2 Ịsamụwẹrị 4:11 - IWE ỌNỊNỊ

¹¹ Ẹwụ nịnị aza edivi ẹ va ngụ ini eehi ne tù aza ẹnẹ ẹ̀ yị nyị ịsị ẹ mẹ̀ wa wụ̀ ọ tụ́ ịnị ịbẹẹdị anị nịnị. Maa họ̀ wụ nịnị oponu anị, dị mị mụ̀ nịnị hụụnị ẹhẹ.”

2 Ịsamụwẹrị 4:11 ပူးပေါင်းရင်းမြစ်များ

Oyinyima 4:11

avọọ e si chì hi ọ. Ọ̀ọ kụ ịrịkụ, ẹtẹ ọ yị kụkụ vaa mẹ̀ ịsa yị ọ agụvị ka ọ sị ọyịnyara anị wụ̀ dị ọ dọ va hi ẹtẹ nị; vị ẹtẹ há irenu, dị ọ dọ anị nị.

Oyinyima 6:13

di Ohomorihi va kà a yị Inowa dị ọ ka, “Ọnị o si aro mẹ ka ọnị ee vú anẹhẹ ẹtẹ, agụvị ka ẹ raà kụ́ ebira ẹngụkata hi ịnị ẹhẹ. Ọ kà ọnị ee vú wa ẹtẹ ọnịrị avaba ịsa ene hi ịnị ẹhẹ.

Oyinyima 7:23

Avọọ Óhomorihi mẹ̀ kụ́ avaba ịsị ẹ nyị ụhwẹ hụrẹ ịrẹsụ ẹtẹ nị. Ọza, uye, ịsị eē tura ọnịrị inomi nịnị ene hi ẹbẹẹba vị ọnị ọ kụ́ hụụnị ẹhẹ piti-piti. Inowa kẹnẹ ọnịrị aza ọnịrị uye ọnị ọ kụ́ hi ịnị ẹpa ọnọọ ọ vọ nị.

2 Ịsamụwẹrị 16:8

Wa raà dọ Ịsọọrụ ohinọyị, dị wụ̀ avaba aza anị vaka nị. Ọnị Ẹnẹyịmavara aa sii họ̀ wụ aanị nị. Ẹnẹyịmavara ọ raà dọ wụ ịjọva ọnọọ yị Abịsarọmị ozi ewu. Ịrẹyị odivi ô tù wu ịrẹsụ agụvị ka ọwọza ụ vị nị.”

2 Ịsamụwẹrị 3:27

Abịna mẹ̀ vavọọ vavẹ va ngụ Ihebirọnị, di Ijowabi hị́ ọ nọ oboka ọnya ini oze ana va ngụ ẹkụra, dị ọ sị mẹ̀ ẹ ka vi ee sì ka ọnị ọ̀ kà ịrẹyị chire e ụtọ nị. E mè tù ịzọọ, di Ijowabi ne ụhwọ ọ ịrẹkụ dị ọ wụ̀ ọ. Avọọ Ijowabi mẹmẹ sí atọ ịrẹyị Asahẹrị ọyịnyara anị ana Abịna wụ nị.

2 Ịsamụwẹrị 3:39

Ịzẹyịza ẹmị a nyị mẹ ohinọyị ịnị ụmẹ ọnọnị nị, mẹ yị nyị ụkata. Ezi Izeruya ẹnịnị ẹ sị kata huna mị. Avaba aza ana aa mẹ̀ ịsa edivi aanị, Ẹnẹyịmavara ọ̀ navọ ò si wa atọ ịsa odivi ẹnị ẹ yaa mẹ.”

