2 Ịsamụwẹrị 3:14 - IWE ỌNỊNỊ

¹⁴ Di Idevidi ọnị rẹ tụ́ ezida anị hi Isibọsẹtị ozi Ịsọọrụ nị. Ọ kà èe tụ́ ịzọọ ẹ̀ kà a yọ ka ọ́ sị Imikari ose ọnị Idevidi va yị ọnị. Ọ kà Anihwirisiti ẹchẹhị ọnị wụ dị ọnị jị wa ụvẹvẹnẹ, dị ọnị kụ́ ụpa anị ọnị ọnị sị sị ụta ka ọnị ọ̀ nyị Imikari nị.

2 Ịsamụwẹrị 3:14 ပူးပေါင်းရင်းမြစ်များ

2 Ịsamụwẹrị 2:10

Isibọsẹtị vị ozi ịrayị ẹbẹẹva dị a vavọọ sị ọ rị ohinọyị Anisirẹrị, dị ahịka ịrayị ẹẹva ọ mẹ ohinọyị vị nị. Ama Anijuda ẹnị vị ana jẹẹ yi Idevidi.

2 Ịsamụwẹrị 3:15

Ịjọnọọ Imikari ọnị yà ịda ọva anị ana aā hị́ Iparitiyeri ana vi ozi Irayisi. Di Isibọsẹtị ka à na sị̀ Imikari hụụ ịda ọva anị ọnọọ nị.

2 Ịsamụwẹrị 6:16

Ápoti Ẹnẹyịmavara màa ngụ ịnị Ẹkụra Idevidi, di Imikari ozi Ịsọọrụ ana vị ọnẹẹ dà eyi gẹ ini ozokete, di ee re ẹtẹ nị. Di o re ka Idevidi ee ji iriga, aa nyị ẹzẹ ọ màa sị ụbanyịị yị Ẹnẹyịmavara nị. Di Imikari ee ro o ịnị ayị anị ka ọnịyẹyẹ Idevidi vị nị.

Imatiwu 1:18

Aanị a mẹmẹ ma Ijeesu Ohinọyị oni Ohomorihi nyị ka ọ̀ dọ aza há nị: Ijosẹẹhụ ộ nyị Imeri tụ́ oze ana vị ọnyị Ijeesu. Ama dị ẹ va nyị ẹngụ obooro, ô re ka Ụhwẹ ọnịnị ọ mẹ ka òo zyẹẹ.

1 Ịsamụwẹrị 18:25

Dị Ịsọọrụ ka ẹ̀ na kà a yi Idevidi dị ẹ̀ kà a ka, “Ohinọyị, o yi sì ẹkẹhị ịrẹsụ. Ịsị ee sì kẹnẹ ọ vị ka ọ̀ na wụ̀ Anihwirisiti ẹchẹhị, dị yẹrẹ ụpa ene ku wa aha enyisi, dị ọ̀ kụ ọ va yị ọnị. Ohinọyị ka avọọ oni mee sì ka oni ò si Anihwirisiti ana vị ọnịvị anị atọ nị.” Ịsị Ịsọọrụ ee sì ọ vị ka Anihwirisiti nịnị è re oze wụ Idevidi.

1 Ịsamụwẹrị 18:27

Idevidi ọnịrị isoja anị ệ jịnẹ dị ẹ na wụ̀ Anihwirisiti ịrẹka nị. Dị ọ yẹrẹ ụpa ene kú wa aha enyisi, dị ọ kụ́ avaba anị na yị ohinọyị ka oni ò re oze vị ọyẹ ohinọyị nị. Ịzẹyịza dị Ịsọọrụ sị Imikari ozi anị ana vị ọnẹẹ, dị ọ sị gà Idevidi nị.

1 Ịsamụwẹrị 25:44

Ịsọọrụ ọ raà dọ Idevidi ose anị ana aā hị́ Imikari ana vi ozi Ịsọọrụ, dị ọ sị na gà Iparitiyeri nị. Iparitiyeri vi ozi Irayisi ana vị Anigarimi.