2 Ịsamụwẹrị 5:6 - IWE ỌNỊNỊ

⁶ Ẹkụhị ọnya ohinọyị ẹnịrị aza anị ệ nọ Ijerusarẹmị, dị ẹ kụ́ ịrẹkụ ne tù Anijebusi ana ra ịzọọ nị. Anijebusi ene hi ịzọọ vi ene ro ka Idevidi ọ yị va zụụ rị ẹkụra ọnọọ. Dị ẹ kà yị Idevidi ka, “Wẹ yị va zụụ ngụ ịzẹnị. Ogu eyi ọnịrị oswahụ ayị, ệ hyakụ zụ dụ wụ varẹma.”

2 Ịsamụwẹrị 5:6 ပူးပေါင်းရင်းမြစ်များ

Oyinyima 14:18

Di Imerikizẹdẹkị ohinọyị ẹkụra Ịsarẹmị ọnị rẹ vẹ nị. Ọnị vị ohirẹsụ irehi Ohomorihi ana nẹba hu keekere. Ộ za ịbụrẹẹdị ọnịrị eche.

2 Ịsamụwẹrị 22:30

Ẹwa sị ụkata yị ẹmị ka ma zụ dụ ọnịvị amị. Ịnị ụkata Ohomorihi eme zụ hira na jịnẹ ọvọ.

Ụhịrẹyị 21:22

Ọza ana yẹ ịrẹyị ọ zụ rị ẹkụra ọnị Isoja nịnị è sere, dị ọ gara aha ọyị tẹ ene sị eyi tụra ha.

Ijeremaya 21:13

Ẹnẹyịmavara kà, ọnị vaa va eyi ịrazịị ka Ijerusarẹmị enee wo oto ka, ẹnị ẹ sị ha, ẹ yị nyị ịsị ẹ kụkụ zụ kanyị ẹnị agụvị ataba ana kara ẹnị aanị.

Ijeremaya 37:10

Ọ kà Anijuda nịnị ẹ̀ẹ daka nọ ịrẹkụ Anibabironi, dị e huna wa, dị ahịka aza ana tọ̀ ụnava ẹ vọ hi ịnị ajẹngụ ẹnịnị nị, aza ẹnẹẹ yị vaa kwẹẹtẹ dị ẹ rị Ijerusarẹmị ịra saka-saka.

Anihiburu 7:1

Imerikizẹdẹkị ọnọọ vị ohinọyị Ịsarẹmị, dị ọ rẹ vị ohirẹsụ irehi Ohomorihi yị Ohomorihi ana nẹba hu keekere nị. Abụrahamị ộ và hụrị ịrẹkụ aa vẹ, ọ mẹ̀ na wụ ohinọyị ẹnyị aanị. Imerikizẹdẹkị ộ va gẹrị ọ, dị ọ mẹ̀ aduwaa yọ nị.

Ijosuwa 10:3

Avọọ, dị Adonizedeki tụ́ hị́ ohinọyị ẹkụra ẹẹna ka ẹ va gụ́ ọnị ụvọ gẹ ịrẹkụ tu Anigibiyọnị nị. Ô hị́ Ihohamị ohinọyị Ihebirọnị, Ipiramị ohinọyị Ijarimuti, Ijapiya, ohinọyị Irakisi, ọnịrị Idebiri ohinọyị Egironi.

Ijosuwa 15:63

Ama Anijuda nịnị ẹ rẹ va nyẹngụ dụ Anijebusi nịnị; ọnị ọ mẹ̀ ka Anijebusi nịnị ẹ̀ ra beri Anijuda pooro tu ajịnị hi Ijerusarẹmị nị.

Ijosuwa 18:28

Ịzẹra, Ịharẹhwị, Ijebusi (Ijerusarẹmị), Igibeya, ọnịrị Ikiriyati-Ijeyarimi; Ẹkụra ẹbanyị-ẹbanyị ẹwụrẹna beri ẹkụra ana vọ ana kara wa. Ẹtẹ ọnọnị abara-abara ịrẹsụ Ịbẹnjamịnị dọ mẹ ogu ẹnịnị nị.

Ọdọvịdị 1:21

Ama Anịbẹnjamịnị nịnị ẹ rẹ vaa zụ dụ Anijebusi nịnị ana ra Ijerusarẹmị. Agụvị avọọ ẹnịnị ra vabẹ ịzọọ pooro ve tu ajịnị nị.

Ọdọvịdị 1:8

Ịnị ọnọọ ọnyọọnya ezi Ijuda rẹ kụ́ ịrẹkụ ne tu Anijerusarẹmị dị rị ẹkụra ọnọọ nị. Dị ẹnịnị ệ sị ụ̀hwọ̀ wụ̀ aza ene hi ịzọọ ha, dị rị ẹkụra ẹnịnị ịra nị.