2 Ịsamụwẹrị 21:9 - IWE ỌNỊNỊ

⁹ Di Anigibiyọnị kụ́ aza oni ohinọyị kụ́ yị wa, di e zù wa gẹ ọchị ịnị ataba éyi Ẹnẹyịmavara nị. Avọọ ẹnị ịhịmba mè sú vabẹ nị. Ụmẹ ana aā sịị ịsa ịnị aarẹ ana aā hị́ ibaari a vavọọ sị wụ̀ nị. Ụmẹ ọnọọ vị ana a sẹsẹ nyima aa mẹ ibaari.

2 Ịsamụwẹrị 21:9 ပူးပေါင်းရင်းမြစ်များ

2 Ịsamụwẹrị 21:6

Sị aza ẹnị ịhịmba ini ezi Ịsọọrụ yị di ye zù wa gẹ ọchị ọvịdị Ẹnẹyịmavara ịnị ataba Ịsọọrụ, ataba ẹnị Ẹnẹyịmavara sị nyị.” Di ohinọyị ka ọnị vaa kụ́ waa yị wa nị.

2 Ịsamụwẹrị 6:17

Aza ệ sị apoti Ẹnẹyịmavara vẹ, dị ẹ sị ọ tụ́ ịnị ajẹngụ oni Idevidi jị yọ nị. Di Idevidi mẹ̀ ịsọvọ ana aā rị ịra ọnịrị ịsọvọ ana aa gàa rị yị Ẹnẹyịmavara nị.

2 Ịsamụwẹrị 6:21

Di Idevidi tụ́ o ohi dị ọ ka, “Ẹnẹyịmavara ộ jị ada awụ tịtẹ dị ọ sị mị rị ohinọyị nị. Ẹ yị nyị ọza ọnị ọ sị ịnị aneehi awụ nịnị, dị ahịka ẹmị ọ si ka ma vị ohinọyị Anisirẹrị ana vị aza anị nị. Ẹnẹyịmavara ọnọọ m maa si ụbanyịị yị nị. Ẹzẹ vị ọnị maa nyị dị maa sịị sị ụbanyịị yọ.

Ọyịkụra 20:5

Wẹ yị nyayịnẹ hẹkẹ wa. Ẹma vị Ẹnẹyịmavara ana vị Ohomorihi awụ nị. Me mē sì ka ọza ò sì ịrẹyị amị di ò re kuku ne sì ịrẹyị ori. Ọza ọ̀ọ nyị ịhyẹrẹ amị ịvị ọ mẹ avọọ nị. Maa sị ụya anịị rị ọ ne beri ozi anị ọnịrị aazị anị ne chire ẹmaazị anị.

Ọyịkụra 9:31

Ọchị ẹnyị aanị ana aa sị omi ini ịnẹ anị hị́ ịta ọnịrị ịsa ịnị aarẹ ana aā hị́ ibaari vi ana ata orihi du ha hi ịnị aarẹ. Ibaari ẹnị ẹ sị chaka ịrẹsụ hi ẹhẹ ụmẹ ọnọọ dị ọchị ana aa sị omi ini ịnẹ anịị̄ hi ịta ọnị maanị aa jị ododo nị.

Ọyịkụra 9:32

Ata orihi ọnọọ o rè vee di ihu ana aā hị́ ihwiti ọnịrị ihu ọsa ene venee ana aā hị́ ikumini, agụvị ka eni e mē jintu mẹ.

Ịrịka 25:4

Dị ọ kà yị Imosiisi ka, ọ wụ́ avaba ọdọvịdị aza ẹnẹẹ ọvịdị anị ọọdụ, dị ọzọza ee re e agụvị asị ọnị du ayị hi wa.

Iwe Ọhụhị Imosiisi ana aa hị́ Ọyịvatụrọda 21:22

Ọza ọ̀ọ mẹ̀ ebira odivi ana a vọrọ ka à sị wụ ọ, di e zù ọ gẹ ọchị, dị a wụ̀ ọ nị,

Iruutu 1:22

Aanị Inawomi ọnịrị Iruutu mẹmẹ hụrẹ ẹtẹ Imowabi nị. Iruutu ọnị vị ose ozi Inawomi, dị ọ vi Animowabi nị. Ộ saasa ọnyị ọva anị ana hụrẹ ẹtẹ Imowabi vẹ. Ẹnị ẹyịva ẹnẹẹ vị ana va ngụ Ịbẹtịrẹhẹmị ịnị ụmẹ ene e si nyima aa mẹ̀ ịsa ịnị aarẹ ana aā hị́ ibaari.

1 Ịsamụwẹrị 15:33

Dị Ịsamụwẹrị kà a yị Agagị dị ọ ka, “Wa raà wụ̀ aza, wa sị ọnyị ẹnịnị vara ọbọrị. Avọọ ọnyị ẹwụ ọnị mẹ rẹ kụkụ vaa vara ọbọrị ịnị anyẹnẹẹ nị.” Dị Ịsamụwẹrị wụ Agagị ọvịdị Ẹnẹyịmavara Igirigari nị.