2 Ịsamụwẹrị 20:6 - IWE ỌNỊNỊ

⁶ Di Idevidi va kà a yị Abisayi dị ọ ka, “Wáá yẹ ka ịsa oni Ịsẹba raa mẹ yi o vee divii hu ịsa anị Abịsarọmị mẹ yị nị. Kwẹẹtẹ booro aanị dị wa kụ́ ezi ahụ amị dị wa wụsẹẹ dụ ọ na. À yị vị avọọ ọ nyayịnẹ na ngụ ịnị ẹkụra ana a jị ọvọ kara, dị ọ sị tụ̀ yị ụvọ.”

2 Ịsamụwẹrị 20:6 ပူးပေါင်းရင်းမြစ်များ

2 Ịsamụwẹrị 10:14

Anamọnị mè re ka Anarami e zi zwe, dị ẹnị re si zwe hụụ ịda Abisayi na ngụ ịnị ẹkụra nị. Di Ijowabi varẹma hụrẹ ịrẹkụ Anamọnị dị o si hu aa vẹ Ijerusarẹmị nị.

2 Ịsamụwẹrị 11:11

Di Uriya tụ́ ohi dị ọ ka, “Apoti Ohomorihi ọnịrị Anisirẹrị ne beri Anijuda hi Isukutu. Ijowabi ọga amị ọnịrị ezi ahụ awụ ana vọ hị́ ịnị ajẹngụ ịnị ụnọmị. Taarụ, ẹmáá nyayịnẹ nọ ini eehi amị dị ma naa rị di mee hú dị ma rẹ na hụtụ pè ose emi? Taarụ, mâ sị ịrẹsụ awụ vị onivenu ka mẹ yị nyayịnẹ vavọọ mẹ.”

2 Ịsamụwẹrị 18:12

Dị ọnọrụ ọnọọ ka ọ̀ọ daka kụ́ ẹkẹhị enyusẹ-enyusẹ oze akahị yị ọnị, ọnị ọ yị nyayịnẹ sị ụvọ kanyị ozi ohinọyị. Ọ kà ọnị ộ wụ́ óhinọyị mèe hú ọnịrị Abisayi ne beri Itayi ụvọ ka ẹ̀ hụ ụvị anị asị ẹ zẹẹ ka à nyị ịsị ẹ mẹ̀ Abịsarọmị oo!

2 Ịsamụwẹrị 18:2

Idevidi ộ gà isoja anị hí oze ọnya aa na, dị Abisayi ọyịnyara Ijowabi ọnị rẹ kụ́ oze ọnya di Itayi Anigiti ọnị rẹ kụ́ oze ọnya ana vọ nị. Di Idevidi va ka ọnị ụvọta aa saasa waa nọ ịrẹkụ nị.

2 Ịsamụwẹrị 19:7

Booro anị re ka wâ kwẹẹtẹ dị wa jịnẹ nọ ẹhẹ, dị wa kà ịrẹyị yị ezi ahụ awụ dị wa sị Ẹnẹyịmavara hị́ eku ka wẹ̀ yị vavọọ mẹ, ẹ yị nyị ọza ana vaa sụụ pè wu ịrahụ ajịnị. Ọsọnị vaa mẹ ka ịrẹyị odivi ene vee tù wu agụvị ịrẹyị ọnọnị ò divi huna avaba ịrẹyị odivi ene vịdị tù wu ụ mẹ̀ hụrẹ vị ozweyi ve tù ajịnị.”

2 Ịsamụwẹrị 2:18

Ezi Izeruya ẹyịta vi ene hi ịzọọ. Ẹnịnị ẹ rị Ijowabi, Abisayi ọnịrị Asahẹrị nị. Asahẹrị oni o zụ zwe echi ẹtẹẹtẹrẹ, ộ rẹ huna akọnọ.

2 Ịsamụwẹrị 21:17

Di Abisayi ozi Izeruya va gụ Idevidi dị ọ và ịsa hị́ ọmụha ẹbayịrẹtẹ ọnọọ ẹngụ, dị ọ wụ̀ ọ nị. Dị aza Idevidi hị́ eku dị ẹ kà a yi Abisayi dị ẹ ka, “wẹ yị kụkụ vaa saasa yịị jịnẹ nọ ịrẹkụ agụvị ka ye yi sì ka à wụ wụ. Anisirẹrị ê si eyi kà wụ.”

