2 Ịsamụwẹrị 2:6 - IWE ỌNỊNỊ

⁶ Ọ kà Ẹnẹyịmavara anaā mẹ ịzẹyịza pooro ọ̀ vavọọ ọ̀ vayị ẹnịnị, dị ọ̀ mẹ ka ò zee yi wa. Di Idevidi ka oni vee si wa atọ ebira ozoza ẹnị ẹ maanị mẹ aanị.

2 Ịsamụwẹrị 2:6 ပူးပေါင်းရင်းမြစ်များ

2 Ịsamụwẹrị 10:2

Di Idevidi ve ro o ka ọnị aa naa mẹ ayamvaa yị Ihanuni ọnọọ nị. Ihanuni vi ozi Inahasi. Idevidi kà Inahasi ada Ihanuni ọ rẹẹ̀ vịdị mẹ ayamva yị ọnị da. Di Idevidi va tụ́ aza ka ẹ̀ na kụ́ Ihanuni nyaarị ọ agụvị ada anị ene sú nị. Ịjị aza ọnị Idevidi vavọọ tụ́ na sị ngụ ẹtẹ Anamọnị,

2 Ịsamụwẹrị 15:20

Óò yi kù ọnị ụ vẹ ịzẹnị. Mẹ yị wụsẹ nyẹngụ sị wụ ka waa ngụ ọ zị beri eyi. Ẹmị ịnyẹmba ọ yị hyakụ yẹ ịzị maa nọ. Varẹma dị wa na sị anẹkụra awụ dị ẹwụrị wa ọ̀ zị. Ohomorihi ọ̀ navọ ọ̀ vayị awụ, dị ọ̀ sị ịzẹyịza anị jẹẹ pè wu.”

2 Ịsamụwẹrị 2:7

Dị ọ ka asị e hí angwa, ẹ̀ nyị ọtụtụrụma. Ọ kà Ịsọọrụ ohinọyị ẹnịnị ô wusu, ama Anijuda ẹ raà sị ọnị ka ọnị ọ kụkụ vị ohinọyị ẹnịnị.

2 Ịsamụwẹrị 9:3

Di Idevidi ohinọyị rẹ ka áá kụkụ yịị nyị ịpa Ịsọọrụ ana vọ ana vọrọ ka ọnị ọ̀ hụ agụvị Ohomorihi mẹ ayamva yị? Di Iziba ka, “Taarụ, aa nyị ozi Ijonatani ọnya ana yị yà ịzọọ, ama ahụ anị ẹyịva vi ene sú.”

2 Ịsamụwẹrị 9:7

Di Idevidi ka, “Asị ụ hụrẹ ayị ịnẹ ka mị vaa vayị awụ agụvị Ijonatani ada awụ. Maa sị avaba ẹtẹ Ịsọọrụ ada awụ ọbanyị dị mị và a ịrẹmaa wụ. Ẹmịrị ẹwụ o dudu vaa rị ịsa pooro eyinị-eyinị nị.”

Ahẹ Ụgama 57:3

Ohomorihi vaa hụrẹ ini ihinẹba vẹ, dị ọ va dọ mị tụ́ Avaba aza ana kwẹẹtẹ tù mị vị ọnị ọ vaa mẹ ụhịị nyị Ohomorihi vi ene vee sì ịrẹyị amị pooro, ọ yị vee vene mị.

Ọyịkụra 34:6

Ọ mẹ̀ zị ọvịdị Imosiisi aa parahu, dị aa hị́ ẹngụ anị ịrẹha dị ọ ka ọnị Ẹnẹyịmavara ana vị Ohomorihi anaā vayị ọza ẹtẹẹtẹrẹ. Ọ kà ọnị ọ mā hụra kụ́ ayị, ama ọnịị̄ sì ịrẹyị ọza dị ọnị rẹ nyị ịzẹyịza nị.

Ụhịrẹyị 14:22

Ọza ene tenyi ẹngụ ọyị mẹ̀ odivi vị enee nyeeyi, ama ebira ozoza vị ana sị ụbanyị yị ọza, dị a rẹ sị ayị tụra a.

Imatiwu 10:16

“Re, mị tụ́ wụ nịnị aa na anka atẹmẹ ana aa nọ ịnị akakana akatapooro nịnị avọọ nị. Agụvị avọọ â nyị ka wa tangwa yẹẹrẹ nịnị anka ẹwụ avọọ, ama dụ wa yà anka arivadi nịnị ẹnẹ ẹ̀ yị mā mẹ ọza ịrẹyị odivi avọọ.

Imatiwu 5:44

Ama ẹma kà a yị wụ nịnị nị ka, sì ịrẹyị ọnịvị awụ nịnị, waa mẹ̀ aduwaa yị aza ene ee chìi hi wu nịnị, waa mẹ ọyịzaa yị aza anaā kụ́ ayị awụ nịnị! Dị ụ wa rẹẹ mẹ̀ aduwaa yị aza ana aa mẹ wụ nịnị kẹnẹ-kẹnẹ, ọnịrị aza ana aa sị ụyaa rị wụ nịnị!

Imatiwu 5:7

Anayamva vaa daa jẹ, agụvị ka Ohomorihi vaa vayị ẹnịnị.

Ijosuwa 2:14

Dị Anọrụ ẹnẹẹ tụ́ ozu hị́ eku ka ẹnị ẹ yị vaa wụ́ wa ịnị ụmẹ ọnị Ẹnẹyịmavara ọ sị ẹtẹ ọnọọ yi ẹnị. Ama asị Ịrahabị kụ uruvo ẹnịnị hi ẹhẹ.

Iruutu 1:8

dị Inawomi hị́ ese ezi anị ẹyịva, dị ọ kà yị wa ka ẹ̀ varẹma ka ọnyị ẹnịnị na nị. Dị ọ kà Ẹnẹyịmavara ọ̀ mẹ ọyịza yị wa anka ẹnị mẹ̀ rẹ mẹ yị ọva ẹnịnị ene sú ọnịrị ọnị nị.