2 Ịsamụwẹrị 24:14 - IWE ỌNỊNỊ

¹⁴ Di Idevidi tụ́ Igadi ohi dị ọ ka ịrẹyị ẹnẹnị vị ana kata ọnị ẹngụ ẹnẹmẹhị. Ọ kà ọọ sị chọmọ, Ẹnẹyịmavara ọnị ụvọta ọ̀ kụkụ vana tana ụvọ za ọnị. Ọ kà ọnị ộ yẹ ka ọọ̄ vayị ọza ẹtẹẹtẹrẹ ọ ka oni o yi sì ka ahịka ọza ọ tana ụvọ za ọnị nị.

2 Ịsamụwẹrị 24:14 ပူးပေါင်းရင်းမြစ်များ

2 Ịsamụwẹrị 9:8

Di Imehwibọsẹtị tana tụra ẹtẹ dị ọ ka, “Taarụ, ẹ́mị oku irezi ọnọnị, sị mị vị ọnị ụ maanị si re?”

2 Ohinọyị 6:15

Ẹnẹnẹ eyinẹhẹ anị, ozi ahụ Erisa mẹ̀ ha, dị ọ jịnẹ tụ ẹhẹ hụụnị eehi nị. Ô re ka isoja Anisiriya nịnị beri umaata ọnịrị ịkẹkẹ-ịrẹkụ ẹnịnị ệ họ̀ kara ẹkụra nị. O mè re e, dị ọ ka, “Nda o! Sị ẹnị ẹ̀ẹ mẹ aanị?”

1 Ịtọpa 21:13

Idevidi ộ kà a yị Ịgaadị ka, ịrẹyị ọbanyị o tu ọnị aanị nọ. Ọ̀ navọ Ẹnẹyịmavara ụvọta ọ̀ sị ụya rị ọnị. Ọnị ộ yẹ ka ọọ̄ vayị ọza ẹtẹẹtẹrẹ. À sị ọ zẹẹ ka aza rị ẹyịrẹsụ ẹ̀ sị ụya rị ọnị.

Ahẹ Ụgama 119:156

Ẹnẹyịmavara, ụụ̄ vayị ọza ẹtẹẹtẹrẹ. Navọ wa vayị amị, dị wa dọ mi tụ́ dị asị mi sú.

Ahẹ Ụgama 130:4

Ama ẹwụ vị ana aa vagu ọza ana àa mẹ̀ ebira odivi, avọọ aza sịị̄ nyị angwahi awụ nị.

Ahẹ Ụgama 130:7

Ẹwụ nịnị Anisirẹrị, sị ayị tụra Ẹnẹyịmavara nịnị. Ẹnẹyịmavara vi ene ee sì ịrẹyị ọza pooro ọ mā tụ́ ọ, vi o sii sì ka ọnị ọ̀ọ dọ ọzaa tụ nị.

Ahẹ Ụgama 145:9

Ẹnẹyịmavara vị ana aa mẹ̀ ịsa ozozaa yị avaba aza. Avaba ọza ọnị ọ mẹ vị ọnị ọọ̄ vayị anị.

Ahẹ Ụgama 51:1

Ohomorihi, aarịhịnị kwogwo, navọ wa vayị amị Mâ yẹ ka avọọ u mè sii sì ịrẹyị ọza pooro, dị ụ rẹ vị ayamva nị Navọ kwogwo we nyee ebira odivi amị ọnọnị kwooze.

Ahẹ Ụgama 86:15

Ẹnẹyịmavara, Ohomorihi anaā vayị ọza ụ vị nị, vị ụụ ngụ ayị ọza nị, wẹ mā hụra kụ́ ayị, wâ nyị ịzẹyịza, avọọ ụ mẹ̀ rẹẹ̄ vayị ọza nị.

Ahẹ Ụgama 86:5

Ẹnẹyịmavara, ịsa ozoza ụụ̄ mẹ, dị ụụ̄ rẹẹ vagu ọza nị. Avaba aza ana aa mẹ̀ aduwaa hi wụ vị oni ụụ̄ sì ịrẹyị anị.

Ụhịrẹyị 12:10

Ọza obooro vị ana a tẹsị ịsụpa anị ama ọza ọhịmị vị ana chamayị yị wa.