2 Ịsamụwẹrị 23:18

 nyị ọza ịnya aanị ana aā hị́ Abisayi. Ọyịnyara Ijowabi ozi Izeruya ọ vị nị, dị ahịka ọnị ọ vị ọga ẹnị isoja ohurẹẹwụ. Ộ sị ọha anị pè aza ẹnị ịrẹkẹẹchẹhị kụ̀ ịrẹkụ, dị ọ wụ̀ wa nị. Dị ọ sị ọnọọ mẹ ịrẹha yị ẹngụ anị nị.

2 Ịsamụwẹrị 3:30

Ijowabi ọnịrị Abisayi ọyịnyara anị vị ana wụ Abịna agụvị ka Abịna ộ wụ Asahẹrị ọyịnyara ẹnịnị ịnị ịrẹkụ ẹnị ẹ kụ̀ Igibiyọnị.

2 Ịsamụwẹrị 3:39

Ịzẹyịza ẹmị a nyị mẹ ohinọyị ịnị ụmẹ ọnọnị nị, mẹ yị nyị ụkata. Ezi Izeruya ẹnịnị ẹ sị kata huna mị. Avaba aza ana aa mẹ̀ ịsa edivi aanị, Ẹnẹyịmavara ọ̀ navọ ò si wa atọ ịsa odivi ẹnị ẹ yaa mẹ.”

1 Ohinọyị 1:33

Ẹ mẹ̀ vẹ, dị ohinọyị ka, “kụ́ ezi ahụ amị dị ẹwụrị wa ẹ̀ sị Isoromọnị ozi emi tụra ịkẹrịkẹtẹ ohinọyị ọnị mịị̄ tụra. Wàa raà sị ọ tụra a, dị ẹwụrị ọ ò dudu zị chi na Igihoni.

1 Ịtọpa 11:20

Ijowabi ộ nyị ọyịnyara ọnya ana aā hị́ Abisayi, ọnị ọ vị ọdọvịdị isoja ohurẹẹwụ ẹnẹnị nị. Ộ sị ọha pe isoja ịrẹkẹẹchẹhị kụ́ ịrẹkụ, dị ọ wụ̀ wa nị. Ịsị ẹ sị ọ ngụrẹyị ịnị akakana ẹnị isoja ohurẹẹwụ ẹnẹẹ ọ vị ọnọọ nị.

1 Ịtọpa 18:12

 nyị ọnọrụ ana aā hị́ Abisayi. Ọnyị anị ọ rị Izeruya nị. Ô pe Anedomi kụ̀ ịrẹkụ ínozi anọ-anọ, dị ọ nyị ẹbẹẹba ẹnịnị nị. Ộ wụ ẹnị akawụ-akawụ oze ịhịịna (18,000).

Ijeremaya 8:14

Dị ẹnị aza Ohomorihi ka, sị ẹnị yaatụ ịzị ẹnaanị ee zi? Ẹ ka, a vẹ ẹnị e dudu zwe ne hi ẹkụra ana a jị ọvọ kara, dị ẹnị è sú hi ịzọọ. Ka, Ẹnẹyịmavara, Ohomorihi ẹnịnị ọ sị ẹnị hụrẹ ụvọ yị isu, ọ raa sị ẹchịpa yị ẹnị ka ẹnị è hú ọ; ka ẹnị ẹ sị ebira odivi mẹ hi ọ.

Ịmaakị 3:24

Ẹkụra ẹ̀ẹ gà hi dị ẹ và eyi kà ẹngụ nị, ẹkụra ọnọọ ọ yị zụ kwẹẹtẹ.

1 Ịsamụwẹrị 26:6

Di Idevidi vẹ, dị ọ va hị́ Ahimẹrẹkị ana vị Anihiti ọnịrị Abisayi ozi Izeruya ana vị ọyịnyara Ijowabi nị. Di Idevidi ka ẹnị aā saasa ọnịị nọ udi Ịsọọrụ. Dị Abisayi ka ọnị aa nọ nị.