. Mị vaa si aha yị wa, dị ẹ ra ịzọọ dị ẹ yị nyị ọza ana kụkụ kụ́ ọ zigi wa. Aza edivi ẹ mā vana mẹ wa eyi ngwẹ-ngwẹ anka ẹ mẹ̀ vịdị mẹ wa.

2 Ịsamụwẹrị 7:10 ပူးပေါင်းရင်းမြစ်များ

2 Ohinọyị 21:8

Ẹnẹyịmavara kà Anisirẹrị nịnị ẹ̀ẹ saasa avaba ọda anị, dị sị ụvọ za avaba ọda ọnị Imosiisi ozi ahụ sị yị wa nị, ọnị ẹ yị vaa zẹ ka a dụ wa hụụnị ẹtẹ ọnị ọnị sị yị ohiku ẹnịnị.

1 Ịtọpa 17:9

Ẹnẹyịmavara kà ọnị ọ raà nyị aha yị aza anị Anisirẹrị nịnị, ọnị ọ raà kụ wa ve hi ịzọọ ka ọ̀ vị eehi ẹnịnị, dị a sị e kuku zigi wa. Ọ kà aza edivi ẹ yị ma vana mẹ ehuna yị wa anka ẹ mẹ̀ mẹ wa ẹnịnị mẹ va ngụ ịzẹnị kẹnẹ.

2 Ịtọpa 33:8

Ẹnẹyịmavara kà a Anisirẹrị nịnị ẹ̀ẹ saasa avaba ọda anị, dị ẹ sị ụvọ za wa anka Imosiisi mẹ sị yị wa nị, ọnị ẹ yị vaa zẹ ka a dụ wa hụụnị ẹtẹ ọnị ọnị sị yị ohiku ẹnịnị.

Ahẹ Ụgama 44:2

Ẹwa sị ụkata awụ dụ aza ẹnẹ ẹ̀ yẹ wụ hụụnị ẹtẹ ana aza ẹnẹẹ yà dị ụ ka ohiku ayị ẹ̀ kụkụ ra hi ịnị ẹtẹ ọnọọ nị Wâ pa ịva yị aza ẹnẹẹ ẹtẹẹtẹrẹ ama dị ụ mẹ ka ò zee yi ohiku ayị nịnị nị.

Ahẹ Ụgama 44:4

Ẹwa vị́ Ohinọyị amị dị ụ rẹ vị Ohomorihi amị nị Ẹwa kà a ka aza awụ e vee huna ọnịvị ẹnịnị nị.

Ahẹ Ụgama 80:8

Wâ kụ́ yị hụrẹ Ijipiti vẹ anka ọchị ịvayịnị avọọ. Dị ụ dụ anẹkụra ọsa hụụ ịzọọ, dị ụ sị yị tụ́ ịzọọ anka a mẹ̀ẹ hụ́ ọchị ịvayịnịị tụ́ aha avọọ nị.

Ahẹ Ụgama 80:9

Dị u tenyi ẹtẹ kara yị, dị yaa nyị ahụụ hị́ ẹtẹ, dị yaa yara, dị ị kụkụ dọ avaba ẹtẹ ọnọọ nị.

Ọyịkụra 1:22

Di Ihwarawo kụkụ va mẹ ọda dị ọ kà a yị avaba aza anị dị ọ ka, “Avaba ozi ọnọrụ anị Anihiburu ọ̀ọ ma è ne ne wa ngụ irehu Ịnayịrị. Ama à navọ ozi ọnẹẹ ẹnị ẹ̀ẹ ma.”

Ọyịkụra 15:17

Ụ vaa kụ̀ waa vẹ, di ụ mẹ ka ẹ̀ yà ịrẹsụ ataba awụ. Ẹnẹyịmavara, ịzọọ ụ sị mẹ eehi awụ nị. Ẹwa sị ụvọ awụ dà irehi awụ ọnọọ nị.

Ayịsaya 5:2

Ô huru ẹtẹ ọnọọ dị ọ tọ̀ọ́ ịrẹta anị hụụnị anị; Dị ọ hị̄ ọchị ịvayịnị ozoza-ozoza hi ọ nị. Dị ọ rẹ dà irehi ọgọdọ tụ́ ịnị ụbazị ọnọọ ịzị oserẹtẹ vaa yà di oo sere e nị. Dị ọ va chị aha ịzị a vaa yàa kwọrọ ẹtụtụ igirepi ẹnẹẹ ẹ̀ẹ sị tụ́ nị. Ọta amị aa tụra eyi ka ọchị ẹnẹẹ vaa tụ́ ẹtụtụ ozoza, ama dị ahịka ẹtụtụ edivi-edivi ẹ na tụ́ nị.

