2 Ịsamụwẹrị 21:16 - IWE ỌNỊNỊ

¹⁶ Â nyị ọnọrụ ọnya aanị ana aā hị́ Isibi-Ibenobi ọnya ịnị ịpa aza ana hụ ẹtẹẹtẹrẹ ọ vị nị. Ọha anị ộ rata ẹnẹmẹhị, ộ gụ ikirogirami ẹẹta rị ẹjịjị. Enyusẹ ana aā hị́ ibironzi a sị mẹ̀ ẹ nị. Ộ hara ụhwọ ọwọọwa, dị ọ ka ọnị aa wụ Idevidi nị.

2 Ịsamụwẹrị 21:16 ပူးပေါင်းရင်းမြစ်များ

Oyinyima 14:5

Ịnị ana tụ́ ọ ịrayị ẹwụrẹna, di Ikedorayoma ana vị ohinọyị ne beri ohinọyị ana vọ ọnị ọnịrịị vabẹ kụ́ ọkụrẹkụ ẹnịnị, dị ẹ na rị Irehwayimi ene hi ịnị ẹtẹ Asiterọtị-Ikanayimi ọnịrị Izuzimi ene hi ịnị ẹtẹ Ihami beri Emimi ene hi Ịsavẹ-Ikiriyatayimi.

Oyinyima 6:4

 vịdị nyị aza bahị-bahị ene hi ịnị ẹhẹ ịnị ụmẹ ẹnẹẹ, ẹnị ẹ vị ezi ana ma yị anggẹẹrị ẹnẹẹ nị. Ịrẹma ọnọọ ẹngụ anggẹẹrị ẹnẹẹ ẹ̀ẹ rẹ nọ ịda ezi anẹẹ ana aza ma, dị ẹ ma ezi nị. Ezi ẹnẹẹ ẹ vị ọnọrụ ịyẹẹyẹ nị. Ẹnịnị ệ ngụ ịrẹyị.

2 Ịsamụwẹrị 21:18

A rẹ nyị ịrẹsụ ọsa ana ene e pè Anihwirisiti kụ̀. Ọnọọ vị ana a kụ̀ ịzị aā hị́ Igobi. Â nyị Anisibekayi ọnya aanị ana vị Anihusa. Ộ wụ Isahwi ana vị ọnya ịnị ọmụha ẹbayịrẹtẹ ẹnẹẹ.

2 Ịsamụwẹrị 21:20

 rẹ nyị ịrẹkụ ọsa ana chị tụ́ Igati.  nyị ọmụha ẹbayịrẹtẹ ọnya aanị ịzọọ, igege ụvọ anị ọnịrị igege ahụ anị vị ịhịnọnyị-ịhịnọnyị. Avaba igege anị vị ohurẹẹna. Ọnị rẹ vị ọnya ịnị ịpa ọmụha ẹbayịrẹtẹ nịnị.

2 Ịsamụwẹrị 21:22

Aza ẹnị ẹyịna ẹnẹẹ ana hụrẹ ịpa ọmụha bahị-bahị ene hi Igati vẹ. Ẹnịnị vị oni Idevidi ọnịrị ezi ịdị anị wụ.

2 Ịsamụwẹrị 5:18

Anihwirisiti mè tụ́ ịzọọ, dị ẹ̀ chaka hi ini ozi Irehwayimi nị.

Ịrịka 13:22

Dị ẹ zị oze Ịnẹgẹvị na ngụ Ihebirọnị, ịzị Ahimanị, ọnịrị Isesayi ne beri Itarimayi ra. Ẹnịnị vị evere Anaki. Ẹkụra Ihebirọnị vị ana da ịrayị ịhịmba dị a vaa da Izowanị ịnị ẹtẹ Ijipiti.

Ịrịka 13:28

Ama aza ene hi ịzọọ ẹ̀ nyị ụkata. Ẹkụra ẹnịnị ọ́ banyị dị ẹ jị ọvọ kara wa nị. Ẹnị ê re evere Anaki ịzọọ.

Iwe Ọhụhị Imosiisi ana aa hị́ Ọyịvatụrọda 1:28

Ịzị Imosiisi ka ẹnị ẹ nọ daa! Aza ene re ẹtẹ ọnọọ ka ajịmasị anọrụ ana a hị́ Anakimi e hi ẹkụra ẹnẹẹ nị. Ẹkụra ẹnịnị vana jị ọvọ ana gọdọ na ka ihinẹba kara ẹkụra ẹnịnị.

Iwe Ọhụhị Imosiisi ana aa hị́ Ọyịvatụrọda 2:10

Anemimi ẹ vịdị ra ịzọọ nị. Ẹnịnị ệ rụrụ, ệ nyị ụkata, dị ẹ hụ anka ezi Anakimi avọọ nị.

Iwe Ọhụhị Imosiisi ana aa hị́ Ọyịvatụrọda 2:11

Ịrẹha ọsa ana a hị́ wa ọ vị Irehwayimi nị.

Iwe Ọhụhị Imosiisi ana aa hị́ Ọyịvatụrọda 2:21

Aza ẹnẹẹ ẹ̀ kata, dị ẹ rụrụ, dị ẹ hụ bahị-bahị anka evere Anakimi avọọ. Ẹnẹyịmavara ọ̀ vịdị vu wa ẹtẹ, dị Anisirẹrị va sị ịzọọ mẹ ẹtẹ ẹnịnị nị.

Iwe Ọhụhị Imosiisi ana aa hị́ Ọyịvatụrọda 3:11

Ọgị ohinọyị Ịbasanị ọ̀ vị ọdịrẹma ịnị evere ajịmasị anọrụ ana a hị́ Irehwayimi nị. Ịvẹẹdị anị vana a sị enyusẹ-enyusẹ mẹ̀. Ộ gọdọ ahụ ẹwụrẹta, dị ọ̀ gana ahụ ịhịnọnyị nị anka a mẹẹ mọ ụgọdọ ịjị ọnọọ. Ịvẹẹdị anị yị yịị ịnị ẹkụra Ịraba pooro tu ajịnị.

Iwe Ọhụhị Imosiisi ana aa hị́ Ọyịvatụrọda 9:2

Aza ene hi ịzọọ vị ajịmasị anọrụ ana aā hị́ Anaki. Eyi ộ yẹ ohiku ẹnịnị ka ẹ hụ ẹtẹẹtẹrẹ. Ẹnẹ ka ọnị ọ̀ hụ avọ ịrẹyị ẹnịnị?

Ijosuwa 11:22

Ẹ yị nyị Anakimi ana vọ ẹtẹ tịtẹ ịnị avaba ẹtẹ Isirẹrị. Aza chee ẹnịnị ana vọ vị ana ra Igaza, ọnịrị Igati, beri Asidodi.

Ijosuwa 15:14

Ịkarẹbị ộ dụ ezi Anaki nịnị hụụ ịzọọ. Abara ezi Anaki ẹnẹẹ ẹ rị Isesayi, Ahimanị, ọnịrị Itarimayi nị.

1 Ịsamụwẹrị 17:7

Ọchị ọha anị ộ dẹngụ anka oguntoro eni e siī hí ịta. Enyusẹ ana yà ịrẹsụ ọha anị ộ rata, ộ vọ chee ọ̀ hụ ọza za. Dị a nyị ọza ana za ogonto anị tụ́ ọvịdị anị nị.