2 Ịsamụwẹrị 21:14 - IWE ỌNỊNỊ

¹⁴ Di Idevidi ne ne ẹchụkụ Ịsọọrụ ọnịrị Ijonatani ozi anị ịnị ikuta Ikisi ada Ịsọọrụ ana ya Izera ịnị ẹtẹ Ịbẹnjamịnị nị. Ịjị ẹ sị avaba ịsa oni ohinọyị ka ẹ̀ mẹ mẹ, di Ohomorihi va wụ́ ịnị ịpẹ tụ́ ịrẹsụ ẹtẹ ọnọọ nị.

2 Ịsamụwẹrị 21:14 ပူးပေါင်းရင်းမြစ်များ

2 Ịsamụwẹrị 21:13

Idevidi mẹ̀ raà kụ ẹchụkụ Ịsọọrụ ọnịrị Ijonatani ozi anị hụụ ịzọọ, dị ọ kụ́ ẹchụkụ ẹnẹẹ gụ hi ẹtẹ nị.

2 Ịsamụwẹrị 24:25

Di Idevidi hi ụta ịsọvọ tụ́ ịzọọ yị Ẹnẹyịmavara, dị ọ mẹ̀ ịsọvọ ana aā rị ịra ọnịrị ịsọvọ ẹngwọọrọ ịzọọ nị. Dị Ẹnẹyịmavara va wụ́ ịpẹ agụvị ẹtẹ ọnọọ dị ọ za ụkụ ọnọọ jẹẹ kwooze yị Anisirẹrị nị.

2 Ịsamụwẹrị 3:32

Dị ẹ sị Abịna, di e ne ne e tụ́ Ihebirọnị nị. Di Idevidi yà ini ikuta Abịna, di o sụ́ ùnè ẹtẹẹtẹrẹ nị. Avaba aza ẹnị vị ene ree sụ́ ùnè bẹẹ.

2 Ịsamụwẹrị 4:12

Di Idevidi ka aza anị ẹ̀ wụ̀ wa nị. Ịzẹyịza dị ẹ wụ̀ wa, dị ẹ dà wa ụvọ ọnịrị ahụ, di e zu ẹngụ ẹnịnị ana vọ gẹ ọchị hí ụtọ okuha Íhebirọnị nị. Dị ẹ sị ịrẹsụ Isibọsẹtị di e ne ne e tụ́ ini ikuta Abịna Ihebirọnị nị.

Ijona 1:15

Dị ẹ sị Ijona di e ne ngụ ịnị enyi nị. Obobooro ọnọọ dị opomi za ku, dị ẹtẹ tịtẹ sisisii nị.

Ịzakaraya 6:8

Dị anggẹẹrị ọnọọ nowu hị́ Ịzakaraya, dị ọ kà, “Re, ẹnị ana nọ eyi ẹbẹẹba ẹtẹ Ịbabịrọnị ẹ raà sị ayị Ẹnẹyịmavara nẹtẹ.”

Ịrịka 25:13

Dị ọ kà agụvị ka Ịhwịnẹhasị ọ̀ sị ịrẹsụ yị ọnị, ọnịrị evere anị ẹ vaa vị ohirẹsụ irehi anị pooro nị.

Ịrịka 25:8

dị ọ tụra wa na, dị ọ jị ọha ngụ ana vị ọnọrụ ẹngụ na jịnẹ ịnị ịrẹka ana vị ọnẹẹ nị; avọọ, dị Ohomorihi za ụkụ odivi ọnị aa sị wụ̀ wa ha jẹẹ nị.

Ijosuwa 18:28

Ịzẹra, Ịharẹhwị, Ijebusi (Ijerusarẹmị), Igibeya, ọnịrị Ikiriyati-Ijeyarimi; Ẹkụra ẹbanyị-ẹbanyị ẹwụrẹna beri ẹkụra ana vọ ana kara wa. Ẹtẹ ọnọnị abara-abara ịrẹsụ Ịbẹnjamịnị dọ mẹ ogu ẹnịnị nị.

Ijosuwa 7:26

Dị e gu ịrẹta ẹnẹ ẹ sị wụ̀ wa ku wa ịrẹsụ, dị ọ nẹba ẹtẹẹtẹrẹ nị ịrẹta ẹnẹẹ hi hi ịzọọ booro ve tu ajịnị. Agụvị avọọ aa hị́ ịzọọ inozi akanya.

1 Ịsamụwẹrị 10:2

Dị Ịsamụwẹrị rẹ ka Ịsọọrụ ọ̀ sị hụụ ịda anị ajịnị, ọ va naa gẹrị aza ẹnị ẹẹva ọgụrị ikuta Irechẹrị ana yà Izeriza. Ịzọọ vị ana yà ụtọ ẹtẹ Ịbẹnjamịnị. Ọ kà aza ẹnẹẹ vaa kà a yị Ịsọọrụ ka a sị ịkẹrịkẹtẹ eni e nee sì re. Ọ kà ẹ rẹ vaa kà a yọ ka ada anị o yi kuku ro ịrẹyị ịkẹrịkẹtẹ ẹnẹẹ, ama ịrẹyị Ịsọọrụ nịnị ọ kụkụ jị ọ areyi nị.