2 Ịsamụwẹrị 5:2 - IWE ỌNỊNỊ

² Ịyẹẹyẹ Ịsọọrụ mẹ̀ vịdị vị ohinọyị ayị, ẹwaā kụ́ Anisirẹrị nọ ịrẹkụ nị. Ẹnẹyịmavara ọ sị ọ kà ka ẹwa vaa tẹsị aza anị ana vị Anisirẹrị nị. Ọ rẹ ka ẹwa vaa vị ohinọyị ẹnịnị nị.”

2 Ịsamụwẹrị 5:2 ပူးပေါင်းရင်းမြစ်များ

Oyinyima 49:24

ama, dị ụ sị ụvọ ngụ ọkịta awụ nị. Ụvọ awụ ọ yị da ẹgahị. Ohomorihi amị ana nyị ụkata ọ vavọọ sị ụkata wụ nị. Ohomorihi vị ene ee sere wu anka oseratẹmẹ mèe sere atẹmẹ anị avọọ. Ọnị ọ vị aha ụkata ịzị Anisirẹrị vaa sị ịrẹsụ ẹnịnị na tẹ̀ nị. Ẹ yị nyị ịsị ẹ zụ kanyị wa ịzọọ.

2 Ịsamụwẹrị 6:21

Di Idevidi tụ́ o ohi dị ọ ka, “Ẹnẹyịmavara ộ jị ada awụ tịtẹ dị ọ sị mị rị ohinọyị nị. Ẹ yị nyị ọza ọnị ọ sị ịnị aneehi awụ nịnị, dị ahịka ẹmị ọ si ka ma vị ohinọyị Anisirẹrị ana vị aza anị nị. Ẹnẹyịmavara ọnọọ m maa si ụbanyịị yị nị. Ẹzẹ vị ọnị maa nyị dị maa sịị sị ụbanyịị yọ.

2 Ịsamụwẹrị 7:7

M mẹ̀ vavọọ aa saasa Anisirẹrị nịnị hụrẹ aha ẹnyị na ngụ aha ọsa, áá nyị ụmẹ ọnị mị sị kà a yị ọdọvịdị ẹnịnị ọnị mị ka ọ̀ọ tẹsị ẹnịnị ka sị ẹ vẹ dị ẹ̀ yị sị ọchị ozoza dà irehi mị?

2 Ịsamụwẹrị 7:8

“Na wa na kà a yi Idevidi ozi ahụ amị ka ẹmị Ẹnẹyịmavara Ochẹtẹẹngụ ka ẹma sị ọ hụrẹ ịrẹma atẹmẹ ka ọ̀ vị ohinọyị tụ́ ịrẹsụ Anisirẹrị aza amị nị.

2 Ohinọyị 20:5

Ọ kà ọ na ka yị Ihezekaya ana vị ọdọvịdị aza anị ka, Ẹnẹyịmavara Ohomorihi ada anị Idevidi ka ọnị ọ raà wụ́ aduwa anị, di oni reè re orere anị nị.

1 Ịtọpa 11:2

Ẹ ka ịyẹẹyẹ ọnị Ịsọọrụ hyakụ vị ohinọyị ẹnịnị, Idevidi ọọ̄ dọ ọvịdị ẹnị Anisirẹrị nọ ịrẹkụ nị; dị Ẹnẹyịmavara Ohomorihi anị kà a yọ ka ọ vaa dọ ọvịdị aza anị, dị ọ vị ohinọyị ẹnịnị nị.

2 Ịtọpa 1:10

Dị Isoromọnị ka Ohomorihi ọ sị ịrẹyọyẹ yị ọnị ọnị vaa sị mẹ̀ ịjọva tụra wa ịrẹsụ a mẹ vọrọ. Ẹ yị vị avọọ, ẹnẹ zụ mẹ̀ ịjọva tụra ẹkụra anị ọbanyị ọnọnị ịrẹsụ?

Ayịsaya 40:11

Ọ vaa sị eyi pe atẹmẹ anị anka oseratẹmẹ avọọ. Ọ vaa kụ ezi atẹmẹ anị gụ vabẹ dị ọ kụ wa rị ụvọ; dị ọ tangwa aa zụ ọnyị ẹnịnị oze nị.

Ayịsaya 55:4

Re, Ẹma mẹ̀ ẹ onivenu yị aza nị, dị mị mẹ̀ ẹ ọdọvịdị ọnịrị ọga isoja yị aza anị,

Ezikẹẹrị 34:23

Ọnị vaa nyị oseratẹmẹ ọnya, ene vee sere wa anka ozi ahụ anị Idevidi, dị aa tẹsị ẹnịnị.

Imika 5:4

Ẹnẹyịmavara vaa sị ụkataa yị aza ọnị ọ vaa sị vẹ. Ụkata ọnọọ o ve sii sere aza anị. Mị ka ụkata Ẹnẹyịmavara Ohomorihi ana nyị ụbanyị o ve sii sere wa nị. Angwa o yi kuku vee hi aza Ohomorihi agụvị ka avaba anẹhẹ vaa yẹ ka Ohomorihi ộ banyị.

Ịrịka 27:17

Ọza ọnọọ ọ vaa kụ́ aza nọ ịrẹkụ agụvị asị aza anị sị mẹẹ anka atẹmẹ nịnị ẹnẹ ẹ yị nyị ọza ene sere e avọọ.

