2 Ịsamụwẹrị 5:10 - IWE ỌNỊNỊ

¹⁰ Idevidi vị ana a yịị nyị ụkataa hu avọọ agụvị ka Ẹnẹyịmavara ana vị Ohomorihi Ochẹtẹẹngụ vị ana jẹẹ ịrẹma anị.

2 Ịsamụwẹrị 5:10 ပူးပေါင်းရင်းမြစ်များ

Oyinyima 21:22

Ịnị ụmẹ ọnọọ di Abimẹrẹkị ọnịrị Ipikori ọga isoja anị na kà a yị Abụrahamị dị ẹ ka, “Ịsa tụra ịsa ana àaa mẹ, Ohomorihi vị ana aa sị ụvọọ tụ́ ọ yọ.

2 Ịsamụwẹrị 3:1

Ịrẹkụ ana chị tụ́ ịnị akakana aneehi Idevidi ọnịrị aneehi Ịsọọrụ vị ẹnị ẹ kụ̀ gọdọ ẹtẹẹtẹrẹ. Aza Idevidi ẹnị aa nyị ụkataa hụ avọọ, dị aza Ịsọọrụ ẹnị aa hịmịị hu avọọ nị.

2 Ịsamụwẹrị 7:9

Avaba ịzị ọ nọ vị ọnị mị jẹẹ ịrẹma anị, dị mị wụ ọnịvị anị hụrẹ oze yọ. Kà a ka mị vaa mẹ ka ịrẹha anị ọ̀ ngụ ịrẹyị anka ịrẹha aza ọkọọka ene hi ẹhẹ mẹ̀ ngụ ịrẹyị.

2 Ịsamụwẹrị 8:14

Idevidi ộ kụ́ isoja anị hi ịnị avaba ẹtẹ Anedomi, dị avaba Anedomi kụkụ vị ọrịhị anị nị. Avaba ịzị Idevidi ọ̀ọ nọ, di Ẹnẹyịmavara aa mẹ ka òo huna ọnịvị anị.

2 Ịsamụwẹrị 8:6

Dị ọ kụ́ isoja anị hi ịzị Anarami nịnị vịdị vị ohinọyị anị ịnị ẹtẹ Ịdamasịkọsị nị. Di Anarami kụkụ vị ọrịhị Idevidi dị ẹ yaa tụ́ ịsa ẹtẹẹ yọ nị. Aha tụra aha oni Idevidi ọ̀ọ nọ, avọọ ọ màa nyị ehuna ọnịvị anị nị.

Ijoovu 17:9

Ịsa tụra ịsa enee tu ọnizẹyịza, vị́ ọnị aa jẹẹ gere-gere.

Ahẹ Ụgama 24:10

Ẹ̀nị ọnọọ vị kẹ, ana vị Ohinọyị ana nyị ụbanyị? Ẹnẹyịmavara Ochẹtẹẹngụ, ọnị ọ vị Ohinọyị ana nyị ụbanyị ọnọọ nị.

Ahẹ Ụgama 46:11

Ẹnẹyịmavara ana nyị ụkata vị ana sị ọtụ kà yị ịrẹma. Ohomorihi Ijekọvụ ee sere yi ka asị a nyị ịsị ẹ mẹ̀ yị nị.

Ahẹ Ụgama 46:7

Ẹnẹyịmavara Ochẹtẹẹngụ vị ana sị ọtụ kà yị ịrẹma Ohomorihi Ijekọvụ ee sere yi ka asị a nyị ịsị ẹ mẹ̀ yị nị.

Ụhịrẹyị 4:18

Ọnịrẹyịzẹyịza ọọ̄ ma hụrẹ ayịnẹ. Ẹhẹ anị ọ mā nyị ọjịrẹka.

Ayịsaya 9:7

Ụkata Ịjọva anị vị ana vaa hịrẹ ūna hu avọọ, Ẹngwọọrọ ọnị ọ vaa sị vẹ ọ ma vana ta pàá zịna-zịna. Ọnị ọ vaa vị ohinọyị dọ Idevidi ịrẹsụ nị. Ịzẹyịza ọnịrị ebira ana vọrọ ọ vaa sị sị ịjọva anịị jẹẹ pooro nị. Ẹnẹyịmavara Ochẹtẹẹngụ ọ sị ẹngụ tenyi ka avọọ ọnị maa mẹ̀ ẹ nị.

Ịhagayị 2:4

Ama dị Ẹnẹyịmavara, Ochẹtẹẹngụ ka yị Izerubabẹrị ọnịrị Ijosuwa ne beri avaba anẹkụra ka ẹ sị ayị za, dị ẹẹ mẹ̀ ụkọrọ ka ọnị vaa ya pe wa.

Iruuku 2:52

Ijeesu aa vịra, aa yẹ ịrẹyịị hu avọọ, ọ raa hụ. Ohomorihi ô sì ịrẹyị anị, aza eni ree sì ịrẹyị anịị hu avọọ bẹẹ.

Aniroomi 8:31

Sị ị kụkụ vaa kà booro aanị? Ohomorihi ọ̀ọ yà yị ịrẹma, ẹnẹ kụkụ zụ kwẹẹtẹ tù yi?

1 Ịsamụwẹrị 18:12

Dị angwa Idevidi kuku ee hi Ịsọọrụ nị; agụvị ka Ẹnẹyịmavara vị ana jẹẹ ịrẹma Idevidi. Di Idevidi si zwe huu ịda Ịsọọrụ nị.

1 Ịsamụwẹrị 18:14

Avaba ịsa ọnị Idevidi ọ̀ọ mẹ vi ene eē zoza ẹtẹẹtẹrẹ agụvị ka Ẹnẹyịmavara vị ana jẹẹ ịrẹma.

1 Ịsamụwẹrị 18:5

Avaba ịsị Ịsọọrụ ọ̀ọ ka Idevidi ọ̀ mẹ, avọọ ọ màa yịị mẹ̀ ẹ nị. Idevidi ộ yẹ ịrẹyị ẹtẹẹtẹrẹ agụvị avọọ dị Ịsọọrụ sị ọ mẹ ọga isoja anị nị. Avaba aza ệ dọ ka Idevidi a vọrọ ka ọ̀ vị ọga nị. Isoja Ịsọọrụ nyẹmba ệ dọ ka Idevidi avọrọ ka à sị mẹ ọga nị.