2 Ịsamụwẹrị 22:31 - IWE ỌNỊNỊ

³¹ Ẹwụ Ohomorihi, ẹwụ ē mè nyeeyi vụrụ-vụrụ. Ịsa ẹnẹ Ẹnẹyịmavara kà, ẹ yị nyị ireche o! Avaba aza ene zwe na vaka ọnị, avaba ẹnịnị o sere nị, ẹ yị nyị ịsị ẹ zụ kanyị wa.

2 Ịsamụwẹrị 22:31 ပူးပေါင်းရင်းမြစ်များ

2 Ịsamụwẹrị 22:3

Aha ẹvagu nganganga Ohomorihi amị vị, Ịda anị mị zwe na tẹ̀, ọnị ee sere mi nị. Ụkata anị aa sị dọ mị tụ́ nị, ịda anị ọ vị aha ẹvagu ọnị mị na tẹ̀ tụ́ nị.

Inehemaya 9:8

Ẹ ka Ohomorihi ô re ka aa mẹ ịzẹyịzaa hi ọnị, dị o wo otoo yị ọ ka ọnị vaa sị ẹtẹ Anikenaani, Anihiti, Anamọrị, Aniperizi, Anijebusi ọnịrị Anigirigasi yị ezi anị nị. Ohomorihi ộ vavọọ mẹ̀ agụvị ka ọnịzẹyịza ọ vị nị.

Ijoovu 34:10

Wụ́ ịrẹyị amị ẹwụ nịnị ọyẹrẹyị, ọchọnọyịrẹsụ Ohomorihi Ochẹtẹẹngụ ọ yị mā mẹ ọhịmị.

Ahẹ Ụgama 119:140

A sị ọ zama re ka avaba ịsa ọnị ụ ka ụ vaa mẹ vị ọnị ụụ̄ mẹ ịzẹyịza. Mê sì ịrẹyị awụ ẹtẹẹtẹrẹ.

Ahẹ Ụgama 12:6

Ẹnẹyịmavara ọ̀ọ kà ka ọnị vaa mẹ ịrẹyị ịrẹyị anị vị a naa gẹẹ. Vị ọ sị mẹẹ anka igooru ana a raà sị ịra tenyi ẹtẹẹtẹrẹ avọọ nị, kụkụ nyị evene ịnị anị.

Ahẹ Ụgama 145:17

Avaba ịsa ẹnị Ẹnẹyịmavara ọ̀ọ mẹ vị ịsa ana vọrọ. Ô sì ịrẹyị avaba ịsa ọnị ọ tụ́.

Ahẹ Ụgama 18:30

Mâ yẹ ka avaba ịsa oni Ohomorihi mẹ, ẹ yị nyị oni oō nye eyi ịnị anị; nyị ịrẹyị Ẹnẹyịmavara ana vi ireche. Avaba aza ene èe zwe na vaka vi oni oō sere a mā nyị ịsị ẹ zụ kanyị wa.

Ahẹ Ụgama 2:7

Dị ọza ọnị ọ sị rị ohinọyị ka, ọnị vaa kà a yị avaba aza ọda ẹnị Ẹnẹyịmavara mẹ. Ẹnẹyịmavara ộ hị́ ohinọyị dị ọ ka Ẹwa vị ozi emi nị, ajịnị mị ma wụ nị.

Ahẹ Ụgama 35:2

Navọ wa kwẹẹtẹ dị wa kụ́ ogonto ọnịrị ẹnya ịrẹkụ awụ dị wa vagu mị ụvọ.

Ahẹ Ụgama 84:9

Ohomorihi, navọ wa kana eyi re ọza ọnị ụ ka ọ̀ dọ yị tụ́ mị ka wa navọ wa mẹ ka ò zee yị ọza ọnọọ ọnị ụ nyị.

Ahẹ Ụgama 91:4

Ohomorihi vị ana vaa sị avaka anịị kụ́ wu, ẹ yị nyị ịsị ẹ zụ va mẹ wụ ịzọọ. Ịzẹyịza Ohomorihi vee sere wu dị aa dọ wụ ụ tụ́.

Ụhịrẹyị 30:5

Avaba ịrẹyị Ohomorihi vị ịzẹyịza. Ọnị ọọ̄ dọ aza ene zwe na rị ọ tụ anka ogonto avọọ nị.

Ịrẹyị Ọzwọzịsa 3:14

Ọ kà ọnị ọ yẹ́ ka ịsị Ohomorihi ọ̀ọ mẹ vị ana vaa jẹẹ pooro. Ọza ọ yị zụ dà tụ ọ, dị ọza ẹ yị rẹ zụ dà hụụnị anị nị. Ohomorihi ọọ vavọọ mẹ agụvị dị aza ee hí angwa anị.

Ịdanịyẹrị 4:34

Inebukadineza ka, ịjị ịrayị ịhịmba sị mẹ dị ọnị kana eyi ihinẹba, dị ịrẹsụ anị vavẹ eehi nị. Ọnị ộ sị ụga ọnịrị ụbanyị beri igirima yị Ohomorihi ana yara pooro zịna-zịna. Ohomorihi aa mẹ ịjọva avaba ẹhẹ pooro nị. Ịjọva anị ẹ yị vaa nyị ẹzẹtẹ.

Ịdanịyẹrị 4:37

Dị ọnị kụkụ aa sị ụga ọnịrị ụbanyịị yị ohinọyị ana nyị ẹbẹẹba nị. Agụvị ka ịzẹyịza ọnịrị ịsa ana vọrọ ọọ̄ mẹ̀ nị. Ọza ẹ̀ yịị yaraa sị ẹngụ anịị tụ ẹba Ohomorihi ọ zụ và a nẹtẹ.

Imatiwu 5:48

Agụvị avọọ, áa vọrọ ka wa gụ nịnị, anka Áda awụ nịnị ẹbẹẹba mẹ̀ gụ.”

Iwe Ọhụhị Imosiisi ana aa hị́ Ọyịvatụrọda 32:4

Ẹnẹyịmavara aa sị ụkata anị dọ ọnị tụ nị. Avaba oze ọnị ọ zị mẹ ịrẹyị anị vana gụ dị ọ vọrọ. Ọnịzẹyịza ene mee cheeche ọ̀ vị nị.

Ẹtore 15:3

Dị ẹyaa jị ahẹ Imosiisi, ozi ahụ Ohomorihi, ọnịrị ahẹ Ozi Atẹmẹ ọnọọ, dị ẹ ka: Ananyị yị, Ohomorihi Ochẹtẹngụ, ụkọrọ awụ ộ banyị, di o re hí ọza irenu nị. Ẹwa vị ohinọyị anẹhẹ nị, oze awụ vị ịzẹyịza, ẹ yị nyị ireche ịnị anị.