2 Ịsamụwẹrị 20:19 - IWE ỌNỊNỊ

¹⁹ Ẹyị vị ọnya ịnị ẹkụra ẹngwọọrọ ọnịrị ẹkụra ana nyị ịzẹyịza ịnị ẹtẹ Anisirẹrị. Ama ụ ka àa chaka ẹkụra ọnọnị. Yàa yà ini Anisirẹrị, sị ẹ vẹ dị ụ ka aa chaka ịsa ana vị ịsa Ẹnẹyịmavara?”

2 Ịsamụwẹrị 20:19 ပူးပေါင်းရင်းမြစ်များ

Oyinyima 18:23

Di Abụrahamị kà pè Ẹnẹyịmavara dị ọ ka Aanị ka ọ vaa wụ̀ aza ọyịza ọnịrị aza edivii vaa bẹ nị?

2 Ịsamụwẹrị 14:16

Mê ro ka ụ vaa dọ ịrẹyị amị, dị ụ dọ mị tụ́ hụụnị ụvọ aza ene ee sì ka ẹnị ẹ̀ wụ ẹmịrị ozi emi, dị ẹnị ẹ̀ sị yị hụụnị ẹtẹ oni Ohomorihi sị yị aza anị.”

2 Ịsamụwẹrị 17:16

Wụsẹ jintu tụ́ na kà a yi Idevidi ka asị ọ sụ ịzị aā jịnẹ okuha ịnị ụnọmị avọọ oo! Kà a ọ wụsẹ kwẹẹtẹ dị ọ̀ọ nọ akẹnẹ kà à yị vị avọọ vị aa wụ ọnịrị aza anị nị oo!

2 Ịsamụwẹrị 20:18

Dị ọnẹẹ ọnọọ ka, “A vịdị kà a ịyẹẹyẹ ka ịsa ọza èe họ̀ use, òo tù ịnị ẹkụra Ẹba, o vee re ohii dọ. Ịzẹyịza èe tù ịzọọ vi e yee re ohii dọ nị.

2 Ịsamụwẹrị 20:20

Di Ijowabi ka vụrụ-vụrụ, ọnị ọ yị kà ka ọnị aa chaka ẹkụra ọnẹẹ ọnọọ.

2 Ịsamụwẹrị 21:3

Di Idevidi ohinọyị va hị́ Anigibiyọnị dị ọ ka, “Sị a vọrọ ka ma mẹ wụ nịnị? Mee sì ka ịsa odivi ana a mẹ wụ nịnị aanị, ma mẹ ọyịza dọ ọ ịrẹsụ dị wa zụ mẹ̀ aduwa yị aza Ẹnẹyịmavara nịnị.”

1 Ohinọyị 8:53

Nda, Ẹnẹyịmavara, wa yẹ ka ẹwa nyị wa hụụnị avaba anẹhẹ ana vọ̀ tụ́ irenyi yị ẹngụ awụ ka ẹ̀ vị awụ nị. Avọọ ụ mẹ̀ kà a yi Imosiisi ozi ahụ awụ nị, ịnị ụmẹ ọnị ụ sị kụ́ ohiku ayị jịnẹ hụrẹ Ijipiti.”

Ahẹ Ụgama 106:5

Navọ ize aza awụ ọnị ụ sị nyị ò ve che kú mị, di me zụ beri aza awụ jẹ ịrajẹ. Navọ ẹnịrị aza awụ è ve duduu kụ́ wụ avọ.

Ahẹ Ụgama 124:3

dị ẹ yaa kụ́ ayịị hi yị, vị ẹ yaanị gà yị rị ireyi-ireyi nị.

Ahẹ Ụgama 33:12

Ẹnẹyịmavara ọnọnị, aza ana sị ọ mẹ Ohomorihi, ẹ̀ nyarị ịrẹsụ ọyịza o! Mị ka ẹwụ nịnị ọnị ọ nyị ka ọnị ọ sị mẹ aza anị, a nyarị ịrajẹ o!

Ahẹ Ụgama 78:71

dị ọ sị ọ ka ọ̀ kụkụ vaa tẹsị aza anị ana vi ezi Ijekọvụ nị. Mị ka ẹnị ẹ vị Anisirẹrị ana vi ogu Ohomorihi nị.

Ijeremaya 51:34

Inebukadineza, ohinọyị Ịbabịrọnị ọ sị ẹnị gara ha, ọ sị ẹnị tu avọ osusu anka a mẹẹ tụ ụnọkọ osusu avọọ. Ẹ ka, ọ sị ẹnị za mụnẹ anka ẹwụ mẹẹ mụnẹ ịsa avọọ. Dị ọ kụ avaba ịsa ohine-ohine ẹnẹ ẹnị nyị hi ịrẹka nị. Ọ rẹ sị ẹnị tọmọ và hi ẹtẹ o.

Ijeremaya 51:44

Ẹnẹyịmavara kà, ọnị vaa sị ụyaa rị ori Anibabironi nịnị ana aā hị́ Ịbẹẹrị, dị ọnị mẹ ka ọ̀ hẹ̀rẹ avaba ịsa ọnị o yi. Anẹkụra-ẹkụra nịnị ẹ́ yị ma vana va mẹ̀ ẹ. Ọvọ Ịbabịrọnị o si wu o.

