2 Ịsamụwẹrị 23:6 - IWE ỌNỊNỊ

⁶ Vị aza edivi sị mẹẹ ikeyi ene e ne ta avọọ nị. Wẹ yị nyayịnẹ sị ụvọ osusu kanyị ẹngụ aza ẹnẹẹ o!

2 Ịsamụwẹrị 23:6 ပူးပေါင်းရင်းမြစ်များ

Oyinyima 3:18

Ọ kà ikeyi ọnịrị ịrarẹ ẹzụ ikeyi ó vee hi nị. Di ahịka vi o vee re osiye dị ọ̀ va rị ịsa nị.

2 Ịsamụwẹrị 20:1

 nyị ọnọrụ odivi ọnya ana yà Igirigari ọnị ịrẹha anị rị Ịsẹba. Ozi Ibikiri ana vị Anịbẹnjamịnị ọ vị nị. Di ọ na sị ọpanyị, di ee hú ọ dị ọ ka, “Ẹ yị nyị ẹyịrị Idevidi rị o! Ọza o yi rò yị tụ́ ini ịrẹyị Idevidi ozi Ijeese. Ẹwụ nịnị Anisirẹrị, ọzọza ọ̀ sị oze udi anị.”

Ahẹ Isoromọnị 2:2

Anka ododo zoza mẹ yà ịnị akakana ikeyi avọọ, avọọ ọnẹẹ ọnị mị sì ịrẹyị anị hu aanị mẹ yà ịnị akakana ọnyẹnẹẹ ana vọ nị.

Ayịsaya 27:4

Ayị ụbazị amị ọ yị kụkụ kụ́ mị ama mèe re ikeyi ịnị anị ana vọrọ ka ẹmịrịị ọ̀ kụ̀ ịrẹkụ, dị mị rị ikeyi ẹnẹẹ ịra va ha.

Ayịsaya 33:12

Ẹnẹyịmavara kà aza ẹnẹẹ vị ana vaa rị ịra dị ẹ sụ atịtọ. Ọ kà ẹnịnị vị ana vaa rị ịraa vàa ha anka avị ana a sẹ hi ẹtẹ avọọ.

Ezikẹẹrị 2:6

Ẹnẹyịmavara kà, ama, ọnị ozi-ọza, asị ọnị hí angwa ẹnịnị o. A sị ọnị hí angwa ịsa tụra ịsa ọnị ẹẹ ka ẹnịị kà. Ọ kà ẹnịnị vaa sị eyii wụ̀ ọnị, dị ẹnịnị ẹ yị sị ụbanyị yị ọnị; vị́ ọ́ vaa sị mẹẹ anka ọza oo rere ra ịnị akakana iku nịnị avọọ nị. Asị ọnị hí angwa aza ẹnẹẹ anaa kụ̀ụ hịrẹ ọza avọọ. Asị ọnị hí angwa ịsa tụra ịsa ẹẹ ka ẹnịị ka.

Imika 7:4

Ana dahi hu ịnị ẹnịnị ê divi huna ikeyi Ọnịsẹ ệ vịdị kà wụ nịnị ọ̀nọ̀ ịhyọọ ka a vaa nyị ịrẹyị. Ịrẹyị ọnọọ ọ vẹ, o, ewee họ̀ use ka ụ mẹ̀ vaa zị.

Ịnahụmị 1:10

Ọnịvị Ẹnẹyịmavara sị mẹẹ anka aza ọnị eche hu ẹtẹ tịtẹ avọọ. Ị vaa rị ịra anka igegenechi ọnịrị avị ọyịwụ̀ mẹẹ rị ịra avọọ.

Imatiwu 13:41

Ẹmị Ozi ọza onigirima vaa tụ́ anggẹẹrị amị nịnị jịnẹ, dị ẹ tọ̀ọ́ avaba ịsa anaā mẹ ka ọza ọ̀ mẹ ịvịị ọnịrị avaba aza ana vọ anaā mẹ̀ ịsa edivi hụụnị aza oni Ohomorihi aa mẹ ịjọvaa tụra.

Iwe Ọhụhị Imosiisi ana aa hị́ Ọyịvatụrọda 13:13

ka aza kẹnẹ ẹnyị ịnị awụ nịnị ẹ raà kụ aza nyeeyi na hẹkẹ ori nịnị ẹnị wẹ yị mā hẹkẹ vịdị vẹ.

1 Ịsamụwẹrị 2:12

Ezi Eri vị ana aa mẹ̀ ebira odivi. Ẹnịnị ẹ yị hị́ ịrẹyị Ẹnẹyịmavara ịrẹyị.

1 Ịsamụwẹrị 25:17

Ro o ịsị wàa zụ mẹ tụ́ ịnị ịrẹyị ọnọnị agụvị ka ịrẹyị odivi, tụra ọga ayị ọnịrị aneehi anị ịrẹsụ. Wâ yẹ ka ọga ayị vị ọza odivi, ọza ọ mā zụ kà ịrẹyịị yọ.”