2 Ịsamụwẹrị 22:29 - IWE ỌNỊNỊ

²⁹ Ẹnẹyịmavara ẹwa vị ẹtohweyi amị nộ. Ịrahụ ana kara mị ẹwa sị ẹtohweyi va yị mị.

2 Ịsamụwẹrị 22:29 ပူးပေါင်းရင်းမြစ်များ

2 Ịsamụwẹrị 21:17

Di Abisayi ozi Izeruya va gụ Idevidi dị ọ và ịsa hị́ ọmụha ẹbayịrẹtẹ ọnọọ ẹngụ, dị ọ wụ̀ ọ nị. Dị aza Idevidi hị́ eku dị ẹ kà a yi Abisayi dị ẹ ka, “wẹ yị kụkụ vaa saasa yịị jịnẹ nọ ịrẹkụ agụvị ka ye yi sì ka à wụ wụ. Anisirẹrị ê si eyi kà wụ.”

1 Ohinọyị 11:36

Ọ kà ọnị vaa sị ovwoovu ọnya yị ozi Isoromọnị agụvị di Idevidi ozi ahụ anị dị ọ daba zụ nyị ozi ọnya oni vee re ana vaa zụ̀ aza anị oze Ijerusarẹmị. Ọ kà ịzọọ ọ vị ẹkụra ọnị ọnị nyị ka ọnị, ọ̀ yà nị.

Ijoovu 29:3

Ohomorihi vana ya pe ọnị ịjọnọọ dị ọ vị ẹtohweyi ọnị ọnị a sị zị ụsẹ ịnị ịrahụ nị.

Ahẹ Ụgama 112:4

Ẹtẹ ọ̀ọ daka hozi, aza ana nyị ayị ọnya vee re ẹtẹ. Ẹhẹ aza ana aā vayị ọza, dị ẹ nyị ayị ọnya ọyị vaa vara ịrahụ

Ahẹ Ụgama 18:28

Ẹnẹyịmavara, ẹwa sị ẹhẹ amị zoza nị Ohomorihi amị, wa sị etohozi dụ hụụ ịda amị.

Ahẹ Ụgama 27:1

Ẹnẹyịmavara aa sị ẹtohweyi zụ̀ mị nị. Ọnị aa dọ mịị ha nị agụvị avọọ ẹ yị nyị ọza ọnyọọnyị oni mee hí angwa anị. Ọnị ọ rẹ ẹ̀ yị zẹẹ ka à nyị ịsị ẹ mẹ̀ mị nị agụvị avọọ m mè yị hí angwa ọza ọnyọọnyị nị.

Ahẹ Ụgama 4:6

Aza ọrụrụ-ọrụrụ aa kà a ka àa yẹ Ohomorihi ọ̀ mẹ ọyịza yị ẹnị. Ẹnẹyịmavara, navọ kwogwo wa vayị ayị.

Ahẹ Ụgama 84:11

Ẹnẹyịmavara ana vị Ohomorihi ọ vị ohinọyị ayị nị, ọnị aa dọ yịị tụ́ nị. Ẹnẹyịmavara ọọ̄ vayị ọza dị ộ sị ụbanyị yọ nị. Ịsa ozoza-ozoza Ohomorihii mẹẹ yị aza ẹnẹ ẹ̀ yị mā zị ụsẹ akụvị nị.

Ahẹ Ụgama 97:11

Aza ana mẹ ịzẹyịza dị ẹ nyị ayị ọnya vee re ẹtohweyi, dị ẹ yaa jẹ.

Ayịsaya 50:10

Avaba aza ene hí angwa Ẹnẹyịmavara, dị ẹ saasa ịrẹyị ozi ahụ anị; oze ọnị ẹ zị ọ daka hozi, ẹ sị ayị tụra Ẹnẹyịmavara, e chi ayị za Ohomorihi.

Imika 7:9

Ẹnẹyịmavara ya raà rị ịvị awụ, agụvị avọọ yaa sị ẹngụ dọ ọyịkụ awụ. Ama ọ vị ịrẹma anị, ụ vaa vụ ịrẹvụ yị yị, di u sí atọ ịsị a mẹ yị. Ọ vaa sị yị vẹ ịnị ẹtohweyi; ọ vaa dọ yị ha.

Ịmarakayị 4:2

Ama ẹwụ nịnị ana dọ ịrẹyị amị wụ, mị va sị ụkata ọnị mịī sịị dọ ọza ha sị wụ nịnị kwẹẹtẹ, dị mị mẹ ụkụ awụ nịnị anka ọyị mẹ ha dị ọ mẹ ọza ụkụ avọọ. Ụ vaa jẹ ịrajẹ di u ku iriga anka ozi imaaru ana jịnẹ hụụnị ịga avọọ.

Ịjọọnụ 12:46

Mâ vẹ ịnị ẹhẹ anka ẹtohweyi, agụvị ọza ana àa sị ayị tụra mị, asị ọ kụkụ yị yà ịnị ịrahụ.

Ịjọọnụ 8:12

Dị Ijeesu rẹ kà a yị aza, dị ọ ka, “Ẹma vị ẹtohweyi yị anẹhẹ nị. Ọza ana àa dụ mị ịrẹma, o vee re ẹtohweyi anaā mẹ ka ọza ọ̀ yàra obooro. Ọza ọnọọ ọ yị kụkụ vaa zị ụsẹ ịrahụ.”

Ẹtore 21:23

Ẹ yị nyị ịsị ẹkụra ọnọọ aa sị ọyịị̄ mẹ, à vị ụhwẹ, ka ọ̀ọ zẹtẹ ịzọọ, agụvị ka igirima Ohomorihi aa sị ẹtohweyi yị ịzọọ nị. Ozi Atẹmẹ ọ rẹ vị ẹtohweyi anị nị.