Ayịsaya 47:6

Ayị ộ kụ́ mị tu aza amị; mâ mẹ̀ ebira hi wa anka vị ẹ̀ yị vị aza amị ẹ kụkụ vị nị. Mâ sị wa chire wụ ụvọ, dị wẹ̀ yị vayị ẹnịnị vụrụ-vụrụ nị. Azọkụ ẹnịnị vị ọnị ụ hyakụ tụ́ ọkẹẹkẹrẹ ana rata.

Ayịsaya 55:7

Navọ ọza ọhịmị ọ và hụụnị ẹhẹ odivi anị, dị ọza odivi ọ̀ và hụụnị aro odivi anị. Navọ ẹnịnị ẹ̀ và ka Ẹnẹyịmavara vẹ ka ọ vaa vayị ẹnịnị. Ẹnịnị ẹ̀ và ka Ohomorihi ayị vẹ, ka ọ vaa vaa gu wa ẹtẹẹtẹrẹ.

Ijeremaya 39:17

Ẹnẹyịmavara kà, ama, ọnị vaa dọ ụ ha. Ọza ẹ́ yị vaa sị ụ chire aza ọnị wee hí angwa anị aanị ụvọ.

Arụwẹ 3:22

Ẹnẹyịmavara vị enee sì ịrẹyị ọza pooro, dị ẹ yị zá ụvọ jẹẹ, ayamva anị ẹ mā nyị ẹzẹtẹ.

Ịdanịyẹrị 9:9

Dị ọnị rẹ kà, dị ẹnị daka yị sị ịvị mẹ hi Ananyị yị ana vị Ohomorihi ẹnịnị aanị, ọnị ọọ̄ vayị aza dị ọ rẹẹ̄ vagu aza nị.

Ijona 4:2

Dị ọ mẹ̀ aduwa hị́ Ẹnẹyịmavara, dị ọ ka; taarụ Ẹnẹyịmavara! Á vị ịsị ọnị ọnị vịdị kà ka ọ vaa mẹ dị ọnị va hụrị ẹkụra anị yịị? Agụvị avọọ ọnị vịdị zwe nọ Itasisii agụvị ka ọnị ọ yẹ ka ẹwụ Ohomorihi vị ọza anaā vayị ọza. Wẹ yị mā hụra kụ ayị, dị ọọ̄ ngwayị ọza ẹtẹẹtẹrẹ, dị ọọ̄ vaa hụụnị ụya ọnị ọ̀ọ ka ọnị a sịị rị ọza nị.

Imika 7:18

Ẹwụ Ohomorihi o, ẹ yị nyị ịsa ọnị ọza zụ si juwe awụ. Aza awụ ana vọ ana mẹ akụvị, dị ẹnịnị rị ịvị awụ Ẹngụ aza ẹnịnị, Ohomorihi, ẹwaa vagu wa. Wẹ mā kụ́ ayị pooro, ẹwụ vi ene eē sì ka wa vayị ọza.

Imika 7:19

Mâ yẹ ka ụ vaa vayị ayị, dị ụ mẹ ka asị ịvị huna ayị Ụ vaa kụ́ ịvị ayị na và hị́ adagu, idi u hí ayị anị

Ịzakaraya 1:15

Ọnị nyayịnẹ ee du ayị hi anẹkụra nịnị ana vọ ene ro ka ẹnị ẹ nyị ẹngwọọrọ. Ọnị vị ana kụ́ ayị chee hi aza anị dị ẹnịnị sị ụya rị wa hu avọọ nị.

Ịjọọnụ 12:27

Dị Ijeesu rẹ ka, “Ayị amị o si du booro aanị. Sị mị vaa kà? M máá vaa kà a ka Ada amị ọ̀ sị ịrẹyị ọnọnị hụrẹ mị ịrẹsụ nị? Ama agụvị avọọ mị sị vẹ ẹhẹ nị.

Anihwiripi 1:23

Ịrẹyị ẹyịva vị ene ee tura mị ị zị oze eyi ẹnyị eyi ọsa. Ama ịsị mee sì ọ vị ka ma hụụnị ẹhẹ ọnọnị, dị ị ma na yà ịdị Ikirisiti nị; ọnọọ ọ vị ene zoza hu nị.

1 Ịsamụwẹrị 13:6

Ịjị Anisirẹrị re ka ịrẹyị ọkatẹngụ ộ vẹ, dị ọnịvị ee vee huna isoja ẹnịnị, di e si zwe na te ịnị ụtẹha ọnịrị ịnị ẹchịchị nị. Aza ẹnyị vị ene zwe na tẹ̀ ịnị anaha ịrẹta ọnịrị imisi.