Imatiwu 2:6

Ẹwụ ẹkụra Ịbẹtịrẹhẹmị ana ya ịnị ẹtẹ Ijuda, ẹ yị vị ẹwụ o weyi hu keekere ini ohirẹsụ ẹkụra Ijuda nịnị, agụvị ka ịdị awụ óhinọyị ọnya vaa hụrẹẹ vẹ ana vaa sị oze zụ̀ aza amị ana vị Anisirẹrị nịnị nị.

Ịjọọnụ 10:11

“Ẹmị ọnọnị ọ vị ọza anaā tẹsị atẹmẹ ẹtẹẹtẹrẹ nị. Ọza anaā tẹsị atẹmẹ anị ẹtẹẹtẹrẹ vị anaā sịị ụhwẹ anịị tịtẹẹ yị atẹmẹ anị.

Anihiburu 2:10

Ohomorihi ọ mẹ avaba ịsa nị, dị ẹ rẹ vị Óhomorihi nị. Agụvị avọọ áa vọrọ ka ọ̀ mẹ ka Ijeesu ọ̀ gụ ini oze ụya ọnị ọ rị, dị aza ọrụrụ-ọrụrụ ẹ̀ zụ nyị tụ́ ini igirima anị. Ijeesu ọ sị oze zụ̀ wa ka ẹ̀ vẹ, dị à va dọ wa há nị.

1 Ịsamụwẹrị 13:14

Ama ẹ yị vị ẹwụ ọ kụkụ vaa rị ohinọyị Anisirẹrị pooro nị. Ụ wẹ̀ yị mẹ̀ zẹẹ ka wa sị eyi pe ọda Ẹnẹyịmavara, o reè sì ọza ẹnẹsa ana vaa mẹ ẹngụ ịsa oni o sì. Ọza ọnọọ Ẹnẹyịmavara kụkụ nyị ka ọ̀ vị ọdọvịdị aza anị nị.”

1 Ịsamụwẹrị 16:1

Ẹkụhị ọnya dị Ẹnẹyịmavara hị́ Ịsamụwẹrị dị ọ ka, “Ịzị ụ vị ana vaa jị òrèrè Ịsọọrụ nee tù? Wâ yẹ ka ma raà sị ọ kwooze ka asị ọ kụkụ vị ohinọyị Anisirẹrị. Sị ọpanyị awụ dị wa ká angwẹ tụ́ ọ, ka maa tụ́ wụ nọ ịda Ijeese ana vị Anịbẹtịrẹhẹmị. Â nyị ozi anị ọnya ọnị mị raà nyị ka ọ̀ vị ohinọyị.”

1 Ịsamụwẹrị 18:13

Ịsọọrụ ọ raà dụ Idevidi hụụ ịda anị, dị ọ sị ọ ka ọ̀ na sị eyi pè isoja ẹnị akahị nị. Dị ahịka Idevidi aa kụ́ isoja ẹnẹẹ nọ ịrẹkụ nị.

1 Ịsamụwẹrị 18:16

Avaba Anisirẹrị ọnịrị Ijuda vi ene sì ịrẹyị Idevidi agụvị ka ọnịrị wa aa zịị nọ ịrẹkụ nị.

1 Ịsamụwẹrị 18:5

Avaba ịsị Ịsọọrụ ọ̀ọ ka Idevidi ọ̀ mẹ, avọọ ọ màa yịị mẹ̀ ẹ nị. Idevidi ộ yẹ ịrẹyị ẹtẹẹtẹrẹ agụvị avọọ dị Ịsọọrụ sị ọ mẹ ọga isoja anị nị. Avaba aza ệ dọ ka Idevidi a vọrọ ka ọ̀ vị ọga nị. Isoja Ịsọọrụ nyẹmba ệ dọ ka Idevidi avọrọ ka à sị mẹ ọga nị.

1 Ịsamụwẹrị 25:28

Di Abigẹrị rẹ ka ọnị ộ yẹ ka Idevidi vị ana aa kụ̀ ịrẹkụụ yị Ẹnẹyịmavara. Ọ kà Ẹnẹyịmavara vaa mẹ ka ovwoovu Idevidi ọ vaa vị ohinọyị pooro nị. Ọ kà aarịhịnị ọ̀ navọ ọ̀ vagu Ịnabarị. Ọ kà Ohomorihi ọ yị vaa zẹẹ ka Idevidi ọ mẹ ịrẹyị odivi pooro dị ọ̀ sị ẹhẹ tịtẹ.

1 Ịsamụwẹrị 25:30

Di Abigẹrị aa kịị kà ịrẹyị dị ọ ka, “Nda, Ẹnẹyịmavara vaa mẹ avaba ịsa ozoza ọnị ọ ka ọnị vaa mẹẹ wụ. Ọ vaa sị wụ vị ohirẹsụ Anisirẹrị.

1 Ịsamụwẹrị 9:16

Ẹnẹyịmavara ộ vịdị sị ọ kà yị Ịsamụwẹrị ka ụmẹ aanị ụhwọ, ọnị vaa tụ́ ọmụha ọnya aanị hị́ ọ. Ọ kà Ịbẹnjamịnị ọ vaa hụrẹẹ vẹ nị. Ọ kà ọza ọnọọ ọ̀ọ vẹ, dị Ịsamụwẹrị ọ̀ nyị ọ dị ọ kụkụ vị ọdọvịdị Anisirẹrị ana vị aza Ohomorihi. Ẹnẹyịmavara kà ọza ọnọọ ọ vaa dọ Anisirẹrị aza anịị hụụnị ụvọ Anihwirisiti nịnị nị. Ohomorihi ka oni ô re aza anị maà rị ụya, ọnị ọ rẹ wụ́ e mèe nowu ka ọnị ọ̀ ba ẹnị owu.