2 Ịsamụwẹrị 20:5 - IWE ỌNỊNỊ

⁵ Ịzẹyịza dị Amasa si hu aa naa kụ́ Anijuda nị. Ama ọ yị vavẹ ịnị ụmẹ oni ohinọyị kà yọ.

2 Ịsamụwẹrị 20:5 ပူးပေါင်းရင်းမြစ်များ

2 Ịsamụwẹrị 19:13

Di ohinọyị ka ẹ̀ rẹ kà a yị Amasa ka ọ̀ yẹ o, ka ọnịrị ọ vị ọnya-ọnya. Ọ kà Amasa ọ vaa dọ Ijowabi ịrẹsụ dị ọ kụkụ vị ọga isoja nị. Ọ kà ọnị ọ̀ yị vavọọ mẹ, asị Ohomorihi zẹẹ ka aanị ò zoza.

2 Ịsamụwẹrị 20:6

Di Idevidi va kà a yị Abisayi dị ọ ka, “Wáá yẹ ka ịsa oni Ịsẹba raa mẹ yi o vee divii hu ịsa anị Abịsarọmị mẹ yị nị. Kwẹẹtẹ booro aanị dị wa kụ́ ezi ahụ amị dị wa wụsẹẹ dụ ọ na. À yị vị avọọ ọ nyayịnẹ na ngụ ịnị ẹkụra ana a jị ọvọ kara, dị ọ sị tụ̀ yị ụvọ.”

1 Ịsamụwẹrị 13:8

Ịsamụwẹrị ộ vịdị sị ọ ka ẹkụhị ịhịmba aa mẹ dị ẹnị ọ̀ vavẹ Igirigari. Dị Ịsọọrụ vavọọ jị jẹẹ zị ọ mẹ ẹkụhị ịhịmba nị. Ẹkụhị ịhịmba ọ sị gụ, ama Ịsamụwẹrị ộ yị vẹ va ngụ Igirigari, di isoja ana yà pè Ịsọọrụ nyima aa garaa hi nị.

1 Ịsamụwẹrị 20:35

Ẹnẹnẹ viri-viri, di Ijonatani si hu ee nee tù Idevidi anka ẹ mẹ vịdị kà a tịtẹ nị. Ọ màa na, dị ọ sị ozweyi ọnya saasa ẹngụ nị.