2 Ịsamụwẹrị 22:24 - IWE ỌNỊNỊ

²⁴ Ẹnẹyịmavara o re ka mẹ yị mẹ akụvị. Ẹmaa sị ụvọ za ẹngụ amị agụvị asị ẹmị na rị ịvị.

2 Ịsamụwẹrị 22:24 ပူးပေါင်းရင်းမြစ်များ

Oyinyima 17:1

Ẹkụhị ọnya Ẹnẹyịmavara o re ne tù Abụramị. Ịjọnọọọ, Abụramị ọ sị gụ ịrayị ẹnarẹwụ tụra ịhịịna. (909) Dị ọ kà a yị Abụramị dị ọ ka Ọnị ọ vị Ohomorihi Ochẹtẹẹngụ nị. Ọ kà Abụramị ọ̀ọ wụ́ ịrẹyị anị, asị ọ mẹ̀ ebira ene divi.

Oyinyima 6:9

Ịtọpa Inowa yị, Inowa ộ mẹ̀ ebira ana vọrọ ini eyi Ohomorihi. Ọnịnya kẹnẹ ọ rẹ ẹ̀ yị mẹ̀ ebira ohuvọ vụrụ-vụrụ ịnị avaba ụmẹ anị nị. Inowa ọnịrị Ohomorihi ệ rị vabẹ.

Oyinyima 7:1

Inowa mẹ̀ sị ẹpa ọnọọ mẹ, di Ẹnẹyịmavara kà a yị Inowa ka: ọnịrị avaba aza anị ẹ̀ na ngụ ịnị ẹpa ọnọọ. Ọ kà ini eyi anị, ẹnị ịnyara aa mẹ̀ ebira ana vọrọ ịnị avaba aza ene hi ẹhẹ aanị nị.

Ijoovu 1:1

 nyị ụmẹ ọnya ịnị ẹtẹ Uzi ana a nyị ọnọrụ ọnya aanị ọnị ịrẹha anị rị Ijoovu. Ọza anaā mẹ̀ ebira ana vọrọ dị ẹ̀ yị mā mẹ ịrẹyị ọhịmị ọ vị nị, ka oo hí angwa Ohomorihi ẹ̀ yị mẹ̀ ebira odivi.

Ahẹ Ụgama 17:1

Ẹnẹyịmavara, ayị ọnya m maa sịị dá ịpẹ nọ navọ we tụ́ mi ohi. Navọ m mèe nowu aanị wa ba mi owu M màa mẹ̀ aduwa ọnọnị aanị, mẹ yị mẹ apẹ Aarịhịnị navọ wa wụ́ aduwa amị.

Ahẹ Ụgama 51:6

Wê sì ka ọza ọ̀ọ kà ịzẹyịza obooro Navọ kwogwo wa sị ịrẹyọyẹ tụ́ ịnị ayị amịị mị.

Ahẹ Ụgama 84:11

Ẹnẹyịmavara ana vị Ohomorihi ọ vị ohinọyị ayị nị, ọnị aa dọ yịị tụ́ nị. Ẹnẹyịmavara ọọ̄ vayị ọza dị ộ sị ụbanyị yọ nị. Ịsa ozoza-ozoza Ohomorihii mẹẹ yị aza ẹnẹ ẹ̀ yị mā zị ụsẹ akụvị nị.

Ụhịrẹyị 4:23

Sị eyi pe ẹtẹ ụ mẹmẹ e ro ịrẹyị. Ọza mee ro ịrẹyị ọọ ra ẹhẹ anị nị.

Ịjọọnụ 1:47

Ịjị Ijeesu re ka Inatanẹrị aa vẹ ịda anị, di Ijeesu kà ịrẹyị ini oze anị ka, “Anisirẹrị obooro yọ! Ọnịzẹyịza obooro ọ vị̀ nị.”

2 Anịkọrịntị 5:11

Ya sị yẹ, a mẹmẹẹ̄ nyị angwahi Ananyị yị. Agụvị avọọ ị yaa da ịpẹẹ yị aza ka ẹ̀ va saasa a nị. Ohomorihi ộ yẹ yị ẹtẹẹtẹrẹ. Mee ro ka ẹwụ nịnị ọ rẹ yẹ yị ini ivehu awụ nịnị.

Anẹhwẹsọsị 1:4

Hụrị ụmọrụmọ dị a va yẹ ka aa mẹ ẹhẹ, Ohomorihi hụrẹ nyị yị agụvị Ikirisiti ka ya mẹ̀ ebira ọnịnị, dị asị ị nyị ohuvọ ini eyi anị, di yee sì ịrẹyị aza nị.

Anikorasi 1:21

Ịyẹẹyẹ ọnịvị Ohomorihi ụ vịdị vị nịnị, di u noze rịrị ọ nịnị agụvị ariro odivi ọnịrị ebira odivi ọnị ụ waa mẹ nịnị nị.

Anikorasi 1:22

Ama ọyaanị, ini oze isu oni Ozi anị sú, Ohomorihi ọ sị wụ nịnị vara ọta anị. Ô sú, agụvị ọ̀ zụ sị wụ nịnị nọ ịdị Ohomorihi, dị ụ wa vị ọnịnị nịnị, dị asị ụ nyị ohuvọ, dị asị ụ rẹ nyị ịvị nịnị vụrụ-vụrụ.

Anihiburu 12:1

Wee re ka áa nyị onivenu ọrụrụ-ọrụrụ ana kara yị aanị. Agụvị avọọ ịsa tụra ịsa ana àa vaa dọ yị oro, à vẹ ya sị ọọ kwooze beri ịvị anaā paraa za yị biri-biri! À vẹ ya jẹẹ geri-geri, di yee zwe echi ana yà ọvịdị ayị!