2 Ịsamụwẹrị 22:45 - IWE ỌNỊNỊ

⁴⁵ Mị ka azọga ẹnịnị ẹ yị nyayịnẹ kụ̀rà eyi re mi. Ịsị ẹ wụ́ ka mâ kà, obobooro ẹnị vaa mẹ̀ ọnị.

2 Ịsamụwẹrị 22:45 ပူးပေါင်းရင်းမြစ်များ

Ahẹ Ụgama 66:3

Waā kà a yị Ohomorihi nịnị ka ụkọrọ amị vi ene eē hí ọza angwa. Kà a ka ụkata anị ọ banyị pooro ana ahịka ọnịvị anị mè re e, vị angwa ee hi wa dị ẹ yaa vaa kú ẹtẹ nị.

Ahẹ Ụgama 81:15

Ohomorihi rẹ ka aza ana ka ẹnị e yi sì ịrẹyị ọnị Ẹnẹyịmavara, vị ana maanị vaa sị eyi kwọrọ ẹtẹ ọvịdị anị ángwa òó mèe hi wa. Ọ kà vị ẹnịnị vaa rị ụya pooro zịna-zịna nị.

Ayịsaya 56:3

Àsị u zẹẹ nịnị ka anẹkụra ọsa ana raà sị ẹngụ anị va yị Ẹnẹyịmavara ọ̀ kà a ka, Ẹnẹyịmavara ẹ yị vaa zẹẹ ka ẹmịrị aza anị è dudu hẹkẹ ọnị. Àsị u zẹẹ nịnị ka osuretu ọ̀ kà a ka ọchị ọyịwụ̀ ọnị vị nị. Ọnị ọ yị ma ozi, ọnị ẹ yị ọdọmịrẹsụ.”

Ayịsaya 56:6

Ẹnẹyịmavara ộ kà a yị anẹkụra ọsa ẹnẹẹ ana raà sị ẹngụ ẹnịnị va yị ọnị, di e sì ịrẹyị anị, dị ẹ rẹ yaa mẹ ụkọrọọ yọ; aza anaa saasa ọda ẹkụhị ụhwọtụ, dị ẹ sị ịzẹyịza jẹẹ tụ ịnị oto ọnị ọnị wo yị wa:

Odeyi 8:13

Ịsayịmọnị ọnị ọ rẹ dọ wụ́ bẹẹ. Ịjị a sị ọyịhwenyi mẹ yọ, dị ọ sị ẹngụ vaka Ihwiripi nị. O mè re ụkọrọ apọtẹrẹwa ọnịrị ohyozirenu ẹbanyị-ẹbanyị ana aa mẹ, ô hí oo irenu.

Iwe Ọhụhị Imosiisi ana aa hị́ Ọyịvatụrọda 33:29

Ẹwụnị Anisirẹrị, Nyarị ịrẹsụ ọyịza nịnị. Ẹnẹ ya anka ẹwụnị aza ọnị Ẹnẹyịmavara sị dọha? Ẹnẹyịmavara aa dọ wụ nịnị tụ anka ogonto avọọ nị. Ọnị aa wụ ọnịvị awụ nịnị anka ụhwọ onyeyẹva avọọ nị. Ọnịvị awụ nịnị vị ana vaa da ịpẹ ka asị ụ wụ ọnị nịnị. Ama wa raa nyị ẹbẹẹba ẹnịnị.