2 Ịsamụwẹrị 20:10 - IWE ỌNỊNỊ

¹⁰ Ama Amasa o yi si eyi pè ẹtẹ di ò ve re ụhwọ ana yarị Ijowabi. Di Ijowabi ne ụhwọ ngụ ọ ịrẹka, dị ọ ka a iruvu và hi ẹtẹ nị. Avọọ Ijowabi mẹ̀ yị jẹẹ pè e di o sú nị. Di Ijowabi ọnịrị ọyịnyara anị kụ́ hi Ịsẹba ozi Ibikiri, dị ẹ yaa dụ ọ nị.

2 Ịsamụwẹrị 20:10 ပူးပေါင်းရင်းမြစ်များ

Oyinyima 4:8

Ẹkụhị ọnya Ikeeni ô pè Ẹba ọyịnyara anị kà ịrẹyị. E mè hi ịnị aarẹ, di Ikeeni za Ẹba dị ọ wụ̀ ọ nị.

2 Ịsamụwẹrị 2:23

Ama Asahẹrị ọ yị yị wụ́ dị aa dịị dụ Abịna nị. Di Abịna ve ne ọha anị ịrẹma-ịrẹma, dị ọ jị ọ ngụ Asahẹrị ịrẹka, dị ọ hà ẹngwa na jịnẹ ịrẹma anị nị. Dị Asahẹrị hyẹdụ nya ẹtẹ di o sú tụ́ ịzọọ nị. Avaba aza ana vọ ana àa vẹ mè tù ịzị Asahẹrị sú tụ́, dị ẹ jẹẹ ịzọọ nị.

2 Ịsamụwẹrị 20:9

Di Ijowabi kà a yị Amasa dị ọ ka, “A vị à yị nyị ịrẹyị ọhụva anị?” Di Ijowabi za Amasa ụvọrị ka oni ò kú ọ irenu nị.

2 Ịsamụwẹrị 3:27

Abịna mẹ̀ vavọọ vavẹ va ngụ Ihebirọnị, di Ijowabi hị́ ọ nọ oboka ọnya ini oze ana va ngụ ẹkụra, dị ọ sị mẹ̀ ẹ ka vi ee sì ka ọnị ọ̀ kà ịrẹyị chire e ụtọ nị. E mè tù ịzọọ, di Ijowabi ne ụhwọ ọ ịrẹkụ dị ọ wụ̀ ọ. Avọọ Ijowabi mẹmẹ sí atọ ịrẹyị Asahẹrị ọyịnyara anị ana Abịna wụ nị.

1 Ịtọpa 12:2

Isoja ẹnẹnị vị ana hụrẹ ovwoovu Ịbẹnjamịnị. Ẹnịnị vị anda Ịsọọrụ. Ẹnịnị ẹ zụ́ sị ụvọrị àa vị ụvọha ne ọpa ọnịrị ịrẹta.

Ijeremaya 41:2

dị Isimẹrị ọnịrị aza anị vana tụ̀ ụhwọ, dị ẹ wụ Igidarịya nyẹtẹ nị.

Ịrịka 35:20

Avọọ ọ mẹ rẹ vị yị ọza anaa sị̀ ayamụkụ tụ́ ọza ụvọ, a vị di o ne ịsa ịrịra na wụ́ ọza nị.

Ọdọvịdị 3:15

Ụmẹ ọnọọ Anisirẹrị nịnị ê na owu na za Ẹnẹyịmavara, dị ọ sị ọnọrụ ana aā hị́ Ehudi ka ọ dọ wa ha nị. Ehudi vị ozi Igera, dị ọ vị Anịbẹnjamịnị nị. Ọnị ọnụvọha ọ vị nị. Anisirẹrị nịnị ệ sị ẹyịza tụ́ ọ ụtụ hi Egirọnị, Ohinọyị Imowabi.

Ọdọvịdị 3:21

Ehudi sị ụvọha anị tụ́ ụhwọ́ hụụnị usi eyi ụvọrị anị, dị ọ jị ụhwọ ọnọọ ngụ ọ ịnẹ nị.

1 Ịsamụwẹrị 26:8

Di Abisayi va hị́ Idevidi dị ọ ka, “Ajịnị Ohomorihi sị ọnịvị awụ chire wụ ụvọ nọ! Navọ ma gụ ọha amị chire e na za eteesu ụpẹ ọnya kẹnẹ. Mẹ yị gụ ọ chire e tù ụpẹ ẹẹva.”