2 Ịsamụwẹrị 22:9 - IWE ỌNỊNỊ

⁹ Ộ mẹ ka areyi ọ̀ ká hi ẹhẹ ne beri ịra ana aa rị wụụrụ ịra akịna ọnị ọnị ka hi ẹhẹ dị aa za po kẹnẹ nị.

2 Ịsamụwẹrị 22:9 ပူးပေါင်းရင်းမြစ်များ

2 Ịsamụwẹrị 22:13

Ini ẹtohweyi ana yà ọvịdị anị, ịzọọ akịna ịra aa jịnẹ nị.

2 Ịsamụwẹrị 22:16

Ẹnẹyịmavara ịjị ụ kụ́ ayị, dị ẹwụ kara eyi hi ọnịvị awụ, oku vị ana maanị tịnọ yaara, dị aza ee re iruvo enyi. Ẹtẹ vị ana maanị há nọ ẹhẹ, dị aza ee re iruvo ẹtẹ nị.

Ijoovu 4:9

Ohomorihi ọọ ha iduma kẹnẹ dị aza edivi nịnị ee vú ẹtẹ nị. Ọ tụ ahị kẹnẹ dị ẹ ta hi ẹtẹ.

Ahẹ Ụgama 18:15

Ẹnẹyịmavara, ịjị ụ kụ́ ayị dị ụ kara eyi hi ọnịvị awụ òkū vị ana maanị tịnọ yaara dị aza ee re iruvo enyi Ẹtẹ vi ana ha hi, dị aza ee re iruvo ẹtẹ nị.

Ahẹ Ụgama 18:8

Ayị màa kụ́ ọ ụhwẹ ana aa zị oze ịnị aahị anị tụ́ vị ana sị mẹẹ anka areyi òo rere aa dà avọọ ana aa zi oze ini irenuu tụ́ vị ana sị mẹẹ anka ịra ana ahịka ọ zụ wụ̀ ọza.

Ọyịkụra 19:18

Ẹnẹyịmavara vị ana vẹ anka ịra avọọ di o chi hi ịrẹsụ ataba ọnọọ nị. Di areyi ọnọọ aa dà dụụmẹ vaa hịrẹ anka areyi ọrịra ụnọmị avọọ nị. Dị avaba ataba ọnọọ ee henyi jigi-jigi nị.

Ọyịkụra 24:17

Anisirẹrị nịnị vi ene ee re eguhi igirima Ẹnẹyịmavara ọnọọ anka ịra ana aa rị ịra ịrẹsụ ataba ọnọọ avọọ.

Ayịsaya 30:27

Aza ene hi aha ẹnẹẹnẹ ê re ụkata ọnịrị ụbanyị Ẹnẹyịmavara. Ayị anị vị ana aa dá ọva hụrụ-hụrụ. Vi ọ sị mẹẹ ịra ana aa dà areyi tútútú avọ nị. Wèe re irenu anị kẹnẹ, wâ yẹ ka ayị aa kụ́ ọ. Ịrẹyị ọnị ọ hyakụ aa kà vị ịrịịra.

Ayịsaya 30:33

O si ku eni e hụrẹ tenyi aha tịtẹ ịzị a vaa yàa rị Itohwẹtị ohinọyị Anasiriya ịra. Ahata anị vị ana a chị nyịnẹ, dị ọ rẹ gana. Avọọ a mẹ̀ rẹ kụ́ ọkụ hi ọ nị. Ẹnẹyịmavara ọ vaa tụ́ ụhwẹ kú ọ, dị ọ dá ịra, dị aa rị ịra anka ohuru avọọ nị.

Ijeremaya 15:14

Ẹnẹyịmavara kà ọnị vaa mẹ ka aza anị ẹ̀ naa hẹkẹ ọnịvị ẹnịnị ẹkụra ẹnẹ ẹnịnị ẹ̀ yị yẹ, agụvị ka ọyịkụ anị vana sị mẹ̀ ẹ anka ịra avọọ vị ọ́ vaa za pooro nị.

Ijeremaya 5:14

Ijeremaya ka, agụvị avọọ, dị Ẹnẹyịmavara Ohomorihi Ochẹtẹẹngụ va kà a yị ọnị ka, agụvị ẹngụ ịrẹyị ọnị aza ẹnẹnị aa kà aanị, ọnị vaa mẹ ka avaba ịrẹyị anị ọnị ọnị Ijeremaya vaa ka ọ̀ sị mẹẹ anka ịra avọọ, dị aza ẹnịnị ẹnị ẹ̀ sị mẹẹ anka ọkụ avọọ, dị ịra ọ̀ rị wa ịra va ha.

Ihabaku 3:5

Ộ tụ́ ụkụ irenyi-irenyi tụ́ ọvịdị anị ka ọ za ọnịvị ẹnịnị, dị ọ sị uswọọza tụ́ ịrẹma anị nị.

Iwe Ọhụhị Imosiisi ana aa hị́ Ọyịvatụrọda 32:22

Ọ kà, ọyịkụ anị vaa sị mẹẹ anka ịra ana za giri-giri avọọ nị. Avaba ịsa ene hi ịrẹsụ ẹtẹ vi ana rị ịra na ngụ ini eku. Avọọ avaba iruvo ataba mẹ vaa rị ịra bemi-bemi nị.

Anihiburu 12:29

Ohomorihi ayị vị ana sị mẹẹ anka ịra anaā rị avaba ịsa ịra avọọ.