2 Ịsamụwẹrị 23:5 - IWE ỌNỊNỊ

⁵ Ịnị eyi Ohomorihi, avọọ irehi amị mẹ̀ yà. Ịsị ọ ka ọnị vaa mẹẹ mị ọnị ọ mā vara pooro zịna. Avaba

2 Ịsamụwẹrị 23:5 ပူးပေါင်းရင်းမြစ်များ

Oyinyima 9:16

Ịjị ọgazị ọ̀ọ hụrẹ tụ́ ịnị eguhi, ọnị vee re e dị ọnị tamayị ọkatịtẹ anị zịna-zịna ọnị ọnị Ohomorihi pè avaba ịsị ẹ nyị ụhwẹ ene hi ẹhẹ ka.”

2 Ịsamụwẹrị 12:10

Yẹ oo, ka ịrẹkụ ọ mā vana ta hụụnị eehi awụ pooro. Ẹnẹyịmavara kà wâ sị eyi wụ ọnị dị ụ na dọ Uriya Anihiti ose anị dị ụ nyị ọ nị.

2 Ịsamụwẹrị 13:14

Ama Amịnọnị o yi sì ka ọnị ọ̀ wụ́ ịrẹyị ọnị Ịtama aa kà. Ộ yẹ ka ọnị ộ kata hu Ịtama, dị ọ sị ụkata za a dị o pè e sụ nị.

2 Ịsamụwẹrị 13:28

Abịsarọmị ọ sị ọ kà yị aza anị ka è batọ. Ọ kà èe re ka Amịnọnị ọ sị eche hú dị ịnẹ anị ee hine nị, ọnị vaa kà a yị wa ka ẹ̀ và ịsa hị́ ọ ẹngụ, dị ẹ̀ wụ ọ. Ọ kà asị e hí angwa ka ọnị ọnọnị ọ kà a ka ẹ̀ vavọọ mẹ nị. Ọ kà ẹ̀ nyị ọtụtụrụma, asị angwa hi wa.

2 Ịsamụwẹrị 18:14

Di Ijowabi ka ọnị ọ yị vavọọ zụ jẹẹ zi ọ pooro. Dị ọ sị ọha ẹẹta, dị ọ kà wa ngụ Abịsarọmị ịrachị ọ mẹ̀ vavọọ zù ọ gẹ ọchị ireyi-ireyi nị.

2 Ịsamụwẹrị 7:12

Kà a ka ịhị ẹkụhị amị ọ̀ọ sị gụ dị ọ sị hụrẹ ẹhẹ nị, mị vaa si ozi anịị dọ ọ ịrẹsụ. Kà a ka ozi anị ụvọta ozi ọnọọ vaa vị nị, dị mị mẹ ka ohinọyị ọnị ọ rị ọ̀ nyị ahụ jẹẹ.

2 Ịsamụwẹrị 7:18

Di Idevidi ngụ ajẹngụ na, dị ọ na yaayịtẹ pè Ẹnẹyịmavara dị ọ ka Ẹnẹyịmavara Ochẹtẹẹngụ, sị mị vị ana vị da? Sị aneehi amị vị ọnị ụ maanị nyayịnẹ mẹ ọyịza yị?

1 Ohinọyị 1:5

A va nyị ọza ịnya aanị ana aā hị́ Adonija ana vi ozi Ihagiti. Dị ọ kwẹẹtẹ di ee wo otoo zi dị ọ ka ọnị ọ vaa rị ohinọyị nị. Di o tenyi ịkẹkẹ umaata, ọnịrị umaata nịnị, dị aza ẹnị ẹvarẹwụ tụra wa, ene ee zwe dọ ọvịdị anị nị.

1 Ohinọyị 11:38

Ọ kà ama ẹwàa wụ́ avaba ịrẹyị ọnị ọnị mẹ ọda anị wụ, di ewu ee hu ahụ ọnị ọnị sì nị, dị waa mẹ̀ ebira ana vọrọ ini eyi anị nị, dị ụ raa mẹ avaba ịrẹyị ọnị ọnị kà anka Idevidi ozi ahụ anị mẹ̀ mẹ nị, ọ ka ọnị vaa yàa pè wu. Ọ kà ọnị vaa mẹ ka ịpa awụ ọ̀ rị ohinọyị gọdọ anka ọnị mẹ mẹ̀ ẹ yị Idevidi. Ọ rẹ ka ẹwụ ọnị vaa sị Anisirẹrị yị nị.

