2 Ịsamụwẹrị 21:17 - IWE ỌNỊNỊ

¹⁷ Di Abisayi ozi Izeruya va gụ Idevidi dị ọ và ịsa hị́ ọmụha ẹbayịrẹtẹ ọnọọ ẹngụ, dị ọ wụ̀ ọ nị. Dị aza Idevidi hị́ eku dị ẹ kà a yi Abisayi dị ẹ ka, “wẹ yị kụkụ vaa saasa yịị jịnẹ nọ ịrẹkụ agụvị ka ye yi sì ka à wụ wụ. Anisirẹrị ê si eyi kà wụ.”

2 Ịsamụwẹrị 21:17 ပူးပေါင်းရင်းမြစ်များ

2 Ịsamụwẹrị 14:7

Dị avaba anineehi amị kwẹẹtẹ tù mi. Ẹ kà mà sị ozi amị ana wụ̀ ọyịnyara aanị vẹ, dị ẹnị ẹ̀ wụ́ ọ dọ ọyịnyara anị ọnị ọ wụ ịrẹsụ. Ẹ̀ẹ vavọọ mẹ dị ẹ sị ozi ana a vọrọ ka ọ̀ kụ́ ogu ada anị wụ̀, dị ọnị sị vị ọnị ụvụvụrụ, dị ọva anị ọ yị rẹ nyị ọza ana a vọrọ ka à sịị̄ hị́ ịrẹha anị ịnị ẹhẹ.”

2 Ịsamụwẹrị 18:2

Idevidi ộ gà isoja anị hí oze ọnya aa na, dị Abisayi ọyịnyara Ijowabi ọnị rẹ kụ́ oze ọnya di Itayi Anigiti ọnị rẹ kụ́ oze ọnya ana vọ nị. Di Idevidi va ka ọnị ụvọta aa saasa waa nọ ịrẹkụ nị.

2 Ịsamụwẹrị 18:3

Di isoja ẹnẹẹ ka eyiye, asị ọ jịnẹ tụ́ ẹhẹ. Ẹ ka àa vị a sị ẹnị dụ nị, ẹ yị nyị ịzị ịrẹyị ẹnịnị gẹ aza ẹnẹẹ. Ẹ ka achẹva ẹnịnị ọ̀ọ daka sú, e yi rẹ ịrẹyị. Ama àa vị ẹwụụ yọ, yàa maanị yà akawụ-akawụ oze ẹẹhị wê huna yị. Ẹwàa vana yà ịnị ẹkụra dị ụ sị ọtụ kà yị ịrẹma nị, ọnị ọ mẹ hu nị.

2 Ịsamụwẹrị 22:19

Ọnịvị amị mè re ka ịrẹyị ô tù mi ịjọnọọ ẹ kwẹẹtẹ tù mi nị. Ama Ẹnẹyịmavara ọ raà dọ mị tụ́ o!

2 Ịsamụwẹrị 22:29

Ẹnẹyịmavara ẹwa vị ẹtohweyi amị nộ. Ịrahụ ana kara mị ẹwa sị ẹtohweyi va yị mị.

1 Ohinọyị 11:36

Ọ kà ọnị vaa sị ovwoovu ọnya yị ozi Isoromọnị agụvị di Idevidi ozi ahụ anị dị ọ daba zụ nyị ozi ọnya oni vee re ana vaa zụ̀ aza anị oze Ijerusarẹmị. Ọ kà ịzọọ ọ vị ẹkụra ọnị ọnị nyị ka ọnị, ọ̀ yà nị.

1 Ohinọyị 15:4

Ama Ẹnẹyịmavara ana vị Ohomorihi Idevidi ộ tamayị ebira ozoza oni Idevidi mẹ̀. Agụvị avọọ dị ọ sị ozi ọnọrụ ọnya yị Abijami ka ọ rị ohinọyị tụ́ Ijerusarẹmị nị. Ọnọọ vị ẹnị Ẹnẹyịmavara vavọọ mẹ ka asị ayị ovwoovu Idevidi hi ayị ịrẹma anị. Ẹnẹyịmavara ẹ̀ yị mà vara o yi re sì ka ọnịvị e ve vu Ijerusarẹmị ẹtẹ.

Ahẹ Ụgama 132:17

Ọ rẹ ka ọnị vaa si ozi Idevidi ọnya ịzọọ, dị ọnị vara ohinọyị ana nyị ụkata. Dị ọnị rẹ mẹ ka ohinọyị ọnọọ ọnị ọnị nyị avọọ, ọ̀ vị ohinọyị pooro zịna-zịna nị.

Ahẹ Ụgama 144:10

Ẹwaa mẹ ka ohinọyị nịnị ẹ̀ huna ọnịvị ẹnịnị nị, dị ụ dọ Idevidi ozi ahụ awụ tụ́ ka asị a wụ ọ nị.

Ahẹ Ụgama 46:1

Ohomorihi ee sere yị dị ọ̀ yị zẹẹ ka à nyị ịsị ẹ kanyị yị nị. Ọnị ọ raa sị ụkataa yị nị Ụmẹ tụra ụmẹ ẹnị ẹngụ ayị ọ̀ọ kata vi oni oō sì ka ọnị ọ̀ gụ yị ụvọ.

Ijeremaya 40:15

Dị Ijohananị ozi Ikareya wèrè kà a yị Igidarịya Imizipa ka, ọ̀ jẹẹ dị ọnị ọ̀ na wụ Isimẹrị, dị asị á yẹ ọza ana vavọọ mẹ nị. Ọ kà sị ẹ vẹ dị ẹnị aa vaa navọ ka Isimẹrị ọ̀ va wụ Igidarịya kẹnẹ-kẹnẹ? Ijohananị ka, ọ̀ọ vavọọ yà, vị aa mẹ ka avaba Aniju ana gụ kara Igidarịya ẹ̀ gara, dị ọ kụ ẹngụkata ọbanyị tu avaba aza ana vẹtẹ hi Ijuda nị.

Ịjọọnụ 5:35

Ịjọọnụ vị ana sị mẹẹ anka ozotupa ana aa zẹtẹ chanyị-chanyị. Ịnị ụmẹ chee, wâ vịdị nyị inohine tụ́ ini ẹtohweyi anị nịnị.