1 Ohinọyị 2:32

Ẹnẹyịmavara va họ̀ ọ oponu aza ọnị ọ wụ. Aza ẹnẹẹ ọnị ọ wụ̀ ọ vị ọnịzẹyịza, dị ẹ rẹ nyị ebira ozoza huna a nị. Ijowabi vị ana sị ụ̀hwọ̀ wụ̀ aza ẹnẹẹ, ama Idevidi ada amị ẹ yị yẹ. Aza ẹnẹẹ ọnị ọ vavọọ wụ ẹ vị Abịna ozi Ineri ana vị ọga isoja Anisirẹrị ọnịrị Amasa ozi Ijeteri ana vị ọga Isoja Anijuda.

Ahẹ Ụgama 109:15

Ẹnẹyịmavara, waa tamayị ịvị ẹnị ẹ mẹ, dị wa mẹ ka è hi ayị ẹnịnị ịnị ẹhẹ.

Ahẹ Ụgama 9:12

Ọza ọ̀ọ wụ̀ ọza, Ohomorihi ọọ̄ họ̀ ọ oponu nị. Ayị o mē hí ọ Àaa chamayịị yị ọza dị ọza ọnọọ nowu na za Ohomorihi nị. Ohomorihi vị ana aa ba ọza ọnọọ owu.

Ọyịkụra 21:12

“Ọza ọ̀ọ nya ọza ịsa, dị ọ wụ̀ ọ nị, vị a rẹ vaa wụ̀ ọza ọnọọ nị.

Ọyịkụra 9:15

Ẹnẹyịmavara kà Imosiisi ọ̀ rẹ kà a yọ ka ọnị yaanị nyẹngụ sị ụkụ za ọnịrị aza anị dị ọnị wụ̀ avaba ẹnịnị hụrẹ ẹhẹ.

Ụhịrẹyị 2:22

Ama Ohomorihi vị ene vee vu aza ana mẹ̀ ebira edivi ẹtẹ hụụnị ẹhẹ. Ọ́ vaa kụ wa hụrẹ ẹtẹ anka a mee hu avịị hụrẹ ẹtẹ avọọ nị.

Ụhịrẹyị 25:26

Ọnịzẹyịza anaa dọ yị ọza ọhịmị sị mẹ anka ikangga ọnị enyi anị ẹ yị rụra hu avọọ nị.

Ijeremaya 10:11

Kà ẹ yị wa nịnị ka, ori ẹnẹnị, ẹ yị vị ẹnị ọ mẹ ẹbẹẹba ọnịrị ẹhẹ ọnọnị. Ẹnịnị vị ene e vee vú ẹtẹ hụụnị ẹhẹ. Ọza, e me vene re wa ịnị ẹhẹ.

Ihabaku 1:12

Ihabaku ka Ẹnẹyịmavara ọ vị Ohomorihi hụrị ụmọrụmọ, ụmẹ ọbọba. Ẹ yị nyị ẹngụ anị. Ọnị ọ vị ịda ọnị ẹnị sị ịrẹma ka nị. Ẹ yị vaa zẹ ka ẹnị e vú ẹtẹ. Ộ sị Anibabironi nịnị ka ọnị ọ sị sị ụya rị ẹnị agụvị ebira odivi ẹnịnị nị.

Ihabaku 1:4

Ịzẹyịza ọ ta hụrẹ ẹtẹ. Aza ọhịmị ẹ kụkụ aa nyị ẹbẹẹba aza ọyịza nị. Aza ẹ yị kụkụ saasa ọda Ẹnẹyịmavara. Ọzọza vị ana mẹ̀ ịsa ene zee eyi kẹnẹ.

1 Ịjọọnụ 3:12

Asị ị mẹ̀ ebira anka ọza ana aā hị́ Ikeeni. Ikeeni vị ozi Echu, dị ọ za ọyịnyara anị dị ọ wụ̀ ọ nị. Sị ẹ vẹ dị ọ wụ̀ ọ? Agụvị ka avaba ịsa ọnị Ikeeni aa mẹ, vị ịsa edivi; ama ọyịnyara anị vị anaā mẹ ịzẹyịza.