2 Ịsamụwẹrị 23:16 - IWE ỌNỊNỊ

¹⁶ Â nyị isoja ẹẹta aanị, dị ẹ sị ụkata-ụkata na ngụ udi isoja Anihwirisiti, dị ẹ na ká enyi hụụnị ịkangga ana yà oze ana a zị naa ngụ Ịbẹtịrẹhẹmị, dị ẹ sị va yị Idevidi nị. Idevidi o yi si ka ọnị ò hu ọ, dị ọ và a hi ẹtẹ yị Ẹnẹyịmavara nị.

2 Ịsamụwẹrị 23:16 ပူးပေါင်းရင်းမြစ်များ

Oyinyima 35:14

Di Ijekọvụ hi ịrẹta ọnya jẹẹ ịzị Ohomorihi yà kà ịrẹyịị yọ nị. Di ọ ka eche kú ịrẹta ọnọọ, dị ọ rẹ ká angwẹ kụ́ ọ mị.

2 Ịsamụwẹrị 23:9

Eriyaza ozi Idodo ana vị Anahohi ọ vị ọgwọhụva ịnị ẹnị ọkụrẹkụ ẹẹta ẹnẹnị nị. Â nyị ụmẹ ọnya ana ahịka Eriyaza ọnịrị Idevidi kẹnẹ ẹ gẹ ịrẹkụ tu Anihwirisiti nịnị ana gụ eyi ịrẹkụ tu Anisirẹrị nịnị. Ụmẹ ọnọọ, Anisirẹrị nịnị ana vọ e si zwe varẹma.

1 Ịtọpa 11:18

Dị ẹnị isoja ọkọọka ẹyịta ẹnịnị sị ụkata-ụkata ha udi Anihwirisiti nịnị ịnẹ na parahu, dị ẹ dà enyi hụụnị ịkangga ọnọọ va yị Idevidi nị. Ama Idevidi ô yi ka oni e yi hú; dị ọ sị mẹ̀ ịsọvọ yị Ẹnẹyịmavara, dị ọ và a hi ẹtẹ nị.

Ịrẹyị Ọzwọzịsa 4:12

Ọza ẹ yị zụ nyị huna aza ẹnị ẹẹva anka a mẹ yị sẹ zụ nyị huna ọnịịnyara Arasị ẹẹta aka ọọ vị́ ịsa nị.

Arụwẹ 2:19

Ẹ̀ kwẹẹtẹ ịrahụ dị ẹẹ jị òrèrè boro-boro hi Ananyị yị ẹngụ. Ẹ̀ va ụvọ hịrẹ dị ẹẹ sị ayị ọnyara da ịpẹẹ yị ọ agụvị ezi ẹnịnị ọnị ụngwẹ aa wụ hi avaba aha aanị.

Ịrịka 28:7

Eche vị ana a sị beri ịsọvọ ana a mẹ ụpẹ ẹẹva ịnị ẹkụhị. Eche irita ọnyara a sị mẹ̀ ịsọvọ va hi ịrẹsụ ụta nị.

Odeyi 20:24

Mẹ yị za ụhwẹ amị tụ́ ịnị ịsọnyị-ịsọnyị, agụvị dị ma zụ zị ụtụ amị ta, dị ma mẹ̀ ụkọrọ oni Ijeesu Ananyị yị sị mị ka ma mẹ. Ụkọrọ ọnọọ ọ vị ka maa kà enube ọyịza ka Ohomorihiī mẹ ọyịzaa yị ọza.

Aniroomi 5:7

Ộ tụ́ akanya, dị à nyị ọza ana dọ ka ọnị hyakụ ee súu yị ọnịzẹyịza. Àa daka vavọọ nyị ọza, ọnịzẹyịza obooro ọ vaa dọ ka oni ò sú yị nị.

2 Anịkọrịntị 5:14

Ịrẹyị ayị oni ọza oni Ohomorihi nyị mẹ̀ ohinọyị ka ọ̀ dọ yị há sì, aa sị oze zụ̀ yị nị. Ya sị yẹ ka ọza ịnya o sú yị avaba aza nị, ọnị ọ vị ka avaba ẹnị e ree wusu.

Anihwiripi 2:17

Ụ mẹ̀ sị ayị tụra Ijeesu nịnị, vị ọ sị mẹẹ ka ụ mẹ̀ ịsọvọ hi Ohomorihi nịnị nị. Àa nyị ka à sị ụhwẹ ẹmị ụvọta tụ́ ịnị ịsọvọ ọnọọ, mị vaa jẹẹ tụ́ ọ. Mee pe wu jẹ nịnị,

1 Ịsamụwẹrị 19:5

Dị ọ rẹ ka, “Idevidi vị ana sị ịrẹsụ tụ́ isu dị ọ na wụ Igorayati Anihwirisiti. Ọ kà Ịsọọrụ ô re e Ẹnẹyịmavara mẹ ka Anisirẹrị è huna ọnịvị ẹnịnị, dị ọnị ụvọta hyakụ aa jẹ nị.” Di Ijonatani rẹ ka, “Wàa wụ Idevidi dị wa yẹ ka ebira odivi ụ mẹ nị agụvị ka ẹ yị nyị ịsị ọ mẹ.”

1 Ịsamụwẹrị 7:6

Ịzẹyịza di Anisirẹrị wara gụ Imizipa nị. Dị ẹ dà enyi dị ẹ ká a hi ẹtẹ yị Ẹnẹyịmavara nị. Dị ẹ ba awẹ ịhị ọnọọ dị ẹ yaa dọ irenu ebira odivi ẹnẹ ẹ mẹ nị. Dị ẹ ka, “Ẹnẹyịmavara, ya raà mẹ akụvị ka wụ vẹ.” Imizipa ịzọọ Ịsamụwẹrị yà dị ahịka ọnị ọ vị ọdọvịdị Anisirẹrị nị.