1 Ohinọyị 12:14

anka ọpa ezweyi mè pè e juwe. Dị ọ ka, “Ada amị ộ sị ẹnya ọrata tụra wụ nịnị, ẹmị vị ana vaa dà tụ́ ịnị ẹnya ọnọọ. Ada amị ộ rẹ ịjapa tụ́ wụ nịnị, ama ẹmị vị ana vaa si iku che wu nịnị.”

Ahẹ Ụgama 111:9

Ộ dọ aza anị tụ́, ịrẹyị ọnị ọ ka ọnị vaa mẹ vị ana jị jẹẹ pooro zịna-zịna, nyị ẹngụ Ohomorihi, dị ọ rẹ nyị ụkata nị.

Ahẹ Ụgama 119:81

Ẹnẹyịmavara, o si kù ọnị mị hụrẹ ee zi wu eyi ka wa va dọ mị tụ́ mê zi wu pooro, mee vee sú.

Ahẹ Ụgama 27:4

Ịsị mee sì ọnị maa dá ịpẹ ka Ẹnẹyịmavara ọ̀ mẹ mị! Ọ vị ka ma zụ yà ini eehi anị pooro ịnị avaba ẹhẹ amị Màa vavọọ yà ini eehi anị di mee re ụbanyị anị. Mee sì ka maa yà ini irehi anịị mẹ̀ aduwa pooro.

Ahẹ Ụgama 62:2

Ọnị kẹnẹ ee sere mị nị Mị ka ọnị aa dọ mịị tụ́ nị, ọ yị zẹẹ ka à nyị ịsị ẹ kanyị mị Mâ yẹ ka ẹ yị nyị ịsị e zụ zizi mị.

Ahẹ Ụgama 89:3

Ụ ka wa raà kà a ka â nyị ịsị ụ vaa mẹẹ yị ọza ọnị ụ sị nyị, wâ vavọọ raà hị́ eku yi Idevidi ana vị ozi ahụ awụ.

Ayịsaya 11:1

Irima ovwoovu Idevidi ana vị ozi Ijeese vị ana sị mẹẹ anka ọchị ana a ma, di igugu anị yị yà ịnị ẹtẹ avọọ. Anka igugu mẹ̀ẹ varẹma ha dị aa tụ́ avọọ, avọọ ọza ịnya mẹ vaa chịị hụụnị ovwoovu Idevidi dị ọ rị ohinọyị nị.

Ayịsaya 27:6

Ụmẹ ọnya aa vẹ dị Anisirẹrị nịnị ana vị ezi Ijekọvụ nyị ahụ hị́ ẹtẹ ẹtẹẹtẹrẹ. Ẹnịnị vaa yárá, dị ẹ ngụ ịrẹyị tụ́ avaba ẹhẹ.

Ayịsaya 4:2

Ụmẹ ọnya aa vẹ ịhị ọnọọ Ẹnẹyịmavara vaa mẹ ka ọchị ana yà ịnị ẹtẹ ọnọọ ọ̀ há avọ ọnya aanị. Avọ ọnọọ vee zoza dị ọ nyị ụbanyị. Ẹtụtụ ana avọ́ ọchị ọnọọ vaa tụ́ ịnị ẹtẹ ọnọọ vaa mẹ ka Anisirẹrị ana ha ẹ̀ sịị mẹ ụbanyị dị ẹ̀ẹ sịị jẹ ịrajẹ.

Ayịsaya 54:10

Ataba ẹbanyị ọnịrị ataba eweyi e zụ wú va hi ẹtẹ, ama ẹmị vee sì ịrẹyị awụ pooro. Oto oni mi wo ka ụ vaa nyị ẹngwọọrọ vaa jẹẹ pooro. Ẹnẹyịmavara ene sì ịrẹyị awụ ọ kà avọọ nị.

Ayịsaya 55:3

Ẹwụ nịnị aza amị ọ̀ sị ụtọ pe ẹtẹ, dị ụ wa ká mị vẹ nịnị. Ká mị vẹ nịnị, ka ụ vaa yàra nịnị. Mi vee wo otoo yị wụ nịnị ọnị mị vaa mẹ pooro. Ize ọnị mị wo oto anị yị Idevidi, mị vaa sịị yị wụ nịnị.

Ayịsaya 61:8

Ẹnẹyịmavara kà a, oni o sì ịrẹyị ịzẹyịza, dị ọnị nyị ịhyẹrẹ àko ọnịrị ebira odivi. Ọnị vaa sị ịzẹyịza si aza anị ụta ụya ọnị ẹ rị Ọnị vee wo oto ẹnẹ ẹ yị nyị ẹhwị yị wa

Ayịsaya 7:14

Ananyị yị ọnị ụvọta vaa sị apọtẹrẹwa ọnya yị wụ dị wa yẹ ka ịrẹyị ẹnẹnị vị ịzẹyịza. Ozwoorihi ọnya vee zyẹẹ, dị ọ ma ozi ọnọrụ ọnya aanị. Ẹmanụwẹrị ụ vaa hị́ ịrẹha anị nị.

