2 Ịsamụwẹrị 2:7 - IWE ỌNỊNỊ

⁷ Dị ọ ka asị e hí angwa, ẹ̀ nyị ọtụtụrụma. Ọ kà Ịsọọrụ ohinọyị ẹnịnị ô wusu, ama Anijuda ẹ raà sị ọnị ka ọnị ọ kụkụ vị ohinọyị ẹnịnị.

2 Ịsamụwẹrị 2:7 ပူးပေါင်းရင်းမြစ်များ

Oyinyima 15:1

Ịjị ịrẹyị ẹnẹnị ta, di Abụramị re ẹtẹ ẹkụhị ọnya nị. Di Ẹnẹyịmavara va kà a yọ ịnị ẹtẹ ọnọọ dị ọ ka, “Abụramị, asị u hí angwa. Ọ kà ọnị ọ yị vaa zẹẹ ka ịsa odivi ò tù ọ, ọgụ ọnị ọnị vaa sị yọ vaa banyị

2 Ịsamụwẹrị 10:12

Dị ọ rẹ ka, “Asị u hí angwa, vẹ ya sị ọtụtụrụma kụ̀ ịrẹkụ agụvị ẹkụra ayị ọnịrị agụvị ẹkụra Ohomorihi ayị. Ẹnẹyịmavara vaa mẹ̀ ịsa ene zee e eyi.”

2 Ịsamụwẹrị 2:6

Ọ kà Ẹnẹyịmavara anaā mẹ ịzẹyịza pooro ọ̀ vavọọ ọ̀ vayị ẹnịnị, dị ọ̀ mẹ ka ò zee yi wa. Di Idevidi ka oni vee si wa atọ ebira ozoza ẹnị ẹ maanị mẹ aanị.

2 Ịsamụwẹrị 2:8

 nyị ọnọrụ ọnya aanị ana aā hị́ Abịna ana vi ozi Ineri. Ọnọrụ ọnọọ ọ vị ọga isoja Ịsọọrụ, dị ọ sị ọ vẹ ịzị aā hị́ Imahanayimi nị.

2 Ịsamụwẹrị 5:3

Dị ọdọvịdị Anisirẹrị ne tù Idevidi ohinọyị Íhebirọnị ịzọọ, dị ẹnịrị Idevidi hị́ eku yị ẹngụ éyi Ẹnẹyịmavara ịzọọ nị. Dị ẹnịnị sị Idevidi dị ẹ sị ọ rị ohinọyị avaba Anisirẹrị nị.

2 Ohinọyị 11:12

Dị Ijehoyada va sị Ijowasi tụ ẹhẹ nị. Ộ sị ọkẹkẹrẹkụ ohinọyị ku ọ, dị ọ sị iwe ọda ana a sị mẹ ohinọyịị yọ nị. Â va angwẹ hi Ijowasi ịrẹsụ, dị ẹ nọ̀ọ ka ọnị ọ vị ohinọyị nị. Aza ệ kụ̀rà ụvọ, di e nowu ka: orubo ọcha, orubo ẹya o, ẹwụ ohinọyị!

Inehemaya 2:18

Dị Inehemaya ộ kà yị wa Ohomorihi mẹmẹ jẹẹ ọnị ịrẹma ọnịrị ịrẹyị ọnị ohinọyị kà. Dị avaba aza tụ ohi vabẹ ka, ozoza! Aa vẹ ẹnị ẹ kwẹẹtẹ ẹnị ẹ tenyi ọvọ ọnọọ tụra. Avọọ ẹnịnị mẹ tụ ẹngụ ọtụtụrụma mẹ̀ ụkọrọ ọnọọ nị.

1 Anịkọrịntị 16:13

Wee zi nịnị, jẹẹ geri-geri ịnị ẹdọwụ awụ nịnị, nyị ọtụtụrụma, dị ụ wa nyị ụkata nịnị!

Anẹhwẹsọsị 6:10

Ịrẹyị ọdịrẹma oni mee sì ka ma kà wụ nịnị, yị: Waa dọ ụkataa hụụnị ẹngụ Ananyị yị dị ụ wa zụ nyị ụkata, agụvị ka ọnị ọ nyị avaba ụkata nị.

1 Ịsamụwẹrị 31:12

Dị ọmụha ẹnịnị ana nyị ayị ngụ ịrahụ nọ Ịbẹtị-Isani nị. Dị ẹ na sị oku Ịsọọrụ ọnịrị ezi anị hụụnị ọvọ ana yà Ịbẹtịsani, dị ẹ nọ, dị ẹ nọ Ijabesi-Igiriyadi, dị ẹ na rị wa ịra ịzọọ nị.

1 Ịsamụwẹrị 31:7

 nyị Anisirẹrị ene hi ini ozi ịzọọ, dị ẹnyị hi akẹnẹ Okuha Ịjọdanị nị. Ê re ka isoja Anisirẹrị ẹ kụ́ zwe, di Ịsọọrụ ọnịrị ezi anị ẹnị re wusu nị. Ẹ mẹ̀ vavọọ re e, dị ẹ hụụnị ẹkụra ẹnịnị di e si zwe nị. Di Anihwirisiti kụkụ ne hi ịzọọ nị.

1 Ịsamụwẹrị 4:9

Dị ọdọvịdị Anihwirisiti ka, “Ẹwụ nịnị anda ayị, asị u rè hí angwa nịnị. Waā kụ́ ịrẹkụ awụ nịnị anka ọnọrụ. Wẹ̀ yị nyị ọtụtụrụma nịnị, vi Anihiburu aa za wụ nịnị ọrịhị anka ị mẹ̀ vịdị za wa ọrịhị nị. Asị u hí angwa, wa kụ̀ ịrẹkụ awụ nịnị!”