2 Ịsamụwẹrị 24:1 - IWE ỌNỊNỊ

¹ Ịnị ụmẹ ọnya Ẹnẹyịmavara raa kụ́ ayị tu Anisirẹrị. Dị ọ kụ́ ọ hi Idevidi ayị dị ọ ka ọ̀ kwẹẹtẹ dị ọ̀ na za Anisirẹrị ọnịrị Anijuda ịrịka nị.

2 Ịsamụwẹrị 24:1 ပူးပေါင်းရင်းမြစ်များ

Oyinyima 45:5

Ọ kà aarịhịnị ẹ̀ và ayị ẹnịnị nẹtẹ. Asị ẹ na tụ́ ẹngụ ohuvọ ẹngụ ka wâ ná ọnị tụ́ ịzẹnị nịnị. Ọ kà Ohomorihi ọ tụ́ ọnị dọ ọvịdị ẹnịnị vẹ ịzẹnị ka ọnị ọ̀ va dọ aza ha nị.

Oyinyima 50:20

Dị ọ rẹ ka ẹnịnị vi ene ro ka ọnị ẹ̀ mẹ̀ ọnị ịrẹyị ọhịmị nịnị, ama Ohomorihi ọ sị ọ vara ọyịza. Ọnị ọ mẹ ka aza ọrụrụ-ọrụrụ ẹ zụ ha aanị nị;

2 Ịsamụwẹrị 12:11

Ẹnẹyịmavara kà ini eehi awụ ọnị vaa sị azaa hụrẹ ana vaa kụ́ ẹngụkataa tù wu nị. Ọ kà ini eyi awụ ọnị maanị vaa kụ́ ese ewu dị ọnị kụ́ wa yị aza ana gụrị ẹwụ dị ọnịrị wa aa sụ́ ụmẹ ọọdụ gaaga nị.

2 Ịsamụwẹrị 16:10

Di ohinọyị ka, “Ẹwụ nịnị ezi Izeruya, ẹ yị nyị ụvọ amị rị ịnị ọnọọ o. Àa vị Ẹnẹyịmavara ọ kà a ka ọ̀ọ kụ̀ mị ụhụ dị aa kụ̀ mị ụhụ nị, ẹnị ẹ họ̀ ọ ka sị ẹ vẹ?”

2 Ohinọyị 3:6

Obooro ọnọọ, ohinọyị Ijorami ộ hụrẹ Ịsamarịya, dị ọ kụ avaba isoja anị gụ nị.

1 Ịtọpa 21:1

 nyị ụmẹ ọnya ọnị Echu sì ka ọnị ọ̀ kụ ẹngụkata tu Anisirẹrị nịnị. Dị ọ mẹ ka Idevidi ọ̀ kà a ka à za aza ịrịka nị.

1 Ịtọpa 7:2

Itora ộ ma ezi ọnọrụ ịhịnọnyị ana aā hị́ Uzi, Irehwaya, Ijeriyẹrị, Ijamayi, Ibisami, ọnịrị Ịsẹmụwẹrị. Ẹnị ẹ vị ohirẹsụ Ovwoovu-ovwoovu ezi Itora nị. Isoja ana ngụrẹyị ẹnịnị vị nị. Ụmẹ ọnị Idevidi sị vị ohinọyị, ezi ẹnịnị ệ gụ akawụ-akawụ oze ẹwụrọnya tụra akata (22,600).

1 Ịtọpa 7:40

Avaba aza ẹnẹnị vị evere ezi Aseri. Ẹnịnị ẹ vị ohirẹsụ-ohirẹsụ Ovwoovu-ovwoovu ẹnịnị nị; dị ẹ vị isoja ọkọọka nị. Ọdọvịdị obooro-obooro ẹ vị nị. Ịnị ẹnị ezi Aseri, ẹnị akawụ-akawụ oze ẹwụrẹta ẹ yà ịnị isoja nị.

2 Ịtọpa 32:25

Ka Ihezekaya ộ sị ẹngụ tụ ẹba, ẹ yị kụ̀ Ẹnẹyịmavara avọ ịnị ịsa ọnị ọ mẹ yọ. Agụvị avọọ, Ẹnẹyịmavara sị ụya rị ọnịrị Anijuda beri Anijerusarẹmị rị ụya anị.