Ayịsaya 5:7

Anisirẹrị ọnịrị Anijuda ẹ vị ụbazị Ẹnẹyịmavara Ochẹtẹẹngụ nị. Ẹnẹyịmavara ô sì ịrẹyị ụbazị ọnọọ ẹtẹẹtẹrẹ. Ô tụra eyi ka ẹnịnị vaa mẹ̀ ebira ana vọrọ, ama dị ahịka aza kẹnẹ ẹ yaa wụụ ha nị. Ô ro ka ẹnịnị vaa mẹ̀ ebira oni oni sì, ama dị ahịka ẹngụkata ana mẹ ka aza ee nowu ẹ yaa kụ́ụ tụ́ aza nị.

Ayịsaya 60:18

Ọza ẹ yị kụkụ vaa wụ́ ụha ezigi ọnịrị evu-ẹtẹ ịnị ẹtẹ ọnọọ. Ọnị vee sere, dị ọnị vagu ọ anka ọvọ. Ẹ vaa ga ọnị agụvị ka ọnị ọ raà dọ ọ ha.

Ayịsaya 60:21

Aza awụ vaa mẹ ịsị ẹ vọrọ, dị ẹ nyị ẹtẹ pooro zịna. Ẹnẹyịmavara kà ọnị ộ mẹ̀ wa, dị ọnị sị wa jẹẹ agụvị ẹ sị ụbanyị anị zụ nị.

Ijeremaya 18:9

Ama ọnị ọ̀ọ kà a ka ọnị vaa nyị aza àa vị ohinọyị nịnịị jẹ dị ọnị ọ̀ vara wa aza ọkụmị-ọkụmị,

Ijeremaya 24:6

Ọ kà ọnị vee sere wa, dị ọnị varẹma kụ wa vavẹ ẹtẹ Ijerusarẹmị. Ọnị vaa hị́ wa hi ịnị ẹkụra, ọnị e yi vee hu wa hụrẹ ẹtẹ. Ọnị vaa mẹ ka ẹẹ hụ, ọnị ẹ yị vaa gụ wa hyẹdụ.

Ezikẹẹrị 28:24

Ẹnẹyịmavara kà anẹkụra ana ra kara Anisirẹrị nịnị ẹ́ yị vịdị sị ụbanyị yị wa vụrụ-vụrụ. Ama ẹ́ yị nyị anẹkụra ẹnẹẹ anaa vanaa vị ikenyi, à vị ọchị ikeyi-ikeyii jịị ngụ Anisirẹrị nịnị ẹngụ, dị ẹ̀ vaa zama wa. Anẹkụra ẹnẹẹ vaa yẹ ka ọnị ọ vị̀ Ẹnẹyịmavara Ochẹtẹẹngụ nị.

Ihoseya 2:18

Ộ kà ọnị vaa dọ ka Isirẹrị ọ̀ ra ịnị ẹngwọọrọ. Ọnị vaa mẹ̀ ka asị uye ịnị avị nịnị ọnịrị inomi nịnị kụ́ akanya tù ọ. Dị ọnị rẹ kụ́ ịrẹkụ hụrẹ ẹtẹ kwooze yị ọ.

Emọsị 9:15

Ẹnẹyịmavara Ohomorihi ẹnịnị ka, ọnị vaa sị wa ahụ hi ẹtẹ geri-geri ịnị ẹtẹ ọnị ọnị sị yi wa. Ọza e yi me vene hu wa ahụ hụrẹ ịzị ẹ ya paa.

Ẹtore 21:4

Ohomorihi vee nyee avaba ẹgọọ hụụnị eyi ẹnịnị. Ayị kụkụ vaa nyị iswọọza, ẹ yị nyị ayodu, àa vị orere. Ayị rẹ kụkụ nyị ịsị ẹ vaa zị ọza, agụvị ka ịsa ịyẹẹyẹ ẹ́ẹ ta saka-saka.”

Ọdọvịdị 4:3

Isoja Ijabini ệ nyị ịkẹkẹ ịrẹkụ enyusẹ akanarẹchẹhị. Ịrayị oohu Ijabini mẹ Anisirẹrị ọnị ẹzụ mẹ ẹvụ nị. Ịjị ụya sị hụ wa dị ẹ da ịpẹ yị Ẹnẹyịmavara kà ọ gụ ẹnị ụvọ.