2 Ịsamụwẹrị 21:1 - IWE ỌNỊNỊ

¹ Ịnị ụmẹ oni Idevidi sị rị ohinọyị, â nyị ụngwẹ ana kụ̀ ịrayị ẹẹta tụra ẹngụ tụra ẹngụ. Di Idevidi va họ̀ Ẹnẹyịmavara use ka sị ẹ vẹ nị. Dị Ẹnẹyịmavara kà a yi Idevidi ka Ịsọọrụ ọnịrị aneehi anị ẹ sị ịvị rị agụvị ka Ịsọọrụ ộ wụ Anigibiyọnị.

2 Ịsamụwẹrị 21:1 ပူးပေါင်းရင်းမြစ်များ

Oyinyima 12:10

Ịnị ụmẹ ọnya ụngwẹ ô nyima aa kụ̀ ịnị ẹtẹ Ikanaani. Ụngwẹ ọnọọ vị ana aa kụ̀ ẹtẹẹtẹrẹ, agụvị avọọ di Abụramị si hu aa nọ Ijipiti ka ọnị ọ̀ na ra ịzọọ nị.

Oyinyima 26:1

Ịnị ụmẹ ọnya ụngwẹ o re nyima aa kụ̀ ịnị ẹtẹ ọnọọ. Ọnọnị vị ụngwẹ irenyi yị ụngwẹ ana vịdị kụ̀ ịnị ụmẹ Abụrahamị. Di Ayiziiki kụ̀ra nọ Igera, ịda ohinọyị ana aā hị́ Abimẹrẹkị nị. Ọnị ọ vị ohinọyị Anihwirisiti nịnị nị.

Oyinyima 41:57

Ụmẹ ọnọọ dị avaba anẹhẹ aa nọ Ijipiti nee tù Ijosẹẹhụ ka ẹnị ẹ̀ na hị́ akụ nị, agụvị ka ụngwẹ ọnọọ vị ana nyayịnẹ aa kụ̀ avaba aha.

Oyinyima 42:5

Avọọ ezi Ijekọvụ ẹnị mẹ̀ rẹ saasa aza ana aa nọ Ijipiti na hị́ ịsa nị. Ụngwẹ ọnị vị ana rẹ tụra ịnị ẹtẹ Ikanaani.

Oyinyima 43:1

Ụngwẹ aa kịị kụụ hu avọọ ịnị ẹtẹ Ijipiti.

2 Ịsamụwẹrị 16:8

Wa raà dọ Ịsọọrụ ohinọyị, dị wụ̀ avaba aza anị vaka nị. Ọnị Ẹnẹyịmavara aa sii họ̀ wụ aanị nị. Ẹnẹyịmavara ọ raà dọ wụ ịjọva ọnọọ yị Abịsarọmị ozi ewu. Ịrẹyị odivi ô tù wu ịrẹsụ agụvị ka ọwọza ụ vị nị.”

2 Ịsamụwẹrị 20:26

Di Ịra ana vị Anịjarị ọnị vị ohirẹsụ irehi Ohomorihi ana yà idi Idevidi nị.

2 Ịsamụwẹrị 21:5

Dị ẹnịnị ka à yị ohinọyị dị ẹ ka, “Ọnọrụ ọnọọ vị ana ka ọnị aa wụ̀ avaba ayị dị asị ọza ikonya kụkụ tụ́ ịnị ẹtẹ Isirẹrị.

2 Ịsamụwẹrị 24:1

Ịnị ụmẹ ọnya Ẹnẹyịmavara raa kụ́ ayị tu Anisirẹrị. Dị ọ kụ́ ọ hi Idevidi ayị dị ọ ka ọ̀ kwẹẹtẹ dị ọ̀ na za Anisirẹrị ọnịrị Anijuda ịrịka nị.

2 Ịsamụwẹrị 5:19

Di Idevidi va họ̀ Ẹnẹyịmavara use ka ọnị ọ́ọ́ kụ́ ịrẹkụ na dụ Anihwirisiti nịnị? Dị ọ rẹ họ̀ ọ ka ọ́ọ́ vaa sị waa yị ọnị ka oni ò huna wa. Dị Ẹnẹyịmavara kà ọ̀ọ na ka Anihwirisiti vị ọnị ọnị aa sị yọọ hú ẹtẹ.

