2 Ịsamụwẹrị 6:19 - IWE ỌNỊNỊ

¹⁹ Di Idevidi gà ịsọyịrị yị avaba ọkọnị aza ẹnẹẹ nị. Ọnọrụ ọnịrị anẹẹ vị ọnị ọ gà ịsa yị. Ịbụrẹẹdị ọnịrị akara ana a sị ẹtụtụ ịvayịnị jị ne beri Ịbụrẹẹdị ana a sị ẹtụtụ agịga tụ́ ịnị anị ọ vavọọ gà yị wa nị. Ịjị ẹ sị mẹ ta, dị ọzọza aa nọ eehi anị nị.

2 Ịsamụwẹrị 6:19 ပူးပေါင်းရင်းမြစ်များ

2 Ịsamụwẹrị 6:18

Ịjị Idevidi vavọọ sị ịsọvọ ẹnẹẹ mẹ, dị ọ ka Ẹnẹyịmavara Ochẹtẹẹngụ ọ̀ navọ ò zee yị aza ẹnẹẹ nị.

2 Ịsamụwẹrị 6:20

Idevidi ọnị ọ rẹ nọ eehi ka ọnị ọ̀ na mẹ̀ aduwa yị aneehi anị. Ọ́ màa na, di Imikari ozi Ịsọọrụ ana vị ọnẹẹ va gẹrị ọ nị. Di Imikari ka, “O! ohinọyị Anisirẹrị, wâ dà mẹ ajịnị kẹnẹ. Aanị ụ mẹ ngwa awuru hi ẹtẹ di ezi anẹẹ ana vị ezi ahụ ezida awụ ee re wu nị. Dị waa mẹ anka ọza kẹnẹ-kẹnẹ avọọ nị.”

1 Ohinọyị 8:66

Ịrẹma ẹkụhị ịhịmba ụpẹ ọhụva, ịhị ẹ tụ́ ọ ẹkụhị ịhịnta di ohinọyị mẹ̀ aduwa yị aza ẹnẹẹ dị ọ ka ẹ̀ẹ na nị. Ịzẹyịza dị aza ẹnẹẹ si hu aa naa ịnị ajẹngụ ẹnịnị nị. Ẹnịnị aa jẹ, ayị ẹnịnị ee hine agụvị avaba ịsa ozoza ẹnị Ẹnẹyịmavara mẹ yi Idevidi ozi ahụ anị ọnịrị Anisirẹrị ana vị aza anị.

1 Ịtọpa 16:3

Ọ́ mẹ̀ sị aduwa mẹ̀, dị ọ gà ụbụrẹẹdị vaka akara idevina ọnịrị uye ene e wu yị Anisirẹrị nịnị ikonya-ikonya nị; anọrụ ọnịrị anẹẹ.

1 Ịtọpa 16:43

Avaba aza ê hụụ ịzọọ, dị ọzọza và nọ ini eehi anị nị. Idevidi ọnị ọ rẹ và nọ ini eehi anị, dị ọ na mẹ̀ aduwa yị ovwoovu anị nị.

2 Ịtọpa 30:24

Ohinọyị Ihezekaya ộ sị ụnọ akahị (1,000) ọnịrị atẹmẹ akahị-akahị oze ịhịmba (7,000) yị aza ana a wụ̀ dị ẹ rị ọ. Ọdọvịdị nịnị ẹnị ẹ rẹ sị ụnọ akahị (1,000) beri atẹmẹ akahị-akahị oze ẹẹwụ yị wa. Ohirẹsụ irehi Ohomorihi ọrụrụ-ọrụrụ ệ mẹ ido ana sị wa tụ́ irenyi yị Ẹnẹyịmavara nị.

2 Ịtọpa 7:10

Ịhị ẹ tụ́ ọ ẹkụhị ohurẹẹta ịnị ụhwẹ ịhịmba ọnọọ, Isoromọnị kà yị aza ka ee nọ eehi ẹnịnị nị. Dị ẹ yaa jẹ, dị ayị ẹnịnị ee hine agụvị ka Ẹnẹyịmavara ộ mẹ̀ ịsa ozoza yị Idevidi ọnịrị Isoromọnị ne beri Anisirẹrị ana vị aza anị.

Inehemaya 8:10

 kà a yị wa ka asị e du ayị, ẹẹ nọ eehi dị ẹ̀ naa rị ịsa, dị e hú eche ohine, dị ẹ̀ da ịsa yị aza ẹnẹ ẹ yị nyị rị. Ayohine ọnị Ẹnẹyịmavara mẹ yị wa aanị vaa mẹ ka ẹ̀ nyị ụkata.

Ahẹ Isoromọnị 2:5

Dà ịsọyịrị yị mi, dị ma varẹma nyị ụkata. Sị apụrụ mị ma rị ọ, dị ẹngụ amị ò hi ahị, agụvị ka mme sì ịrẹyị awụ pooro, ọ sị vara ẹngụ aa zị mị.

Ezikẹẹrị 45:17

Ọza ana vị ọdọvịdị ẹkụra ọ kụkụ vaa sị ịsụpa anaa sị vaa yị Ẹnẹyịmavara dị a rị avaba anị ịra, ọnịrị ịsọyịrị beri eche, dị à sị mẹ̀ ịsọvọ yị avaba ẹkụra àaa rị eche ụhwẹ ọwọọwa, ẹkụhị ụhwọtụ ọnịrị àaa rị avaba eche ana vọ nị. Ọnị ọ vaa sị ịsaa vẹ ana a vaa sị mẹ̀ ịsọvọ agụvị ebira odivi ana aza mẹ̀ nị. Ọnị ọ vaa sị ịsaa vẹ ana á rẹ vaa sị mẹ̀ ịsọvọ ịsọyịrị, ịsụpa ana a vaa rị avaba anị ịra ọnịrị ịsọvọ ana a sịị mẹ uzee, agụvị dị a sị vagu ebira odivi ọnị avaba Anisirẹrị nịnị mẹ nị.

Ihoseya 3:1

Ihoseya kà Ẹnẹyịmavara kà ọnị ọ̀ varẹma ne sì ịrẹyị ose anị anaa sẹ̀ ịrẹka. Ọnị ọ̀ vavọọ sì ịrẹyị anị agụvị dị ọ sị zụ ọnị mẹmẹ sì ịrẹyị Anisirẹrị nịnị ana a dụ ori nịnị zị, dị ịsa ịsọvọ ori e hine wa.

Odeyi 20:35

Ma raà sị zụ̀ wụ nịnị ịnị avaba oze ka â nyị ka ya maanị mẹ̀ ụkọrọ ẹtẹẹtẹrẹ, dị ya zụụ mẹ ọgụvọọ yị ọkụmị nịnị.” Tamayị ịrẹyị oni Ijeesu Ananyị yị ụvọta kà nịnị ka: “Wàaa mẹ ọza ẹyịza, ụ zụ jẹ ịrajẹ hu ka waa dọ ọza ịsa nị.”

Anẹhwẹsọsị 4:8

 vịdị kà a tụ́ ini Iwe Ohomorihi ka, “Ọ mẹ̀ hịrẹ nọ ẹbẹẹba, ộ kụ́ aza ọnị ọ sị ehuna ẹnịnị nyị za, dị ọ gà ẹyịza yị aza nị.”

Ijosuwa 22:6

Ijosuwa ộ mẹ̀ aduwa yị wa, dị ọ ka ẹẹ na nị, dị ẹnịnị và nọ eehi ẹnịnị nị.