2 Ịsamụwẹrị 20:21 - IWE ỌNỊNỊ

²¹ Di Ijowabi ka, “Ẹyị vị avọọ. Ama â nyị ọnọrụ ọnya aanị ana aā hị́ Ịsẹba ozi Ibikiri ana vị Anehwireemi. Wàa sị ọnọrụ ọnọọ ọnị ịnya kẹnẹ yị, ve nyee kwooze yị ẹkụra ọnọnị nị.” Dị ọnẹẹ ọnọọ kà a yị Ijowabi dị ọ ka, “Mi vee ne ịrẹsụ ọza ọnọọ jịnẹ ọvọ va yị wụ.”

2 Ịsamụwẹrị 20:21 ပူးပေါင်းရင်းမြစ်များ

2 Ịsamụwẹrị 20:1

 nyị ọnọrụ odivi ọnya ana yà Igirigari ọnị ịrẹha anị rị Ịsẹba. Ozi Ibikiri ana vị Anịbẹnjamịnị ọ vị nị. Di ọ na sị ọpanyị, di ee hú ọ dị ọ ka, “Ẹ yị nyị ẹyịrị Idevidi rị o! Ọza o yi rò yị tụ́ ini ịrẹyị Idevidi ozi Ijeese. Ẹwụ nịnị Anisirẹrị, ọzọza ọ̀ sị oze udi anị.”

2 Ịsamụwẹrị 20:2

Ịzẹyịza dị avaba Anisirẹrị va hụrẹ ịrẹma Idevidi, dị kụkụ và ka Ịsẹba ozi Ibikiri na nị. Ama dị anọrụ Anijuda ẹnị jẹẹ pè Idevidi ohinọyị ẹnịnị, dị ẹ saasa hụrẹ Ijodani huu na ngụ Ijerusarẹmị nị.

2 Ịsamụwẹrị 20:20

Di Ijowabi ka vụrụ-vụrụ, ọnị ọ yị kà ka ọnị aa chaka ẹkụra ọnẹẹ ọnọọ.

2 Ịsamụwẹrị 23:18

 nyị ọza ịnya aanị ana aā hị́ Abisayi. Ọyịnyara Ijowabi ozi Izeruya ọ vị nị, dị ahịka ọnị ọ vị ọga ẹnị isoja ohurẹẹwụ. Ộ sị ọha anị pè aza ẹnị ịrẹkẹẹchẹhị kụ̀ ịrẹkụ, dị ọ wụ̀ wa nị. Dị ọ sị ọnọọ mẹ ịrẹha yị ẹngụ anị nị.

1 Ohinọyị 11:26

Ọnọrụ ọsa ana kụ hịrẹ Isoromọnị ohinọyị ọ vị ọnya ịnị ozi ahụ anị aā hị́ Ijerobowami ozi Inebati ana ya ẹkụra Izereda ịnị ẹtẹ Anehwireemi. Ịrẹha ọnyị anị ọ rị Izeruwa ana vị osoku nị.

2 Ohinọyị 10:7

Ịjị ịrẹta ọnọnị tu wa ụvọ, dị ẹnịnị kụ ezi ohinọyị ẹnẹnị, dị ẹ wụ̀ wa nị. Ẹ sị wa wụ, dị ẹ jị wa ịrẹsụ, dị ẹ kụ ọ hi ini uji, dị ẹ kụ ọ ne tu Ijehu Ijezirẹẹrị nị. Ezi ohinọyị ẹnẹnị vị ẹnị ẹtarẹwụ.

2 Ohinọyị 5:22

Igehazi ô tụ́ ohi ka, eyiye, ama ọga anị ọ tụ́ ọnị ka ọnị ọ̀ va kà a yọ ka, ọnịsẹ ẹẹva ệ hụụ ẹtẹ Ehwireemi ana yà ịnị ataba vẹ ịdị anị. Aarịhịnị ọ̀ sị akawụ rị akahị beri ịta oze ẹẹva va yị ọnị dị ọnị ọ̀ sị yị wa.

Ijeremaya 4:15

Ijeremaya ka, aza ẹẹ ya ẹtẹ Ịdaanị, ịrẹsụ ataba Ehwireemi aa kà a ịrẹyị odivi ene vee tu wu nịnị.

Ijeremaya 50:19

Ẹnẹyịmavara kà, ọnị vanaa kụ Anisirẹrị nịnị vaavẹ ịnị ẹtẹ ẹnịnị. Ẹnịnị vaa kụ́ ịsọyịrị tụ ịrẹsụ ataba Ịkamẹrị ọnịrị ịnị ẹtẹ Ịbasanị, dị ẹyaa rị ọ. Ẹnịnị vee re avaba ịsị eyee sì ịrẹsụ ataba Ehwireemi ọnịrị hụrị ẹtẹ Anigiriyadi.

Ijosuwa 24:33

Eriyaza ozi Eerọnị ô su, di e ne e tụ́ Igibiya, ẹkụra ana ya ịrẹsụ ataba ẹkụra Ehwireemi. Ozi Ijosẹẹhụ ana aā hị́ Ihwinehasi a sị ẹtẹ ọnọọ yị nị.

Ọdọvịdị 2:9

Di e ne e tụ ịnị ẹhụ ẹtẹ ana vaa anị ịnị Itiminati-Ịhẹrẹsị ịrẹsụ ataba ẹtẹ Ehwireemi eyi ẹbẹẹba ataba Igaasi.

Ọdọvịdị 7:24

Igidiyọnị ộ rẹ tụ aza na hị́ anẹkụra ene hi ịrẹsụ ataba ẹtẹ Ehwireemi ka ẹ vị ụvọ beri ẹnị gẹ ịrẹkụ tu Animidiya nịnị. Ẹ nyị aza ene sere avaba aha oswe, orosi, ọnịrị Ịkangga huu na Ịbẹtị-Ibara, dị isoja Animidiya nịnị ẹ va ngụ aha ẹnẹẹ. Aza ẹnyị ee sere Okuha Ịjọdanị.

Ọdọvịdị 9:55

Ịjị Anisirẹrị nịnị re ka Abimẹrẹkị ô wu su, dị ọzọza va a ne eehi anị nị.

1 Ịsamụwẹrị 24:6

Di Idevidi va kà a yị aza anị dị ọ kà, “Ẹnẹyịmavara ọ yị vaa zẹẹ ka ọnị ọ̀ sị ụvọ anị kanyị ọza ọnị ọ nyị ka ọ̀ vị ohinọyị. Ọnị ọ yị nyayịnẹ vavọọ mẹ̀ ebira hi ọga anị.”

1 Ịsamụwẹrị 26:9

Di Idevidi ka asị ọ wụ̀ ọ. Ọ kà ọza ọ́ọ́ nyayịnẹ sị ụvọ kanyị ọza ọnị Ẹnẹyịmavara sị nyị dị asị ọ rị ịvị?