2 Ịzẹyịza dị avaba Anisirẹrị va hụrẹ ịrẹma Idevidi, dị kụkụ và ka Ịsẹba ozi Ibikiri na nị. Ama dị anọrụ Anijuda ẹnị jẹẹ pè Idevidi ohinọyị ẹnịnị, dị ẹ saasa hụrẹ Ijodani huu na ngụ Ijerusarẹmị nị.
 nyị ọnọrụ odivi ọnya ana yà Igirigari ọnị ịrẹha anị rị Ịsẹba. Ozi Ibikiri ana vị Anịbẹnjamịnị ọ vị nị. Di ọ na sị ọpanyị, di ee hú ọ dị ọ ka, “Ẹ yị nyị ẹyịrị Idevidi rị o! Ọza o yi rò yị tụ́ ini ịrẹyị Idevidi ozi Ijeese. Ẹwụ nịnị Anisirẹrị, ọzọza ọ̀ sị oze udi anị.”
Di Ijowabi ka, “Ẹyị vị avọọ. Ama â nyị ọnọrụ ọnya aanị ana aā hị́ Ịsẹba ozi Ibikiri ana vị Anehwireemi. Wàa sị ọnọrụ ọnọọ ọnị ịnya kẹnẹ yị, ve nyee kwooze yị ẹkụra ọnọnị nị.” Dị ọnẹẹ ọnọọ kà a yị Ijowabi dị ọ ka, “Mi vee ne ịrẹsụ ọza ọnọọ jịnẹ ọvọ va yị wụ.”
Idevidi ọ va sị ngụ ini eehi anị Ijerusarẹmị, dị ọ kụ onyeehi anị ẹẹwụ ọnị ọ navọ hi ịzọọ ka è si eyi pè irehi, ne pe oserẹtẹ ka èe sere wa nị. Idevidi aa tẹsị ẹnịnị, ana o yi tù ịda ẹnịnị. Avọọ a mè gu oze hi wa pooro ne tù ụmẹ ẹnị e si sú nị. Ẹnịnị vị ana ra anka osoku avọọ.
Ẹkụhị ọnya avaba Anisirẹrị ẹ sị wụ́, dị ẹ tụ́ na hị́ ọ ka ọ̀ vẹ ve tù aza ana gụ nị. Ọ mẹ̀ vẹ, dị ẹ sị ọ rị ohinọyị avaba Anisirẹrị nị. Ẹ yị nyị aza ana jẹẹ pè aneehi Idevidi à yị vị ovwoovu Ijuda ọnị ịnya kẹnẹ.
Nyị ịsị ọza vị vụrụ-vụrụ ahị ọza ọbanyị, ahị onosiye, ẹ yị nyị ana a ka â nyị ịsị ọnịvị àa kụ́ wa hi ịnị ịngọ, e vee re ka ẹ yị nyị ịsị ẹ vị vụrụ-vụrụ ẹnịnị ệ hẹrẹ hu asịsẹ.
Íbanabasị mè tù ịzọọ, di o re ịsị Ohomorihi mẹ ịzọọ ịnị ayamva anị, ayị anị ô hine. Di o hú wa ụvọ ka ẹ̀ nyị ayị ọnya, dị ẹ̀ yịị sị ayị ẹnịnịị yị Ohomorihi nị.