2 Ịsamụwẹrị 3:3 - IWE ỌNỊNỊ

³ Ọgụ ọhụva Amịnọnị ọ rị Ikireyabi nị. Abigẹrị osoku Ịnabarị ana vị Anikamẹrị ọ ma ọnọọ yọ nị. Ọhụta ọ rị Abịsarọmị nị. Ọnyị Abịsarọmị ọ rị Imaaka nị, ana vị ozi ohinọyị Anigesuri ana aā hị́ Itarimayi.

2 Ịsamụwẹrị 3:3 ပူးပေါင်းရင်းမြစ်များ

2 Ịsamụwẹrị 13:1

Ụmẹ ọnya yà ịzọọ â nyị ozi Idevidi ọnọrụ ọnya aanị ana aā hị́ Abịsarọmị. Abịsarọmị ọnọọ ộ nyị ọyịnyara ọnya ana vị ọnẹẹ. Ịrẹha anị ọ rị Ịtama nị. Ô zoza ẹtẹẹtẹrẹ. O si kù ọnị ịrẹyị Idevidi ọnịrị Ịbatịsẹba mẹ dị ịrẹyị ọnị maa vaa kà aanị mẹ. A rẹ nyị ozi Idevidi ọsa ana aā hị́ Amịnọnị. Amịnọnị vị adẹnyara Ịtama, dị ọ nyayịnẹ sì ịrẹyị Ịtama nị.

2 Ịsamụwẹrị 14:23

Di Ijowabi kwẹẹtẹ di o si hu aa nọ Igesuri dị ọ na sị Abịsarọmị huu ịzọọ vẹ Ijerusarẹmị nị.

2 Ịsamụwẹrị 14:24

Ịjị Abịsarọmị vẹ, dị ohinọyị ka ọ̀ nọ ini eehi anị ka oni o yi sì ka ọnị ọ̀ sị eyi gẹrị ọ nị. Ịzẹyịza di Abịsarọmị si hu aa nọ ini eehi anị. Ohinọyị o yi si eyi gẹrị ọ.

2 Ịsamụwẹrị 14:32

Di Abịsarọmị tụ́ Ijowabi ohi dị ọ ka ọnị ộ tụ́ va hị́ ọ ka ò ve tù ọnị, dị ọnị ọ̀ tụ́ ọ hi ohinọyị. Ọ kà vị ọnị ka ọ̀ na họ̀ ohinọyị ka sị ọ sị ọnị hụrẹ Igesuri va mẹ ịzẹnị? Ọ kà ọnị ọ̀ọ yaanị yị yà ịzọọ ọ vana yaanị dà hi hu nị. Dị Abịsarọmị rẹ kà a yị Ijowabi ka oni ee sì ka ọnịrị ohinọyị ò re ẹngụ. Ọ kà ọnị ọ̀ọ rị ịvị ọ̀ wụ ọnị.

2 Ịsamụwẹrị 15:7

Ọ sị mẹ ịrayị ẹbẹẹba ana Abịsarọmị vavẹ Ijerusarẹmị. Ẹkụhị ọnya dị ọ va hị́ ohinọyị ka ọ̀ navọ ọnị ọ̀ nọ Ihebirọnị nị. Ọ kà â nyị ịzẹzẹ ọnị ọnị zẹẹ Ẹnẹyịmavara oni ee nee sị ọ.

2 Ịsamụwẹrị 15:8

Abịsarọmị ka, Taarụ, m mẹ̀ yà Igesuri ịnị ẹtẹ Aramị, mâ zẹẹ ịzẹzẹ ọnya. Mâ kà a ka àa vị ka Ẹnẹyịmavara ộ sị mị vavẹ Ijerusarẹmị, mị va naa kụ́ ọ avọ.

2 Ịsamụwẹrị 18:33

Ẹngụ ohinọyị ọ sị sụ ẹgahị ọ mẹ̀ vavọọ wụ́, di o zi oze ini ukere oze ịnị ẹkụra hịrẹ nọ ini eehi anị, di o nee sụ́ ùnè nị. Ó mèe sụ́ ùnè dị ọ ka, “Abịsarọmị ozi emi, oo! Abịsarọmị ozi emi, àa yẹ ahịka ẹmị ụvọta ọ yaanị maanị sú nị. Abịsarọmị oo, ozi emi oo!”

