2 Ịsamụwẹrị 24:16 - IWE ỌNỊNỊ

¹⁶ Ịjị anggẹẹrị ana aa wụ̀ ọza tù Ijerusarẹmị, dị ọ za ụvọ jẹẹ nị. Dị Ẹnẹyịmavara jesi ayị hụụnị ịrẹyị odivi ọnị ọ kụ́ tù aza ẹnẹẹ nị. Dị Ẹnẹyịmavara kà a yị anggẹẹrị ana aa wụ̀ ọza dị ọ ka ọ̀ za ụvọ jẹẹ asị ọ kụkụ wụ̀ wa nị. Ịjọnọọ anggẹẹrị ọnọọ ọ sị tù aha ọnya aanị ịzị a yàa tụ́ ayị, ọnọrụ ana aā hị́ Arawuna ana vị Anijebusi ọ nyị ịzọọ nị.

2 Ịsamụwẹrị 24:16 ပူးပေါင်းရင်းမြစ်များ

Oyinyima 10:16

Anijebusi, Anamọrị, Anigirigasi,

Oyinyima 6:6

Di ọ ka àa yẹ asị ọnị mẹ̀ ọza vẹ ẹhẹ. Ộ zị ọ ẹtẹẹtẹrẹ ka ọnị ộ mẹ̀ ọza.

2 Ịsamụwẹrị 24:18

Ịhị ọnọọ dị Igadi ne tù Idevidi dị ọ ka ọ̀ kwẹẹtẹ dị ọ̀ na mẹ ụta ịsọvọ tụ́ ayị avọọ.

2 Ịsamụwẹrị 5:8

Ịhị oni Idevidi maanị kụ́ ịrẹkụ na rị aanị, dị ọ ka ọza ana àa wụ Anijebusi, ọ̀ tụ́ wa ụvọ wọrọ ọba ịzị enyi eē zii sìi hi ẹtẹ. Ọ kà ẹẹmẹ ẹnẹẹ ana sị mẹẹ ogu eyi ọnịrị oswahụ avọọ vị ọnị ọnị Idevidi nyị ịhyẹrẹ anị. Agụvị avọọ a sịị̄ kà a ka, “Ogu eyi ọnịrị oswahụ ẹ yị vaa ngụ ini irehi Ẹnẹyịmavara.”

1 Ohinọyị 19:4

di Erija ọnị si hu aa nọ ịnị ọpaapara nị. Ộ zị gọdọ ịnị ọpaapara ọnọọ tù ẹhụ ụsẹ ẹkụhị ọnya avọọ. O mè ne si tù iruvo ọchị ọnya aanị ana aā hi irotemi, dị ọ yaayịtẹ iruvo ọchị ọnọọ, dị ọ ka à kà ka oni ò sú nị. Dị ọ kà, “Ẹnẹyịmavara, ọsọnị ọ sị vị ẹnẹmẹhị, navọ wa sị ụhwẹ amị. Vị ẹmị wéé vene zoza huna ohiku amị nịnị nị?”

2 Ohinọyị 19:35

Ịrahụ ịhị ọnọọ anggẹẹrị Ẹnẹyịmavara ọnya, ộ nọ udi Anasiriya nịnị, dị ọ wụ̀ isoja akawụ-akawụ oze ẹnarẹwụ tụra ẹẹva beri akahị (185,000) nị. Etumeyọnị eyinẹhẹ anị, dị avaba ẹnịnị vavọọ su vẹẹrẹ hi ẹtẹ nị.

1 Ịtọpa 1:14

Ikenani ọ rẹ vị ohiku Anijebusi nịnị, Anaamori nịnị Anigirigasi nịnị nị.

2 Ịtọpa 3:1

Isoromọnị ô nyima aa da irehi Ohomorihi tụ́ ịrẹsụ ataba Ịmọrịya ana ya Ijerusarẹmị ịzị Ẹnẹyịmavara vịdị ya sị ẹngụ zụ Idevidi ada Isoromọnị. Idevidi ộ nyị ịzị ụkọ Arawuna Anijebusi ọnị ịrẹha ọsa rị Ọnanị ya ka aa da irehi ọnọọ tụ ịzọọ.

2 Ịtọpa 32:21

Ịzẹyịza, dị Ohomorihi tụ́ anggẹẹrị ana na wụ̀ isoja ọnịrị ọdọvịdị Anasiriya nịnị ha nị. Ịjị Isenakeribi vavọọ re e, dị ọ sị ụhị-ụhị varẹma na eehi anị nị. Ẹkụhị ọnya, ọ mẹ ya ịnị irehi ori anị, dị ezi anị ẹnyị sị ụhwọ, dị ẹ wụ̀ ọ nị.

