2 Ịsamụwẹrị 24:10 - IWE ỌNỊNỊ

¹⁰ A mẹ̀ vavọọ sị aza ẹnẹẹ za ịrịka kẹnẹ, dị ayị Idevidi mẹ kì nị. Dị Idevidi kà a yị Ẹnẹyịmavara dị ọ ka, “Ogwoo, Ma sị akụvị ọbanyị mẹ ịnị ịrẹyị ọnị mị mẹ aanị. Aarịhịnị Ẹnẹyịmavara navọ wa vagu mị ka ma sị ụra odivi mẹ ịnị ịrẹyị ọnị mị mẹ aanị.”

2 Ịsamụwẹrị 24:10 ပူးပေါင်းရင်းမြစ်များ

2 Ịsamụwẹrị 12:13

Di Idevidi kà a yị Inatanị dị ọ ka, “Ma sị ebira odivi mẹ hi Ẹnẹyịmavara.” Di Inatanị tụ́ Idevidi ohi dị ọ ka, “Ẹnẹyịmavara ọ raà jị eyi vee hụụnị ebira odivi ọnị ụ mẹ. We yi kuku vee sú.

2 Ịsamụwẹrị 24:17

Idevidi mè re anggẹẹrị anaā wụ̀ ọza, dị ọ kà a yị Ẹnẹyịmavara dị ọ ka, “Te, ịzẹyịza ẹma mẹ̀ akụvị, ẹma mẹ̀ ebira odivi nị. Ama ịrẹyị ọọhẹ aa rị aza ẹnẹnị ana aa rị ụya aanị nị. Navọ wa va eyi ka ẹmị ịnya kẹnẹ ne beri ovwoovu amị.”

1 Ohinọyị 8:35

“Aza awụ ẹ zụ mẹ̀ ịsa odivi, di u kú ihinẹba oku ka asị orihi kụkụ zụ̀. Ẹnịnị ẹ̀ẹ và eyi kà ịzẹnị dị ẹ mẹ̀ aduwa nị, dị ẹ dọ ka ẹwa vị Ohomorihi nị, dị ẹ vara hụụnị ebira odivi ẹnị ẹ yaa mẹ nị,

1 Ịtọpa 21:7

Ohomorihi ộ sị ụya rị Anisirẹrị nịnị agụvị ka ayị anị o yi hine tụ ịnị ịsa ẹnẹ ẹ́ mẹ aanị.

1 Ịtọpa 21:8

Dị Idevidi kà a yị Ohomorihi ka, ịvị ọbanyị ọnị rị ịnị ịsa ọnị mẹ aanị nọ. Aarịhịnị ọ̀ vagu ọnị, agụvị ka ọnị ọ sị ụra mẹ.

2 Ịtọpa 16:9

Ẹnẹyịmavara vị ana nyayịnẹ si eyi pe ẹhẹ agụvị dị ọ sị ụkata yị aza ana sị avaba ayị ẹnịnị yọ. Ama ẹwa sị ụra ọdẹngụ mẹ. Hụrẹ ụmẹ ọnọnị na, u vaa kụ́ ịrẹkụ pooro nị.

2 Ịtọpa 32:26

Ịjị Ihezekaya ọnịrị Anijerusarẹmị ro ịnẹ, dị ẹ ka ẹngụ ẹnịnị chi, dị Ẹnẹyịmavara ẹ yị kụkụ sị ụya rị wa pooro dị Ihezekaya ve su nị.

Ijoovu 7:21

Sị ẹ vẹ dị ụ wẹ yị vagu ịvị ọnị mẹ yị mị, dị ụ wa sị ebira ọhịmị amị kwooze? Ẹ yị nyị aa jẹẹ aanị dị a sị mị ne chire ẹtẹ; u kuku vee sì mị, ịjị ọnọọ mi si hu.

Ahẹ Ụgama 32:5

Di mi ve nyima dị maa kụ́ irenu amị nị ka mâ rị ịvị mẹ yị kụkụ dà ịvị amị ọnyọọnyị tẹ Ẹnẹyịmavara, mị ka maa dọ irenuu wụ ka mâ rị ịvị M mẹ̀ vavọọ dọ irenu, dị ụ vagu mị ịnị ịvị ọnị mị rị nị.

Ọyịkụra 10:16

Di Ihwarawo ụsẹ tụ́ na hị́ Imosiisi ọnịrị Eerọnị dị ọ ka ọnị ọ sị ebira odivi mẹ hi Ẹnẹyịmavara ana vi Ohomorihi. Ọ kà avọọ ọnị mẹ̀ rẹ mẹ̀ ebira odivi hi Imosiisi nịnị bẹẹ ị.

Ụhịrẹyị 28:13

Ẹ yị ve zoza yị ọza anaa jị oku ku ịvị anị, ama ọza anaa dọ irenu ịvị anị dị ọ va hụụnị anị, vị ọnị Ẹnẹyịmavaraā vayị anị.

