2 Ịsamụwẹrị 3:25 - IWE ỌNỊNỊ

²⁵ Mee ro ka wẹ yị yẹ Abịna ozi Ineri ọnọọ? Vị ọ vẹ ka ọnị ò ve vene wu, dị ọnị ò re ụsẹ awụ ọ̀ọ́ mẹmẹ yà, dị ọnị ọ̀ yẹ avaba ịsị waa mẹ nọ.”

2 Ịsamụwẹrị 3:25 ပူးပေါင်းရင်းမြစ်များ

Oyinyima 42:12

Di Ijosẹẹhụ ka, “Ireche yọ, vị ẹ vẹ ka ẹnị è ve re ẹnya ịrẹkụ ẹnịnị mẹmẹ yà nị.”

Oyinyima 42:16

Dị ọ ka ọ Tụ́ ọza ịnyara ẹnịnị dị ọ̀ na sị ọhụva ẹnịnị ọnọọ vẹ dị ẹnịnị ana vọ ò hi ịnị ẹngwa ịzẹnị. Ọ kà ọnọọ ẹnị vaa sị zama ịrẹyị ẹnịnị re àa vị ịzẹyịza yọ nị. Ọ kà à yị vị avọọ, ọnị ộ sị ịrẹsụ ohinọyị hị́ eku tụ́ ọ ka vi e ve yi ẹtẹ ọnọnị re nị.”

Oyinyima 42:9

Di Ijosẹẹhụ raà tamayị ụra ọnị ọ vịdị ra ịyẹẹyẹ ini oze ẹnịnị nị. Dị ọ kà a yị wa dị ọ ka: Oyn ẹ vị nị. Ọ kà vị ẹ vẹ ka ẹnị è ve re ẹtẹ ọnọnị ẹnya ịrẹkụ ẹnịnị ọ̀ọ mẹmẹ yà nị.”

2 Ịsamụwẹrị 10:3

dị ọdọvịdị Anamọnị ne si tù Ihanuni ọga ẹnịnị dị ọ ka, “Taarụ, wáá yẹ ka aza oni Idevidi tụ́ ka ẹ̀ va kụ́ wụ aanị, ẹ yị vị ọ sị sị ụbanyị yị wụ? Wáá yẹ ka vị ọ tụ́ wa vẹ ka ẹ̀ va ngụ ịnị ẹtẹ ọnọnị di è re ẹtẹ mẹmẹ yà nị? Wáá yẹ ka vi eyee sì ka ẹnị ẹ̀ kụ́ ịrẹkụ va hụ́ yị nị?”

2 Ịsamụwẹrị 3:24

Di Ijowabi ve ne tù ohinọyị dị ọ ka, “Taarụ, sị ụ mẹ aanị? A ka Abịna ộ vẹ ịda awụ. Sị ẹ vẹ dị ụ naavọ ka ọ̀ọ na kẹnẹ? Wéē re ka vi o si hu aanị nị?

2 Ịsamụwẹrị 3:26

Di Ijowabi sị hụụ ịdị Idevidi nị. Dị ọ tụ́ ka à tụra Abịna ịrẹma na dị ahịka ụtọ ịkangga Isira a na saasa a, di a hị́ ọ vavẹ nị. Ama Idevidi ọnị ọ yị yẹ ka â vavọọ tụ́ na hị́ ọ.

2 Ịsamụwẹrị 3:27

Abịna mẹ̀ vavọọ vavẹ va ngụ Ihebirọnị, di Ijowabi hị́ ọ nọ oboka ọnya ini oze ana va ngụ ẹkụra, dị ọ sị mẹ̀ ẹ ka vi ee sì ka ọnị ọ̀ kà ịrẹyị chire e ụtọ nị. E mè tù ịzọọ, di Ijowabi ne ụhwọ ọ ịrẹkụ dị ọ wụ̀ ọ. Avọọ Ijowabi mẹmẹ sí atọ ịrẹyị Asahẹrị ọyịnyara anị ana Abịna wụ nị.

2 Ohinọyị 18:32

Ọ vavọọ vaa navọ wụ nịnị pooro naa ngụ Ịjị ohinọyị ọ̀ọ raa kụ wụ nịnị ne hi ẹtẹ ana si mẹẹ anka ẹtẹ awụ nịnị. Ịzọọ aa nyị ụbazị ịvayịnị ọnị ụ vaa sị mẹ eche nịnị, ọnịrị ayị ọnị ụ vaa sị mẹ ịbụrẹdị nịnị. Ẹtẹ ọnọọ ộ nyị ọchị orivi, angwẹ orivi, ọnịrị ẹhụ. Wàa mẹ ịsị ọ kà nịnị, we yi vee su, ama ụ vaa yara nịnị. Àsị u zẹẹ ka Ihezekaya ọ̀ kụ wụ nịnị nyeeyi, di u wee ro ka Ẹnẹyịmavara vaa dọ wụ nịnịị ha.

Ahẹ Ụgama 121:8

Wàa jịnẹ wàa ngụ eehi, Ẹnẹyịmavara vi ene vee sere wu hụrẹ ọyaanị pooro zịna-zịna.

Ayịsaya 37:28

Ẹnẹyịmavara kà, ama oni ộ yẹ avaba ịrẹyị awụ. Ọnị ộ yẹ ịsị ụụ̄ mẹ, ọnịrị ịzị ụụ̄ nọ, ọnị ộ yẹ ụ mẹmẹ aa kụ́ ayịị hi ọnị.

Ịrịka 27:17

Ọza ọnọọ ọ vaa kụ́ aza nọ ịrẹkụ agụvị asị aza anị sị mẹẹ anka atẹmẹ nịnị ẹnẹ ẹ yị nyị ọza ene sere e avọọ.

Ịjọọnụ 7:12

Dị aza tangwa aa kà ịrẹyị Ijeesu nyamaa nị. Aza ẹnyị ka ọza ọyịza ọ vị nị; aza ẹnyị ka eyiye, vi ee vene aza nị.

Ịjọọnụ 7:47

Dị Anihwarisi nịnị tụ́ ohi, dị ẹ ka, “Vị ọ́ọ́ rẹ sị ẹwụ nịnị vene bẹẹ nị?

Aniroomi 2:1

Ẹwụ nịnị ana aa mẹ̀ ọkarẹyị yị aza, ọza tụra ọza ọnị ụ wàa vị; ẹ yị kụkụ nyị ịsị u zụ re kụ́ nịnị. Ụ màa mẹ̀ ọkarẹyị yị ọza, wẹ yị yẹ ka ẹngụ awụ ụ waa mẹ̀ ọkarẹyị yị avọọ nịị! Agụvị ka ịsa ọnyọọnya ẹwụ rị ọọ aa mẹ nị.

Iwe Ọhụhị Imosiisi ana aa hị́ Ọyịvatụrọda 28:6

Wàa yà ini eehi, wàa yà ẹẹhẹ, ịsa tụra ịsa ọnị ụ wàa mẹ, vi o vee zee yị wụ nị.