Ahẹ Ụgama 135:14

Ẹnẹyịmavara vaa vayị aza anị, dị ọ vụ́ ịrẹvụ yị wa.

Ahẹ Ụgama 35:6

Navọ wa kụ́ ịrẹyị odivi tù wa, dị ọsịrị ọ̀ọ kụ́ wa, dị anggẹẹrị awụ ọ̀ọ và ịsaa hi wa ẹngụ dị ẹ̀ẹ hyẹdụụ vàa hi ẹtẹ.

Ahẹ Ụgama 78:38

Ama Ohomorihi ọ vị vayị ẹnịnị, dị ọ vagu wa ini ebira odivi ẹnị ẹ yaa mẹ nị. Ọ yị wụ̀ avaba ẹnịnị ha. Ụpẹ ọsa ụpẹ ọsa Ohomorihi sii nyị isuuru nị ọ mà zẹẹ ka ọnị ọ̀ kụ́ ayị tù ịzị eyi za a ne tù.

Ahẹ Ụgama 90:13

Ẹnẹyịmavara, navọ de, wa nyị isuuru. Aanị ụ wáá mẹ̀ vaa kụ́ ayị pooro nị? Navọ wa vayị ezi ahụ awụ.

Ọyịkụra 12:13

Dị ọ rẹ ka eni e che sẹ́ oze irehi ẹnị ẹ vaa vị apọtẹrẹwa tụ́ ọ. Ọ kà ọnị o re ọnọọ dị ọnị para wa hu. Ka ẹ yị nyị ụkụ ana vaa kanyị wa ịjị ọnị àaa tana ụvọọ za Anijipiti.

Ọyịkụra 12:23

Ọ kà ịjị Ẹnẹyịmavara aa ngụ Ijipiti di aa wụ ozi ọzọkụ ẹnịnị nị, o vee re ọnọọ ini ihweremi oze ẹyịva ọnịrị ịnị ọbana oze, dị ọ para oze ọnọọ hu. Ọ kà ọ yị vaa zẹẹ ka ọwọza ọnọọ ọ̀ ngụ ini eehi na wụ̀ ọza.

Ọyịkụra 32:14

Ịzẹyịza dị Ẹnẹyịmavara varẹma ro o, dị ọ̀ yị va zẹẹ ka ịrẹyị odivi ò tù aza ẹnẹẹ anka ọ mẹ̀ vịdị yaanị mẹ nị.

Ọyịkụra 9:28

Dị ọ ka aarịhịnị Imosiisi ọ̀ dá ịpẹ yị Ẹnẹyịmavara kà opomi ọnịrị ata orihi ọnọnị ô zee ọgọnị. Ọ kà ọnị aa hụrẹ wa ụvọ ka ẹ̀ẹ na. Ọ kà asị ẹ kụkụ yà ịzọọ.

Ayịsaya 27:8

Ẹnẹyịmavara ộ mẹ̀ ka ịrẹkụ ọ̀ va kụ́ aza anị. Anka opomi ọbanyị mẹ̀ẹ tụ́ hụrẹ oze ọnị ọyịị̄ zị̄ị vẹ avọọ, avọọ Ẹnẹyịmavara mẹ̀ jị ayị dụ aza anị jịnẹ nị.

Ayịsaya 57:16

Ẹma mẹ ka aza amị yàra nị; mẹ yị maanị vaa kà a pooro ka ệ mẹ divi nịnị, à vị ka ma maanị kụ́ ayịị hi wa pooro. Agụvị ka aza ẹnẹnị gẹdẹ-gẹdẹ ọnị mẹ ka ẹ̀ yàra aanị, vị ene vee su eyi amị.

Ijeremaya 26:19

Ihezekaya ohinọyị Ijuda ọnịrị Anịjuda nịnị ẹ́ yị hụvị avọọ wụ ọ. Ama Ihezekaya ô hí angwa Ẹnẹyịmavara dị ọ dá ịpẹ yọ nị. Ịzẹyịza Ẹnẹyịmavara ộ và hụụnị avaba ụya ọnị ọ ka ọnị aa sịị rị wa. Ẹ ka, vị ẹnị aa vaa kụ ẹngụkata odivi tù ẹngụ ẹnịnị aanị nị ọ.

