2 Ịsamụwẹrị 24:25 - IWE ỌNỊNỊ

²⁵ Di Idevidi hi ụta ịsọvọ tụ́ ịzọọ yị Ẹnẹyịmavara, dị ọ mẹ̀ ịsọvọ ana aā rị ịra ọnịrị ịsọvọ ẹngwọọrọ ịzọọ nị. Dị Ẹnẹyịmavara va wụ́ ịpẹ agụvị ẹtẹ ọnọọ dị ọ za ụkụ ọnọọ jẹẹ kwooze yị Anisirẹrị nị.

2 Ịsamụwẹrị 24:25 ပူးပေါင်းရင်းမြစ်များ

Oyinyima 12:7

Di Ohomorihi ve tù Abụramị ịzọọ dị ọ kà a yọ ka Ezi anị ịrẹma-ịrẹma ọnị vaa sị ẹtẹ ọnọnịị yị nị. Di Abụramị hi mẹ aha ịsọvọ tụ́ ịzọọ yị Ẹnẹyịmavara ene ne tù ọ ịzọọ nị.

Oyinyima 22:9

Ịjị e tù ịzị Ohomorihi kà yị Abụrahamị, dị Abụrahamị mẹ aha ụta ịsọvọ ọnya tụ́ ịzọọ nị. Dị ọ tụ́ ọkụ ọnọọ hi ọ, dị ọ sị Ayiziiki ozi anị dị ọ sụ́ ọ dị ọ sị ọ tụra ụta ọnọọ nị.

Oyinyima 8:20

Inowa mẹ̀ sị jịnẹ tụ́ ẹhẹ, dị ọ mẹ aha ịsọvọ yị Ẹnẹyịmavara nị. Dị ọ sị ịnị avaba uye ana rụra mẹ̀ ịsọvọ ọnịrị inomi ana rụra mẹ̀ ịsọvọ, dị ọ sị wa mẹ̀ ịsọvọ, dị ọ rị wa ịra ịrẹsụ aha ịsọvọ ọnọọ nị.

2 Ịsamụwẹrị 21:14

Di Idevidi ne ne ẹchụkụ Ịsọọrụ ọnịrị Ijonatani ozi anị ịnị ikuta Ikisi ada Ịsọọrụ ana ya Izera ịnị ẹtẹ Ịbẹnjamịnị nị. Ịjị ẹ sị avaba ịsa oni ohinọyị ka ẹ̀ mẹ mẹ, di Ohomorihi va wụ́ ịnị ịpẹ tụ́ ịrẹsụ ẹtẹ ọnọọ nị.

2 Ịsamụwẹrị 24:14

Di Idevidi tụ́ Igadi ohi dị ọ ka ịrẹyị ẹnẹnị vị ana kata ọnị ẹngụ ẹnẹmẹhị. Ọ kà ọọ sị chọmọ, Ẹnẹyịmavara ọnị ụvọta ọ̀ kụkụ vana tana ụvọ za ọnị. Ọ kà ọnị ộ yẹ ka ọọ̄ vayị ọza ẹtẹẹtẹrẹ ọ ka oni o yi sì ka ahịka ọza ọ tana ụvọ za ọnị nị.

1 Ohinọyị 1:1

Ịnị ụmẹ ọnya ohinọyị ana aā hị́ Idevidi ọ sị vịra ẹtẹẹtẹrẹ, ộ ta bo. Ahị aa za a, ịta kẹnẹ ẹ yị kú ọ ahị.

Ezikẹẹrị 16:42

Ịjọnọọ, ayị anị vee hunẹnẹ, dị ọnị ẹ́ yị kụkụ kụ ayị. Ọnị ẹ́ yị kụkụ vaa kụ ayị, ọnị ẹ́ ma rẹ vana hụvị awụ nịnị kụ ụhị.

Ịrịka 17:13

Ọza tụra ọza anaa ka pe ajẹngụ Ẹnẹyịmavara vị enee su. Ịzẹyịza avaba ẹnịnị wéé su ha nị kẹ?

Ọdọvịdị 21:4

Ịnị ẹnẹnẹ eyinẹhẹ anị dị Anisirẹrị kwẹẹtẹ dị ẹ hi ụta ọyị rị ịsa ịsọvọ ịra nị, dị ẹ mẹ̀ ịsọvọ ọnị ẹ rịra saaka-saaka hi Ohomorihi nị.

Ọdọvịdị 6:24

Dị Igidiyọnị hì ụta tụ ịzọọ yị Ẹnẹyịmavara, dị ọ hị́ ọ Ẹnẹyịmavara Ẹngwọọrọ.

1 Ịsamụwẹrị 13:9

Dị Ịsọọrụ ka à sị ịsa ịsọvọ anaā rị ịra ọnịrị ịsa ịsọvọ ene e duduu rị vẹ nị. Dị Ịsọọrụ ka à mẹ̀ ịsọvọ anaā rị ịra nị.

1 Ịsamụwẹrị 14:35

Dị Ịsọọrụ kụkụ hi ụta aha ịsọvọ tụ́ ịzọọ nị. Ịpaapa ọnị ọ vavọọ ee vee hi ụta ọ vị ọnọọ nị.

1 Ịsamụwẹrị 7:17

Ọ̀ọ sị ọ zị gẹ ẹtẹ dị ọ va varẹma nọ Iraama ịzị e ve eehi anị. Òo re tù ịzọọ dị ọ rẹ mẹ̀ ọkarẹyị yị Anisirẹrị nịnị. Ịsamụwẹrị ô hi ụta tụ́ Iraama ịzị ọ yàa mẹ ịsọvọọ yị Ẹnẹyịmavara.

1 Ịsamụwẹrị 7:9

Dị Ịsamụwẹrị va si ozi atẹmẹ ọnya aanị ana ahịka ộ yi jị ịrẹva, dị ọ wụ̀ ọ, dị ọ rị avaba anị ịra yị Ẹnẹyịmavara nị. Ịjị ọ vavọọ sị ọ mẹ, di o ve nowu na za Ẹnẹyịmavara kà ọ̀ navọ ọ̀ ba Anisirẹrị owu nị. Ịzẹyịza dị Ẹnẹyịmavara ba wa owu nị.