2 Ịsamụwẹrị 6:16 - IWE ỌNỊNỊ

¹⁶ Ápoti Ẹnẹyịmavara màa ngụ ịnị Ẹkụra Idevidi, di Imikari ozi Ịsọọrụ ana vị ọnẹẹ dà eyi gẹ ini ozokete, di ee re ẹtẹ nị. Di o re ka Idevidi ee ji iriga, aa nyị ẹzẹ ọ màa sị ụbanyịị yị Ẹnẹyịmavara nị. Di Imikari ee ro o ịnị ayị anị ka ọnịyẹyẹ Idevidi vị nị.

2 Ịsamụwẹrị 6:16 ပူးပေါင်းရင်းမြစ်များ

2 Ịsamụwẹrị 3:14

Di Idevidi ọnị rẹ tụ́ ezida anị hi Isibọsẹtị ozi Ịsọọrụ nị. Ọ kà èe tụ́ ịzọọ ẹ̀ kà a yọ ka ọ́ sị Imikari ose ọnị Idevidi va yị ọnị. Ọ kà Anihwirisiti ẹchẹhị ọnị wụ dị ọnị jị wa ụvẹvẹnẹ, dị ọnị kụ́ ụpa anị ọnị ọnị sị sị ụta ka ọnị ọ̀ nyị Imikari nị.

2 Ịsamụwẹrị 5:7

Ama Idevidi ọ va sị ịzị isojaā tẹ̀ rị. Ịzọọ aā hị́ Ẹkụra Idevidi nị.

2 Ịsamụwẹrị 6:15

Avọọ ọ maà nyị ẹzẹ dị ọnịrị avaba Anisirẹrị ana vọ sị apoti Ẹnẹyịmavara hịrẹ nọ ịda anị nị. Ẹ́ màa vẹ, di eyee nowu, di eyee hu ọpanyị nị.

2 Ịsamụwẹrị 6:20

Idevidi ọnị ọ rẹ nọ eehi ka ọnị ọ̀ na mẹ̀ aduwa yị aneehi anị. Ọ́ màa na, di Imikari ozi Ịsọọrụ ana vị ọnẹẹ va gẹrị ọ nị. Di Imikari ka, “O! ohinọyị Anisirẹrị, wâ dà mẹ ajịnị kẹnẹ. Aanị ụ mẹ ngwa awuru hi ẹtẹ di ezi anẹẹ ana vị ezi ahụ ezida awụ ee re wu nị. Dị waa mẹ anka ọza kẹnẹ-kẹnẹ avọọ nị.”

1 Ịtọpa 15:29

Á mẹmẹ maanị aà yịị sị apoti oto ọnọnịị ngụ ẹkụra Idevidi kẹnẹ, Imichari ozi Ịsọọrụ ô zi oze ini ozokete da eyi gẹ, dị o re ka ohinọyị Idevidi aa nyẹzẹ di ee ji iriga ayị anị mee hine nị. Dị ịrẹyị Idevidi aa nyị ọ ịhyẹrẹ nị.

Ahẹ Ụgama 123:3

Ẹnẹyịmavara, aarịhịnị kwogwo, navọ wa vayị ayị. Wéē re ka o si ku ana a hụrẹ aa sị yịị mẹ ịyẹyẹ di yè yi tụ́ ohi.

Ahẹ Ụgama 69:7

Ma raà hụ agụvị awụ sị ẹngụ dọ ụhụ, ma raà sị eyi dọ ụhị agụvị awụ.

Ayịsaya 53:3

Aza ana vọ ệ sị eyi wụ ọ, di e yi ọ tịtẹ nị. Ộ sị ẹngụ dọ ụya ọnịrị ayodu. Ọzọza vị anaa sị eyii tẹ̀ẹ yọ. Â sị eyi wụ ọ; ọza e yi ro o ka â nyị ịsị ọ vị.

Odeyi 2:13

Dị aza ẹnyị aa mẹ ọdọwụ nịnị isiya nị, dị ẹ ka, “Aza ẹnẹnị ẹ sị eche hú ẹtẹẹrẹ!”

1 Anịkọrịntị 2:14

Ama ọza ẹnẹ ẹ̀yị nyị Ụhwẹ Ọnịnị, ọyị zụ dọ ịsị Ụhwẹ Ọnịnị ị̄ sịị yị ọza. Ọyị zụ yẹ ịsa ẹnẹẹ, ịrẹyị kẹnẹ-kẹnẹ ọ vị yọ nị. Ụhwẹ Ọnịnị kẹnẹ ọ zụ mẹ ka aza ẹ̀ yẹ ụbanyị ịsa ẹnẹẹ nị.

1 Ịsamụwẹrị 18:17

Ẹkụhị ọnya dị Ịsọọrụ hị́ Idevidi dị ọ ka ọnị aa sị ozi ẹnẹẹ anị ana vị ọzọkụ ana aā hị́ Imeravu gà Idevidi nị. Ọ kà asị Idevidi hí angwa, ama òo pè ọnị mẹ̀ ụkọrọ dị ọ̀ọ kụ̀ ịrẹkụ yị Ẹnẹyịmavara. Ịsọọrụ ô ro o ka ẹ yị vị ọnị ọ vaa sị ụvọ anịị wụ Idevidi. Ọ kà Anihwirisiti nịnị ọ vaa wụ̀ ọ nị.

1 Ịsamụwẹrị 18:20

Ama ozi Ịsọọrụ ọsa ana rẹ vị ọnẹẹ ana aā hị́ Imikari oni ô sì ịrẹyị Idevidi. Ịjị a maanị na kà a yị Ịsọọrụ, ô hine e ẹtẹẹtẹrẹ.