Ijeremaya 32:40

Ẹnẹyịmavara kà, oto ọnị ọnị vee woo yị wa ẹ́ yị vaa nyị ẹzẹtẹ. Ọnị vị ana vaa mẹ ọyịzaa yị wa pooro, ọnị vaa mẹ ka ẹnịnị ee hí angwa nị, dị à sị ẹnịnị kụkụ va ịrẹma anị.

Ijeremaya 33:21

Ịjọnọọ a vaa zụ kụ ịzẹzẹ ọnị ọnị zẹẹ yị Idevidi ozi ahụ anị kwooze dị ezi anị ẹ́ yị kụkụ rị ohinọyị nị. Ịjọnọọ á rẹ vaa zụụ kụ ịzẹzẹ ọnị ọnị zẹẹ yị Anireevi kwooze ka, asị ẹ́ kụkụ vị ohirẹsụ irehi Ohomorihi nị.

Ezikẹẹrị 37:26

Ọnị vaa hị́ eku yị wa ka, ẹngwọọrọ ọ́ vaa vịị yị wa pooro zịna nị. Ọnị vaa mẹ ka ò zé yị wa, dị ẹyaa rụrụụ hu avọọ. Ọnị vaa dà irehi anịị tụ ịnị ẹtẹ ẹnịnị, dị ọ kụkụ yà ịzọọ pooro zịna.

Emọsị 9:11

Ẹnẹyịmavara kà ụmẹ aa vẹ ọnị vaa varẹma tenyi ẹkụra Idevidi ene du. Ọ kà ọnị vee tenyi eburu irehi anị ene wú. Ọnị vee tenyi ọ̀ da, anka ọ mẹ vịdị yaa ịyẹẹyẹ

Odeyi 13:34

Ini oze ka Ohomorihi ộ ha a kwẹẹtẹ hụụnị isu, ka o mē vene kuku sú, Ohomorihi ộ kà a ka: ‘Mị vaa sị ẹyịza yị wụ nịnị. Mâ vịdị raà kà a yị Idevidi ka ẹ yị zụ nyị ka mẹ yị vaa sịị yị wụ nịnị.’

Anihiburu 13:20

Ohomorihi ọọ̄ sị ẹngwọọrọ yị ọza nị. Ọ raà mẹ ka Ijeesu Ananyị yị ọ̀ ha hụụnị isu. Ijeesu ọnọọ ọ vị ọza ana sị eyi pe aza anị ẹtẹẹtẹrẹ nị. Ộ sị anya anị sị ụvọ tụ́ ịnị oto ana yà pooro zịna-zịna.

Anihiburu 6:19

Ịsa ọnị ị sị eyi tụra, ọ za ayị ayị jẹẹ geri-geri nị. Agụvị avọọ, ọyịtureyi ayị ọ́ọ para ịzị a sị ịsa jị hu na huuu na ngụ aha ọnịnị keekere.

1 Ịsamụwẹrị 2:35

Ohomorihi ka â nyị ọza ẹnẹsa ọnị ọnị vaa nyị ka ọ̀ vi ohirẹsụ irehi anị. Ọza ọnọọ vaa sị ayị ọnyaa mẹ̀ ụkọrọ ọnọọ. Avaba ịsa oni Ohomorihi òo sì ọ vaa mẹ nị. Ọ kà ọnị vaa mẹ ka ọza ọnọọ ọ̀ na ozi, di ezi ẹnẹẹ aa mẹ̀ ụkọrọ pooro ịda ọza ọnị ọnị Ohomorihi vaa nyị ka ọ̀ vị ohinọyị.

1 Ịsamụwẹrị 25:28

Di Abigẹrị rẹ ka ọnị ộ yẹ ka Idevidi vị ana aa kụ̀ ịrẹkụụ yị Ẹnẹyịmavara. Ọ kà Ẹnẹyịmavara vaa mẹ ka ovwoovu Idevidi ọ vaa vị ohinọyị pooro nị. Ọ kà aarịhịnị ọ̀ navọ ọ̀ vagu Ịnabarị. Ọ kà Ohomorihi ọ yị vaa zẹẹ ka Idevidi ọ mẹ ịrẹyị odivi pooro dị ọ̀ sị ẹhẹ tịtẹ.