2 Ịsamụwẹrị 2:2

Ịzẹyịza di Idevidi kụ́ ese anị ẹyịva ana aā hị́ Ahinowamị ana vị Anijezirẹrị ne beri ọsa ana aā hị́ Abigẹrị ose òokú Ịnabarị ana vị Anikamẹrị di e si hu aa nọ Ihebirọnị nị.

1 Ohinọyị 1:6

Ada Adonija ộ yị maanị tụ́ ọ ohuvọ ẹkụhị ọnya da a mẹ̀ hụrẹ ma a, ka sị ẹ vẹ dị ọ maanị mẹ Adonija vị ana nyayịnẹ zoza, dị ahịka ọnị a ma tụra Isoromọnị nị.

1 Ohinọyị 2:15

Di Adonija ka, “Waa yẹ ka ẹma yaanị vị ohinọyị nị. Ẹmị avaba Anisirẹrị si eyi tụ́ ka ọ vaa vị ohinọyị nị. Ama ohinọyị ọnọọ ọ va sị para mi hu, dị ahịka adẹnyara amị ọ vana rị ọ nị. Mâ yẹ ka Ẹnẹyịmavara ọ vavọọ sì ọ nị.

1 Ịtọpa 3:1

Ezi ẹnẹnị a ma yị Idevidi ẹtẹ Ihebirọnị nị: ozi ịpaapa anị ọ vị Amịnọnị ọnị ose anị Ahinowamị maà yọ nị. Anijezirẹrị ose anị ọnọnị vị nị. Ozi ụpọhụva anị ọ vị Ịdanịyẹrị, ọnị ọnyị anị Abigẹrị vị Anikamẹrị nị.

1 Ịtọpa 3:2

Ozi ụpọhụta anị ọ vị Abusaromi nị. Ọnyị anị ọ rị Imaaka, ozi Itarimayi, ohinọyị ẹtẹ Ịgẹsịhọ̀ nị. Ọgwọhụna ọ rị Adonija nị. Ịrẹha ọnyị anị ọ rị Ihagiti nị.

Iwe Ọhụhị Imosiisi ana aa hị́ Ọyịvatụrọda 3:14

Abara Ija ana vị evere Ịmanasẹ ệ si avaba ẹtẹ Arigobi huu na ngụ ẹgẹ Igesu ọnịrị Imaakati. Ịzị ẹ̀ ra ịnị Ịbasanị anaā hi Ihavoti Ịjarị vị ẹnẹ ẹ̀ sị ịrẹha ada ẹnịnị Ịja yị. Avọọ a kụkụ aa hị́ ịzọọ pooro ve tụ́ ajịnị nị.

Ijosuwa 13:13

Ama Anisirẹrị nịnị ẹ yị dụ Anigesuri nịnị ọnịrị Animaaka nịnị hụụnị ẹtẹ ẹnịnị. Ẹnịnị vị ana ra chire Anisirẹrị ịnẹ pooro ve tu ajịnị.

1 Ịsamụwẹrị 25:3

Ịrẹha ọnọrụ ọnọọ ọ rị Ịnabarị nị. Di ose anị ọnị rị Abigẹrị nị. Abigẹrị oni ô zoza, avọọ ọ mẹ̀ rẹ yẹ ịrẹyị nị. Ama ọva anị ana vi Anịkarẹbị ọnị vị ọza kẹnẹ-kẹnẹ, dị ọ rẹ vị ọnọyịha nị.

1 Ịsamụwẹrị 25:42

Di Abigẹrị wụsẹ hịrẹ ịkẹrịkẹtẹ anị, di ezida anị ẹẹhị saasa a, dị ẹnịrị ezi ahụ Idevidi si hu aa na nị. Dị ọ na, dị ọ na vị ose Idevidi nị.

1 Ịsamụwẹrị 27:8

Ẹkụhị ọnya di Idevidi ọnịrị Igirizite ne beri Amarẹkị nị. Dị ẹ kụ́ ogu hụụ ịzọọ nị. Ịnị ịyẹẹyẹ, aza ẹnẹẹ vị ana ra na ngụ ịnị ẹtẹ Isuri ọnịrị Ijipiti.