Ijeremaya 42:10

wàa dọ di ụ yà ịnị ẹtẹ ọnọnị nịnị nị, ọnị vaa mẹ ka waa yara nịnị, ọnị ẹ́ yị vaa gara wụ nịnị. Ọnị vaa hị́ wụ nịnị, ọnị é yi vee hu wu nịnịị hụrẹ ẹtẹ. Ọ kà ụya ọnị ọnị sị rị wụ nịnị aanị, ô du ọnị ayị.

Emọsị 7:3

Dị Ẹnẹyịmavara kà ẹ yị vavọọ vaa ya. Dị ọ va ahụ vẹ ịrẹma nị.

Emọsị 7:6

Dị Ẹnẹyịmavara va hụ ịnị ịsa ọnị ọ ka ọnị a mẹ wa nị, dị ọ ka ooho nị.

Ihabaku 3:2

Dị ọ ka ọnị ọ wụ́ ịtọpa ịsị ẹbanyị-ẹbanyị ọnị Ẹnẹyịmavara mẹ̀ ịnị ịyẹẹyẹ, di o hi ọnị irenu nị. Dị ọ da ịpẹ ka ọ navọ ọ rẹ mẹ̀ yị ẹnị ịnị ụmẹ ẹnịnị anka ọ mẹẹ mẹ̀ ịyẹẹyẹ, dị ọ sị ụkata anị dọ ẹnịnị tụ́. Aarịhịnị ọ va hụụnị ọyịkụ anị, dị ọ vayị ẹnịnị.

Ịzakaraya 9:7

Ẹnẹyịmavara kà ọnị vaa dọ wa uye anya-anya hụrẹ wa irenu agụvị ka ịsa enyisi ẹ yaa rị nị. Aza ana ha vaa vị ya ịnị aza anị anka ịrẹsụ ọnya ịnị Ijuda. Ekironi vaa sị mẹ anka Ijebu avọọ nị.

Ịmaakị 14:41

Ijeesu ộ vavẹ ụpẹ ọhụta, dị ọ ka, “Ụ waa yịị sụ ara nịnị, dị ụ raa tụ́ ụhwọ́ nịnị nịị? Ô ze! Ụmẹ o si tù; re, aa vaa sị ẹmị Ozi ọza onigirimaa chire ọnịvị amị nịnị ụvọ.

Odeyi 12:23

Obooboro ọnọọ, dị anggẹẹrị Ohomorihi nya Ịhẹrọdị ịsa zẹtẹ nị, agụvị ka ọ yị sị ụbanyị yị Ohomorihi. Dị ikukurumi vẹ, dị ẹ rị ọọ, di o sú nị.

1 Anịkọrịntị 10:10

Asị ị rẹ na rị ihuhu anka ẹnyị ẹnịnị! Dị anggẹẹrị anaā wụ̀ ọza wụ̀ wa và ha nị.

2 Anịkọrịntị 2:6

Ụya ana aza ọrụrụ-ọrụrụ awụ nịnị sị rị ẹngụ ọza ọnọọ, ộ hyakụ hụ ịsị ọ hụ.

Ijosuwa 15:63

Ama Anijuda nịnị ẹ rẹ va nyẹngụ dụ Anijebusi nịnị; ọnị ọ mẹ̀ ka Anijebusi nịnị ẹ̀ ra beri Anijuda pooro tu ajịnị hi Ijerusarẹmị nị.

Ọdọvịdị 1:21

Ama Anịbẹnjamịnị nịnị ẹ rẹ vaa zụ dụ Anijebusi nịnị ana ra Ijerusarẹmị. Agụvị avọọ ẹnịnị ra vabẹ ịzọọ pooro ve tu ajịnị nị.

Ọdọvịdị 19:11

Ịjị ẹ naa gụrị Ijebusi na ẹkụhị ọ da zị, ozida anị ọ ka yị ọga anị ka ọ vẹ dị ẹnị echi ẹkụra Anijebusi dị ẹnị ẹ sụ ne ẹhẹ ịzọọ.

1 Ịsamụwẹrị 15:11

“Ộ zị mị ẹngụ ka mâ sị Ịsọọrụ rị ohinọyị. Ộ raà vara ayị anị tu mị. Ộ yị mẹ ịsị mị ka ọ̀ na mẹ.” Ịrẹyị ọnọọ ô du Ịsamụwẹrị ayị, dị ahịka vi o ji orere pooro hi Ẹnẹyịmavara ẹngụ ịrahụ ọyịvụrụ nị.