2 Ịsamụwẹrị 5:23

Di Idevidi rẹ họ̀ Ẹnẹyịmavara kà ọnị ọ́ọ́ kụ́ ịrẹkụ ne tù wa nị. Dị Ẹnẹyịmavara kà asị ọ vavọọ ne tù wa ọvịdị-ọvịdị ama ọ̀ kụ́ aza anị di è jesi kara wa, dị ahịka oze ọvịdị ọchị ịbarịsamị ẹ zị nyima ịrẹkụ nị.

1 Ohinọyị 17:1

Ịnị ụmẹ ọnya, â nyị ọnọrụ ọnya aanị ana aā hị́ Erija. Erija ọnọọ vị Anitisibi ana ra ịnị ẹtẹ Anigiriyadi. Ẹkụhị ọnya dị ọ na kà a yị Ahabị dị ọ ka, “mâ sị Ẹnẹyịmavara ana vị Ohomorihi Anisirẹrị ọnị maa hẹkẹ hị́ eku ka eguhi ọ yị hyakụ vee chire di o ve si tù ka orihi ọ̀ zụ̀ pooro dị ọ̀ mẹ ịrayị chee aanị. Ẹ yị yaa nyị orihi à yị vị mị kà a ka orihi ọ̀ zụ̀.”

1 Ohinọyị 18:2

Ịzẹyịza di Erija si hu aa sị ẹngụ anị naa zụ̀ Ahabị nị. Ịnị ụmẹ ọnọọ ụngwẹ aa kụ̀ ẹtẹẹtẹrẹ Ísamariya.

2 Ohinọyị 6:25

Ẹnịnị mẹ̀ vavọọ kara wa hi, ộ mẹ̀ ka ịsọyịrị ọ̀ zwọ, dị ụngwẹ nyayịnẹ aa kụ̀ Anịsamarịya nị. Ụngwẹ ọnọnị ộ kụ̀ pooro ne tu ka à kụkụ ná ịrẹsụ ịkẹrịkẹtẹ ọnya achuchu ịhịnta ịjọnọọ, dị aa ná ẹza achẹva orogo achuchu ẹẹhị nị.

2 Ohinọyị 8:1

Erisa ộ vịdị kà a yị ọnẹẹ ọnị ozi anị su, dị ọ́ ha a varẹma yọ ka, ọnịrị avaba aza anị ẹ̀ kwẹẹtẹ ẹ̀ na ra ịzị ẹ̀ẹ zụ na ra; agụvị ka Ẹnẹyịmavara ọ́ raà kà a ka ụngwẹ vaa kụ̀ ẹkụra ọnọnị. Ọ kà ịrayị ịhịmba ụngwẹ ọnọọ vaa kụ̀ nị.

Ijoovu 10:2

Ọ kà asị Ohomorihi jị ịvị yị ọnị kẹnẹ. Sị ẹ vị ebira odivi ọnị ọnị daka mẹ̀ kẹ?

Ahẹ Ụgama 27:8

Ayị amị vị ana kà a mị ka maa hẹkẹ wụ. Ẹnẹyịmavara, ẹwụ mị vaa hẹkẹ ịzẹyịza nị.

Ahẹ Ụgama 50:15

Ọ kà waa vavọọ aa mẹ, ịhị wàa nyị ẹngụkata dị ụ hị́ ọnị nị, di e re Ọ kà vị ọnị aa vaa dọ wụụ tụ́ nị Ịjọnọọ ụ vaa sị ụbanyịị yị ọnị

Ahẹ Ụgama 91:15

Ohomorihi ka aza ana vavọọ sị ayị tụra ọnị ẹ̀ẹ hị́ ọnị, ọnị vee tụ́ wa ohi. Ọ kà èe hi ịnị ẹngụkata ọnị ọ yị vaa hụrẹ wa ụvọ, ama ọnị vaa dọ waa tụ́, dị ọnị sị ụbanyị yị wa.