Ọyịkụra 7:3

Dị Ẹnẹyịmavara kà ama ọnị vaa mẹ ka ayị Ihwarawo ọ̀ katẹngụ. Ọnị ọ̀ọ daka mẹ̀ ụkọrọ ịvọpa irenyi-irenyi ịnị ẹtẹ Ijipiti.

Ezikẹẹrị 14:9

Àa nyị ọnịsẹ ene e vene dị o tụ́ ohi ẹnẹ ẹ̀ yị vị ịzẹyịza nị, ọnị Ẹnẹyịmavara o vene e nị. Ọnị vee vu ọnịsẹ ọnọọ ẹtẹ hụụnị akakana aza anị Anisirẹrị nịnị.

Ezikẹẹrị 20:25

Ọnị ộ hụrẹ wa ụvọ ka ẹ naa saasa ọda kẹnẹ-kẹnẹ ẹnẹ ẹẹ yị vaa mẹ ka ẹnịnị ẹ̀ yara.

Ireevi 10:6

Dị Imosiisi kà a yị Eerọnị ọnịrị ezi anị ana aa hị́ Eriyaza ọnịrị Ịtama ka, asị ẹ hụ̀ agụvị ka ẹnị aa zị ẹngụ aza ene zụ, dị ẹ̀ navọ ẹyịrẹsụ ẹnịnị dị à si e che e o. À sị̀ hụ̀ agụvị avọọ na awuru hi ẹngụ ẹnịnị ẹngụ bẹẹ. Ọ kà ẹnịnị ẹ̀ẹ vavọọ mẹ, vị eyee su nị, dị Ẹnẹyịmavara kụ ayị hi avaba ẹnị ịragụ nị. Ama anda ẹnịnị Anisirẹrị ana vọ, ẹ́ nyẹngụ aa zị ẹngụ aza ọnị Ẹnẹyịmavara sị ịra wụ aanị.

Ịrịka 1:19

Imosiisi vị ana za wa ịrịka anka Ẹnẹyịmavara mẹẹ mẹ̀ ọda yị ọ.

Odeyi 4:28

Ệ gẹ ka ẹnị ẹ̀ mẹ̀ ịsa ẹnẹ ẹwụ vịdị sị ọọ kà ịnị ụkata awụ ọnịrị u mè sì ọ ka ọ vaa mẹ.

2 Anịtẹsaronika 2:11

Agụvị avọọ dị Ohomorihi tụ́ ịsị ẹẹ̄ sị ọzaa nyeeyi saka-saka, agụvị dị ẹ̀ kụkụụ dọ ịrẹyị ireche kẹnẹẹ wụ́ nị.

Ọdọvịdị 2:14

Ebira odivi ẹnịnị, dị Ẹnẹyịmavara kụ ayị dị ọ hụrẹ wa ụvọ yị ọnịvị ẹnịnị, dị ẹ kụ wa ẹnya nị. Dị ọ navọ wa chire ọnịvị ẹnịnị ụvọ ka ẹ nyị ẹbẹẹba ẹnịnị dị asị ẹ zụ sị ụvọ jị nị.

Ọdọvịdị 2:20

Agụvị avọọ, Ẹnẹyịmavara ộ kụ ayị hi Anisirẹrị nịnị ka ẹ ra sị ahụ jịnẹ ọda eku ọnị ọnịrị ohiku hị́ yị ẹngụ. Ẹnịnị ẹ yị wụ́ ịrẹyị anị.

1 Ịsamụwẹrị 26:19

Taarụ ohinọyị, navọ wa wụ́ ịrẹyị amị. Àa vị Ẹnẹyịmavara ọ ka waa dụ mị nị, ọ̀ navọ ọ̀ dọ ịsọvọ ọnị maa sịị da ịpẹ. Àa vị aza ẹ maanị aa tụ́ wụ́ ịrẹyị nị, Ẹnẹyịmavara ọ yị vaa zẹẹ ka ò zoza yị aza ẹnẹẹ. Ẹ sị mị dụ hụụ ịda aza Ẹnẹyịmavara, ẹ ka ma kụkụ naa hẹkẹ ori.