2 Ịsamụwẹrị 4:4 - IWE ỌNỊNỊ

⁴ Òóku Ijonatani ozi Ịsọọrụ ộ ma ozi ọnọrụ ọnya. Ozi ọnọọ vị ịrayị ẹẹhị ịnị ụmẹ ana a hụrẹ Ijezirẹẹrị va kà a ka Ịsọọrụ ọnịrị Ijonatani ê wusu. Dị ọnẹẹ ana si eyi pè e wụsẹ sị ọ ka eni èe zwe nị. Ọnẹẹ ọnọọ màa há eyi, di ozi ọnọọ hyẹdụ ana mẹ ka ahụ anị è sú nị. Ozi ọnọọ kụkụ vị ana vi oswahụ. Ịrẹha anị aā hị́ Imehwibọsẹtị nị.

2 Ịsamụwẹrị 4:4 ပူးပေါင်းရင်းမြစ်များ

2 Ịsamụwẹrị 21:7

Ohinọyị ọ yị zẹẹ ka à nyị ịsị ẹ kanyị Imehwibọsẹtị ozi Ijonatani ana vị ozi Ịsọọrụ, agụvị ka â nyị eku ẹnị ẹnịrị Idevidi ne beri Ijonatani ozi Ịsọọrụ a vịdị sị hí yị ẹngụ. Ẹnịnị ệ sị Ẹnẹyịmavara tẹ ivenu ini eku ọnọọ.

2 Ịsamụwẹrị 9:13

Imehwibọsẹtị vị ene si sú ahụ ẹyịva, ama dị ahịka Ijerusarẹmị ọ yà nị agụvị ka ọnịrị ohinọyị aa rị ịsa pooro nị.

2 Ịsamụwẹrị 9:3

Di Idevidi ohinọyị rẹ ka áá kụkụ yịị nyị ịpa Ịsọọrụ ana vọ ana vọrọ ka ọnị ọ̀ hụ agụvị Ohomorihi mẹ ayamva yị? Di Iziba ka, “Taarụ, aa nyị ozi Ijonatani ọnya ana yị yà ịzọọ, ama ahụ anị ẹyịva vi ene sú.”

2 Ịsamụwẹrị 9:6

Imehwibọsẹtị ozi Ijonatani ana vi ozi òokú Ịsọọrụ mè ve si tù Idevidi, di o kú ẹtẹ kụ́ ọ nị. Di Idevidi hị́ ọ ka Imehwibọsẹtị. Di Imehwibọsẹtị ka Taarụ.

1 Ohinọyị 11:17

A mẹ̀ vavọọ a wụ̀ aza, di Ihadadi ọnịrị Anedomi ẹnyị si zwe hụụ ịda ozi ahụ ada Ihadadi na ngụ Ijipiti nị. Ụmẹ ọnọọ Ihadadi vi ozweyi kiiki aanị.

1 Ịtọpa 8:34

Ijonatani ọ vị ada Imeribaari nị, dị Imeribaari ọnị ma Imika nị.

1 Ịtọpa 9:40

Ijonatani ọ vị ada Ịmẹribi-Ịbaarị, ana vị ada Imika nị.

1 Ịsamụwẹrị 29:1

Anihwirisiti nịnị ẹ raà kụ́ isoja ẹnịnị gụ tụ́ ịzị aā hị́ Ahwẹkị, dị Anisirẹrị ẹnị rẹ kụ́ udi ẹnịnị tụ́ ọgụrị ịkangga ana yà ịzị aā hị́ Ijezirẹẹrị nị.

1 Ịsamụwẹrị 29:11

Ẹnẹnẹ viri-viri, di Idevidi ọnịrị aza anị kwẹẹtẹ dị ẹ sị varẹma aa nọ ịnị ẹtẹ Anihwirisiti nị. Di Anihwirisiti ẹnị si hu aa nọ Ijezirẹẹrị nị.