Arụwẹ 2:16

Avaba ọnịvị Ijerusarẹmị nịnị vị ana kụkụ aa sị ọ mẹ enyinyi, dị ẹ kụkụ aa sị eyi oweyi re e nị. Ẹ kụkụ à jị aahị hi wa, dị ẹ yaa ka a ka imba ẹnị ẹ sị ọ vú ẹtẹ nị. Ẹ kà ẹkụhị ọnị ẹnị jẹẹ ee zí eyi yị.

Arụwẹ 2:2

Ananyị yị ẹ yị vayị Anijuda nịnị, ọ sị wa vú ẹtẹ. Ọ raa sị ọyịkụ gara aha ọnị ẹnịnịị tẹ̀ẹ ha. Dị ọ mẹ̀ ụhị nyị ẹnịrị ohinọyị ẹnịnị nị.

Arụwẹ 2:5

Ánanyị yị kụkụ sị mẹẹ anka ọnịvị ẹnịnị avọọ nị. Ó reè vú Anisirẹrị ẹtẹ beri avaba irehi ohinọyị ẹnịnị. Ộ sị avaba aha ọnị ẹnịị̄ tẹ̀ jị eburu. Ộ mẹ ka avaba Anijuda nịnị ẹẹ jị òrèrè pooro kẹnẹ.

Ịrịka 16:32

dị ọ mụnẹ Ikora ọnịrị avaba aza anị ne beri avaba ogu anị.

Ịrịka 26:10

avọọ ẹtẹ ha irenu, dị ọ mụnẹ wa, dị ịra rị aza ẹnị ịrẹka tụra ẹvarẹwụ (250). Ẹnị aa sị kà aza ana vọ ọnọ nị.

1 Anịkọrịntị 15:54

Ọchẹngụ ayị eneē du, dị oō sú aanị, ịhị àa vara a ọchẹngụ ene è yi me vene du, di ò sú, ịrẹyị ana a vịdị chẹrẹ tụ́ ini Iwe Ohomorihi vaa sẹ ịhị ọnọọ. Ịrẹyị ọnọọ ka: Ohomorihi ọ sị ụkata iswọọza gara, ọ raà nyị ehuna anị saka-saka.

2 Anịkọrịntị 5:4

Ị mẹ̀ yị yà ịnị ọchẹngụ ayị ọnọnị booro aanị, yee ti agụvị ka ẹnya ẹngụ anaā zị yị ọ sị ngụ yị. A yị vị ka vi yee sì ka à sị ọchẹngụ ayị ẹhẹ ọnọnị kwooze nị, ama yee sì ka à sị ẹ́ẹbẹẹba ku yi ẹngụ, agụvị dị à sị ọchẹngụ ene èe mē sú dọ ịrẹsụ ọchẹngụ ayị eneē sú anịị yị.

Iwe Ọhụhị Imosiisi ana aa hị́ Ọyịvatụrọda 20:10

Ẹnịnị aa na gẹ ịrẹkụ tu ẹkụra, ẹ vịdị sị oze yị anẹkụra ẹnẹẹ ka ẹ jị ụvọ yị ẹnị.

Iwe Ọhụhị Imosiisi ana aa hị́ Ọyịvatụrọda 32:9

Ama Ẹnẹyịmavara ụvọta anị ọ vị Ohomorihi aza anị Isirẹrị nị.

1 Itimoti 2:2

Ẹ̀ẹ mẹ̀ aduwaa yị ohinọyị nịnị ọnịrị aza ana nyị ọda! Ọnọọ vaa mẹ ka ya zụ nyị ebira hẹẹ, dị yaa mẹ ẹhẹ ẹngwọọrọ, dị yaa mẹ mẹ̀ ebira oni Ohomorihi sì dị ọ rẹ vọrọ ini oze tụra oze.

Ọdọvịdị 5:7

Ẹkụra ene hi ịnị ẹtẹ Isirẹrị vị ana tụ́ osusu. Ẹ tịtẹ osusu kẹnẹ dị ụ vavẹ, Idebora Dị ụ kwẹẹtẹ anka ọnyị yị Isirẹrị nị.

1 Ịsamụwẹrị 10:1

Ịsọọrụ mẹ̀ jẹẹ ee zi Ịsamụwẹrị, dị Ịsamụwẹrị na sị angwẹ tụ́ ịnị ịsa vẹ nị. Ọ mẹ̀ vẹ, dị ọ và angwẹ ọnọọ hi Ịsọọrụ ịrẹsụ nị. Ịjị ọ vavọọ sị angwẹ và hị́ ọ ịrẹsụ, dị Ịsamụwẹrị kụ́ ọ anka a mẹ̀ẹ kụ́ ohinọyị nị, dị ọ ka Ẹnẹyịmavara ọ sị ọ nyị ka ọ̀ vị ohinọyị Anisirẹrị ana vị aza ọnị Ohomorihi.

1 Ịsamụwẹrị 26:19

Taarụ ohinọyị, navọ wa wụ́ ịrẹyị amị. Àa vị Ẹnẹyịmavara ọ ka waa dụ mị nị, ọ̀ navọ ọ̀ dọ ịsọvọ ọnị maa sịị da ịpẹ. Àa vị aza ẹ maanị aa tụ́ wụ́ ịrẹyị nị, Ẹnẹyịmavara ọ yị vaa zẹẹ ka ò zoza yị aza ẹnẹẹ. Ẹ sị mị dụ hụụ ịda aza Ẹnẹyịmavara, ẹ ka ma kụkụ naa hẹkẹ ori.