Ihoseya 14:2

Ộ kà ẹnịnị ẹ dà ịpẹ, dị ẹ vaka Ẹnẹyịmavara na. Ẹ dà ịpẹ ẹvagu avaba ebira odivi ịvị ẹnịnị, dị ọ dọ wa agụvị dị ẹnịnị ẹ zụ ga a.

Ijowẹrị 2:12

Ẹnẹyịmavara kà booro aanị, ẹ sị ayị ọnya ro ịnẹ hụụnị ebira odivi ẹnịnị, dị ẹ va ka ọnị vẹ. Ẹnịnị ẹ va ẹngụ hi, dị ẹẹ jị òrèrè, asị ẹẹ rị ịsa.

Ịrịka 12:11

dị aa da ịpẹ yị Imosiisi nị. Dị ọ ka, Kwoogwo Ananyị mị, asị ụ sị ụya rị yị agụvị ụra ọnị ị mẹ̀.

Ịmaakị 7:22

dị ẹ rẹ yaa mẹ eyọhụrẹ ọnịrị ebira odivi, dị ẹyaa mẹ apẹ, dị ẹ rẹ yaa mẹ̀ ebira kẹnẹ-kẹnẹ, dị ẹyaa mẹ ụra.

Ịjọọnụ 1:29

Eyinẹhẹ anị, Ịjọọnụ ô re Ijeesu, ọ màa vẹ ịdị anị. Dị ịjọọnụ ka, “Wee re Ozi Atẹmẹ Ohomorihi ana a vaa sị mẹ̀ ịsọvọ dị ọ̀ kụ̀ ịvị anẹhẹ kwooze!

Ịjọọnụ 8:9

Ịjị ẹnịnị vavọọ wụ́, di e nyima hụụnị ọzọkụ ẹnịnị, dị ẹyaa tụ̀ ọnya-ọnya nị. Dị ọ kụkụ sị vọ Ijeesu ọnịnya beri ọnẹẹ ọnọọ ana yị jẹẹ ọvịdị anị nị.

Iwe Ọhụhị Imosiisi ana aa hị́ Ọyịvatụrọda 32:6

Ẹwụ nịnị ọnụra ẹnẹ ẹ yị yẹ ịrẹyị, Aanị ụ mẹ vee sị Ẹnẹyịmavara ụta nị? Aa vị ọnị ọ vị ada awụ nịnị, dị ọ tụ́ wụ nịnị vẹ ẹhẹ? Ọnị ọ vara awụ nịnị ẹkụra nị.

Ịtayịtọsị 3:3

Yáa yẹ ka ẹyị nyẹmba vịdị vị ọnụra, dị ị rẹ vị anakamawụ, di e reè vene yi nị. Dị yaa hẹkẹ ịsa edivi ọnị ọchẹngụ ayịị̄ sì, dị ị rẹ dụ ọda ụbanyị ẹhẹ ọnọnị ọyịmẹ̀ nị. Ịị̄ vịdịị mẹ̀ ebira edivi, dị yaa mẹ eyọhụrẹ, dị yaa kụ́ ayị aza, dị ị hyakụ aa kụ́ ayị ẹngụ bẹẹ nị.

1 Ịjọọnụ 1:9

Ama yàa dọ irenu ịvị ayị, Ọ vaa vagu yị ịnị ịvị ayị, dị ọ nyịna yị, dị ị nị hụụnị avaba ịsa odivi. Agụvị ka ọ́ọ nyị ịzẹyịza, a zụ sị ayị tụra a.

1 Ịsamụwẹrị 13:13

Dị Ịsamụwẹrị kà yị Ịsọọrụ ka, “Wáá yẹ ka ebira ụra ụ mẹ̀ aanị nị? We yi si eyi pè ọda ọnị Ẹnẹyịmavara ana vị Ohomorihi awụ mẹ wụ. Wàa yaanị sị eyi pè ọda anị, ẹwụrị ịpa awụ ọ yaanị aa rị Ohinọyị Anisirẹrị pooro nị.

1 Ịsamụwẹrị 24:5

Idevidi mẹ̀ vavọọ sị ụtọ awuru Ịsọọrụ dà, dị ayị anị jị pèé nị.

1 Ịsamụwẹrị 24:6

Di Idevidi va kà a yị aza anị dị ọ kà, “Ẹnẹyịmavara ọ yị vaa zẹẹ ka ọnị ọ̀ sị ụvọ anị kanyị ọza ọnị ọ nyị ka ọ̀ vị ohinọyị. Ọnị ọ yị nyayịnẹ vavọọ mẹ̀ ebira hi ọga anị.”

1 Ịsamụwẹrị 26:21

Dị Ịsọọrụ ka ọnị ọ sị ebira odivi mẹ. Ọ kà “Idevidi ozi emi, navọ wa vavẹ ịda amị. Ẹwa ka asị mi sú ajịnị nị. Ẹ yị nyị ịsị mị kụkụ aa sịị mẹ wụ. Ma sị ụra mẹ, me reè nyeeyi baaba.”