Ireevi 26:26

Ẹnẹyịmavara kà ọnị vee gù wa oze ịsọyịrị ẹnịnị, dị ọnyẹnẹẹ ẹẹwụ aa mẹ̀ ịsa ịnị arasị ọnya. Dị a kụkụ aa gà ịsọyịrị swẹ-swẹ tụ wa ụvọ. Ẹnịnị ẹ̀ẹ rị ọ, ịnẹ ẹ́ yị vaa há wa.

Ịrịka 27:21

Ama Ijosuwa vaa nọ ọvịdị Eriyaza ohirẹsụ irehi Ohomorihi, di Eriyaza sị urimi ne sì iruvo ịrẹyị ịnị ụvọ Ẹnẹyịmavara, dị ọ kà a yị wa ịsị a vọrọ ka ẹ̀ mẹ ẹ̀ẹ yaa jịnẹ ọnịrị ẹ̀ẹ yaa vẹ ini eehi.

Ijosuwa 7:1

Ẹnẹyịmavara ộ vịdị kà a ka avaba ogu Anijeriko vị ene ve du ha bemi-bemi. Â nyị ọnọrụ ọnya aanị, ọnị ịrẹha anị rị Ekaanị ana vị ozi Ikami. Aazị Izabidi ọ vị nị, dị ọ vị ẹmazị Ịzẹra hụụnị obooro Ijuda nị. Dị Ekaanị na sị hụụnị ịsa ana za ido anị yị wa nị. Agụvị avọọ dị Ẹnẹyịmavara du ayị ẹtẹẹtẹrẹ hị́ Anisirẹrị nịnị nị.

Ijosuwa 9:20

Ọdọvịdị Anisirẹrị ka ẹnị ẹẹ bẹdọ navọ ẹ yara agụvị eku ọnị ẹnị hị́. Ẹnị ẹ̀ẹ wụ̀ wa, Ohomorihi aa sị ụya anị rị ẹnị nị.

Iruutu 1:1

 nyị ụmẹ ọnya aanị ọnị Anisirẹrị nịnị ệ yị nyị ohinọyị, dị ahịka aza irenyi-irenyi ệ mẹ ọdọvịdị ẹnịnị nị. Ụmẹ ọnọọ ụngwẹ vavọọ sị kụ̀ ịnị ẹtẹ Anisirẹrị nị.  nyị ọnọrụ ọnya aanị ịjọnọọ ịnị ẹkụra Ịbẹtịrẹhẹmị ini ẹtẹ Ijuda. Ộ kụ́ ose anị ọnịrị ezi anị ẹẹva hụrẹ Ịbẹtịrẹhẹmị nọ ịnị ẹtẹ Imowabi.

1 Ịsamụwẹrị 10:22

Di e ve họ̀ use ịnị ụvọ Ẹnẹyịmavara kà ọza ana vọrọ ka à sị rị ohinọyị aanị ọ́ọ́ vẹ ịzọọ. Dị Ẹnẹyịmavara kà ộ vẹ ịzọọ, ama ọ na sị tẹ ịzị a kụ́ ẹnya hi avọọ.

1 Ịsamụwẹrị 23:11

Wéé ro ka Anikeyira vaa sị mị chire Ịsọọrụ ụvọ? Wéé ro ka Ịsọọrụ aa vẹ ịzẹyịza anka m mẹ̀ wụ́? Ẹnẹyịmavara ana vị Ohomorihi ana Anisirẹrị aa hẹkẹ, aarịhịnị navọ wa kà a mị.” Dị Ẹnẹyịmavara kà hịịn, Ịsọọrụ aa vẹ.

1 Ịsamụwẹrị 23:2

Di Idevidi va na họ̀ Ẹnẹyịmavara kà ọnị ọ́ọ́ na, dị ọnịrị Anihwirisiti ẹ̀ na kụ̀ ịrẹkụ nị. Dị Ẹnẹyịmavara kà ò ne pè Anihwirisiti kụ̀ ịrẹkụ, dị ọ dọ Anikeyira nịnị tụ́ nị.

1 Ịsamụwẹrị 23:4

Di Idevidi rẹ na họ̀ Ẹnẹyịmavara kà ẹnị ẹ́ẹ́ na nị. Dị Ẹnẹyịmavara kà ẹ̀ na ka ọnị vaa mẹ ka è huna Anihwirisiti nị.