2 Ịsamụwẹrị 5:11 - IWE ỌNỊNỊ

¹¹ Ẹkụhị ọnya á nyị ohinọyị Ịtaya ọnya aanị ana aā hị́ Ihirami. Ộ tụ́ ezi ahụ anị dị ọ ka ẹ̀ kụ́ ọchị ẹbanyị, ẹbanyị ne beri ikahunta ọnịrị aza anaā sịị ịrẹtaa dà irehi nọ ịda Idevidi nị. E mè tù ịzọọ dị ẹ sị dà irehi ohinọyị yị Idevidi nị.

2 Ịsamụwẹrị 5:11 ပူးပေါင်းရင်းမြစ်များ

2 Ịsamụwẹrị 5:12

Idevidi ọ sị yẹ ịjọnọọ ka Ẹnẹ ẹ yị mā vara ọ raà sị ọnị jẹẹ anka ohinọyị Anisirẹrị. Ộ yẹ ka Ẹnẹyịmavara ọ raà hụ agụvị Anisirẹrị mẹ ka ohinọyị ọnị ọnị aa mẹ ọ̀ nyị ụbanyị.

2 Ịsamụwẹrị 7:1

Ịjị Idevidi reè ku ayẹtẹ ini eehi anị. Ẹnẹyịmavara ọ raà mẹ ka asị ọnịvị anị ana ra kara kụkụ kụ́ ọ kata a ẹngụ.

2 Ịsamụwẹrị 7:2

Ẹkụhị ọnya dị Idevidi va hị́ Inatanị ana vị ọnịsẹ dị ọ kà ọnị ọ yà ini irehi ọbanyị ana a sị ọchị isida dà a ama apoti oto Ohomorihi vị ana yị yà ịnị ajẹngụ.

1 Ohinọyị 5:15

Aza oni Isoromọnị nyị ana aa za ẹnya vị ẹnị akawụ-akawụ oze ohurẹẹwụ tụra ẹẹhị, dị ẹnị akawụ-akawụ oze ẹbẹẹva aa há ịrẹta ịnị ataba nị.

1 Ohinọyị 5:18

Aza Isoromọnị ọnịrị aza Ihirami ne chire Anigebari ẹ bẹ ịrẹta ẹnẹẹ nị. Avọọ a mẹ̀ mẹ tenyi ọchị ọnịrị ịrẹta ana a vaa sị dà irehi ọnọọ tịtẹ nị.

1 Ịtọpa 14:1

 nyị ụmẹ ọnya, dị Ihurami ohinọyị Ịtaya tụ ọnụtụ anị nịnị ve tu Idevidi nị. Ộ kụ ọchị isida, dị ọ rẹ kụ aza anaā sịị ịrẹtaa tụra irehi ọnịrị Ikahunta nịnị ve tu Idevidi ka ẹ̀ va da irehi yọ nị.

Ẹzịra 3:7

Dị ohinọyị Ịsayịrọsị ku ịsọyịrị ọnịrị eche neberi angwẹ na hị́ ọchị Isida hụụnị ụvọ Anịsayịdọnị, Anitaya ọnịrị Ịrẹbanọnị. Dị ọ sị ẹkẹhị yị wa ẹnẹ sị sị wa ọtụrarehi ọnịrị Ikahunta ana kanyị irehi. Ọchị ẹnẹẹ vị ana sị enyi kụ vẹ hi ẹkụra ana hị́ Ịjọpa yị wa.

Ahẹ Ụgama 30:1

Ẹnẹyịmavara ẹwụ mị vaa sị ụbanyịị yị nị agụvị ka wa sị mị dọ tụ́ Wẹ rẹ vaa navọ ka ọnịvị amị è huna mị dị ẹ̀ vaa jẹ.

Ezikẹẹrị 26:2

Ozi ọza, ịsị Anitaya nịnị hụvị anị aa jẹ ịrajẹ yị o. Ẹyaa jẹ ka asị oze ọbanyị ana a zịị̄ ngụ Ijerusarẹmị gara ha. Oze anị ọ sị na hi ẹtẹ yị ọnị. A mẹ sị Ijerusarẹmị gara ha aanị, ọnị kụkụ ee vee re mẹ.

Ijosuwa 19:29

Ẹhwị ẹtẹ ẹnịnị ộ rẹ ha zi oze Iraama, dị ọ ngụ ẹkụra ọbanyị ana aā hị́ Ịtaya nị. Ịtaya vị ana jị ọvọ kara. Dị ẹtẹ ẹnịnị rẹ ha zị Ihosa, dị ọ na zẹtẹ tụ ịnị Òkū Imeditareniya nị. Ẹkụra ẹnẹnị vị ana rẹ yà ịnị ẹtẹ ẹnịnị: Imaharabi, Achizibi,