2 Ịsamụwẹrị 22:11 - IWE ỌNỊNỊ

¹¹ Ộ tụra anggẹẹrị ana aā Ikerubi, dị o hira nị. Ahị ọ sị mẹ avaka ọnị ọnị ya sị zịịzị.

2 Ịsamụwẹrị 22:11 ပူးပေါင်းရင်းမြစ်များ

Oyinyima 3:24

Dị ọ vavọọ dụ ọnọrụ ọnọọ jịnẹ nị, dị ọ kụ́ ịsa ana nyị ụhwẹ ana aā hị́ icherubi nịnị, dị ọ kụ́ wa hi eyi ọnị ọyịị̄ zịị vẹ ịnị ụbazị Edẹnị nị. Dị ọ rẹ kụ ụhwọ ọbanyị ịrịịra hi ịzọọ ene ee jesii zị agụvị asị a nyị ọza ana kụkụ zụ ngụ ịzọọ ne tù ọchị ana zụ mẹ ka ọza ọ̀ yàra pooro.

2 Ịsamụwẹrị 6:2

Dị ọnịrị aza anị ẹnẹẹ ene hi ịzị aā hị́ Ibaara ịnị ẹtẹ Ijuda hụrẹ ịzọọ ka ẹnị aa naa sị apoti oto Ohomorihi vẹ nị. Ini oze apoti ọnọọ Ẹnẹyịmavara sị sị ụkata anị ọnịrị ụbanyị zụ̀ nị. Ịzị Ẹnẹyịmavaraā yà vị ana yà ịnị akakana ịzị aā hị́ Ikerubimi nịnị ana yà ịrẹsụ apoti oto Ohomorihi ọnọọ.

Ahẹ Ụgama 104:3

Ohine irehi awụ vị ọnị ụ sị jẹẹ tụ́ ịnị enyi. Wâ sị eguhi mẹ umaata, dị ahịka ahị ụ waa tụraa zị nị.

Ahẹ Ụgama 139:9

Màa daka va nyị avaka di mi hira, dị mị na huu na yà akẹnẹ òkū nị,

Ahẹ Ụgama 18:10

Ịsa ana nyị avaka ana ahịka ahị ọọ tụra aa zị nị.

Ahẹ Ụgama 68:17

Ananyị yị ọ raà hụrẹ Ịsịnayị vẹ va ngụ ini eehi anị. Ộ nyị ịkẹkẹ ịrẹkụ oni umaataā tura. Ệ rụrụ ẹnẹmẹhị, ọza ọ yị zụ za wa ịrịka.

Ahẹ Ụgama 80:1

Ẹwụ ana aa tẹsị Anisirẹrị anka ọza ene ee sere ịsụpa mẹ̀ẹ tẹsị ịsụpa anị avọọ, navọ wa wụ́ ịpẹ ọnị yaa dá.

Ahẹ Ụgama 99:1

Ẹnẹyịmavara ọ vị ohinọyị nị. Â nyị ka angwa òo hi anẹhẹ, dị ẹ̀ẹ dá ẹgahị. Ẹnẹyịmavara vị ana yaayịtẹ ịnị akakana icherubi nịnị, dị ẹhẹ ee henyi jigi-jigi.

Ọyịkụra 25:19

dị ụ sị ọnya tụ́ eyi ọnya, dị ụ rẹ sị ọsa tụ̀ eyi ọsa ịrẹsụ oku apoti ọnọọ; icherubi ẹnẹẹ vi oni u vee tụ́ za oku apoti ọnọọ eyi ẹyịva.

Ezikẹẹrị 9:3

Dị ẹtohweyi anaa za chanyị-chanyị kara Ohomorihi Anisirẹrị nịnị kụ̀rà hụrị ịrẹsụ icherubi ịzị ọ vịdị yà, dị ọ́ na yà enoze Irehi Ohomorihi nị. Ẹnẹyịmavara ộ hị́ ọza ana kụ ẹnya ọvwọọvụ hi ẹngụ aanị, dị ọ ka,

Anihiburu 1:14

Anggẹẹrị nịnị vị ịsị ọza ẹ yị zụ re, ana aa zị ụtụ yị Ohomorihi. Ẹnịnị ọọ tụ́ ka ẹ̀ na mẹ ọgụvọ yị aza ọnị ọnị vaa dọ há nị.

1 Ịsamụwẹrị 4:4

Ịzẹyịza dị ẹ tụ́ nọ Isiro dị ẹ na sị apoti oto Ohomorihi vẹ nị. Apoti ọnọọ vị ana jẹẹ yị ịzị Ẹnẹyịmavara Ochẹtẹẹngụ yà; icherubi ẹẹva vị ana maanị yà eyi ẹyịva apoti ọnọọ di e và eyi kà ẹngụ. Ezi Eri ẹyịva ana aā hí Ihohwini ọnịrị Ihwinehasi ẹ sị eyi pè apoti ọnọọ tụ́ Isiro nị. Ẹnị ẹyịva ẹnẹẹ vị ana saasa apoti ọnọọ vẹ.